സ്വ​പ്ന​ന​ഗ​രി​യി​ലെ എ​ക്സി​ബി​ഷ​ൻ; 25 ല​ക്ഷം ‘ഗു​ണ്ടാ​പ്പി​രി​വാ​യി’ വേ​ണ​മെ​ന്ന് ബി.​ജെ.​പി നേ​താ​ക്ക​ൾ ഭീ​ഷ​ണി​​പ്പെ​ടു​ത്തി​യെ​ന്ന്​

കോ​ഴി​ക്കോ​ട്: 25 ല​ക്ഷം രൂ​പ ‘ഗു​ണ്ടാ​പ്പി​രി​വാ​യി’ ന​ൽ​കി​യി​ല്ലെ​ങ്കി​ൽ, കോ​ടി​ക്ക​ണ​ക്കി​ന് രൂ​പ ചെ​ല​വ​ഴി​ച്ച് നി​ർ​മി​ച്ച എ​ക്സി​ബി​ഷ​ൻ സെ​റ്റ് അ​ഗ്നി​ക്കി​ര​യാ​ക്കു​മെ​ന്ന് ബി.​ജെ.​പി നേ​താ​ക്ക​ളു​​ടെ ഭീ​ഷ​ണി.

പ​ണം ന​ൽ​കി​യി​ല്ലെ​ങ്കി​ൽ എ​ര​ഞ്ഞി​പ്പാ​ലം സ്വ​പ്ന​ന​ഗ​രി​യി​ൽ ആ​രം​ഭി​ച്ച ‘മ​റൈ​ൻ വേ​ൾ​ഡ് ഇ​ൻ ദ ​സീ ബൈ’ ​പ്ര​ദ​ർ​ശ​നം പൂ​ർ​ണ​മാ​യും ക​ത്തി​ക്കു​മെ​ന്നു​പ​റ​ഞ്ഞ് ബി.​ജെ.​പി സം​സ്ഥാ​ന ക​മ്മി​റ്റി അം​ഗം സ​തീ​ഷ് പാ​റ​ന്നൂ​ർ, കോ​ഴി​ക്കോ​ട് നോ​ർ​ത്ത് മ​ണ്ഡ​ലം സെ​ക്ര​ട്ട​റി അ​ജ​യ് ലാ​ൽ എ​ന്നി​വ​രാ​ണ് ഭീ​ഷ​ണി​പ്പെ​ടു​ത്തി​യ​തെ​ന്ന് എ​ക്സി​ബി​ഷ​ൻ സം​ഘാ​ട​ക​രാ​യ എ​റ​ണാ​കു​ള​ത്തെ ഡി.​ക്യു.​എ​ഫ് ഏ​ജ​ൻ​സി എം.​ഡി ഫ​യാ​സ് റ​ഹ്മാ​നും ലീ​ഗ​ൽ അ​ഡ്വൈ​സ​ർ അ​ഡ്വ. ഫാ​ത്തി​മ സി​ദ്ദീ​ഖും വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. സം​ഭ​വ​ത്തി​ൽ ന​ട​ക്കാ​വ് പൊ​ലീ​സ് ഇ​രു​വ​ർ​ക്കു​മെ​തി​രെ ​ജാ​മ്യ​മി​ല്ലാ വ​കു​പ്പ് പ്ര​കാ​രം കേ​സെ​ടു​ത്ത് അ​ന്വേ​ഷ​ണം തു​ട​ങ്ങി​യി​ട്ടു​ണ്ട്.

പ്ര​ദ​ർ​ശ​ന​ത്തി​നാ​യി ഏ​പ്രി​ൽ 24ന് ​പ​ന്ത​ലി​ടാ​ൻ തു​ട​ങ്ങി​യ​തു മു​ത​ലാ​യി​രു​ന്നു ഭീ​ഷ​ണി. 25 ല​ക്ഷം രൂ​പ ന​ൽ​കി​യി​ല്ലെ​ങ്കി​ൽ പ്ര​ദ​ർ​ശ​നം ന​ട​ത്താ​ൻ അ​നു​വ​ദി​ക്കി​ല്ലെ​ന്നും വി​ല​ക്ക് ലം​ഘി​ച്ച് മു​ന്നോ​ട്ടു​പോ​യാ​ൽ സെ​റ്റ് അ​ഗ്നി​ക്കി​ര​യാ​ക്കു​​മെ​ന്നും പ​റ​ഞ്ഞ് തൊ​ഴി​ലാ​ളി​ക​ളു​ടെ പ​ണി​വ​രെ സ​തീ​ഷി​ന്റെ​യും അ​ജ​യ് ലാ​ലി​ന്റെ​യും നേ​തൃ​ത്വ​ത്തി​ലെ​ത്തി​യ അ​ഞ്ചം​ഗ സം​ഘം ത​ട​സ്സ​പ്പെ​ടു​ത്തി.

അ​തി​നി​​ടെ, ഇ​വ​രെ ക​ണ്ട് സം​സാ​രി​ച്ച​പ്പോ​ൾ ‘കാ​ണേ​ണ്ട​പോ​ലെ ക​​ണ്ടി​ല്ലെ​ങ്കി​ൽ ഒ​ന്നും ന​ട​ക്കി​ല്ല, നാ​ട്ടു​ന​ട​പ്പ് അ​റി​യാ​മ​ല്ലോ’ എ​ന്നാ​യി​രു​ന്നു​വ​ത്രെ ഇ​വ​ർ പ​റ​ഞ്ഞ​ത്. പ​രാ​തി ന​ൽ​കി​യ​തി​നെ തു​ട​ർ​ന്ന് ക​മ്പ​നി പ്ര​തി​നി​ധി​ക​ളെ​യും സ​തീ​ഷി​നെ​യും ന​ട​ക്കാ​വ് സ്റ്റേ​ഷ​നി​ലേ​ക്ക് വി​ളി​പ്പി​​ച്ചെ​ങ്കി​ലും പി​ന്നാ​ക്ക ജാ​തി​യി​ൽ​പെ​ട്ട​യാ​ളാ​ണെ​ന്നും പൊ​ലീ​സ് ഉ​ദ്യോ​ഗ​സ്ഥ​ർ​ക്കെ​തി​രെ കേ​സ് ന​ൽ​കു​മെ​ന്നും പൊ​ലീ​സി​നെ​യും ഭീ​ഷ​ണി​പ്പെ​ടു​ത്തി​യ​ത്രെ.

തു​ട​ർ​ന്ന് സി​റ്റി പൊ​ലീ​സ് മേ​ധാ​വി രാ​ജ്പാ​ൽ മീ​ണ​ക്കും ക​മ്പ​നി പ​രാ​തി ന​ൽ​കി. പി​ന്നീ​ട് ഹൈ​കോ​ട​തി​യെ സ​മീ​പി​ച്ച് ​പൊ​ലീ​സ് സം​ര​ക്ഷ​ണ​ത്തി​നു​ള്ള ഉ​ത്ത​ര​വ് വാ​ങ്ങു​ക​യാ​യി​രു​ന്നു. അ​തി​നി​ടെ, ലൈ​സ​ൻ​സ് ത​ട​യാ​ൻ കോ​ർ​പ​റേ​ഷ​നെ സ​മീ​പി​ക്കു​ക​യും ഉ​ദ്യോ​ഗ​സ്ഥ​ർ കൈ​ക്കൂ​ലി വാ​ങ്ങു​ന്നു​വെ​ന്ന് ത​ദ്ദേ​ശ വ​കു​പ്പി​ന് പ​രാ​തി ന​ൽ​കി ഉ​ദ്യോ​ഗ​സ്ഥ​രെ സ​മ്മ​ർ​ദ​ത്തി​ലാ​ക്കു​ക​യും ചെ​യ്തു.

ഇ​തോ​ടെ മേ​യ് മൂ​ന്നി​ന് തു​ട​ങ്ങേ​ണ്ട പ്ര​ദ​ർ​ശ​നം പ​ത്തി​നാ​ണ് ആ​രം​ഭി​ച്ച​ത്. ഒ​രു​കോ​ടി രൂ​പ ന​ഷ്ട​പ​രി​ഹാ​രം ആ​വ​ശ്യ​പ്പെ​ട്ട് മാ​ന​ന​ഷ്ട​ത്തി​ന് കേ​സ് ന​ൽ​കു​മെ​ന്നും ഇ​രു​വ​രും അ​റി​യി​ച്ചു. ഡി.​ക്യു.​എ​ഫ് ഏ​ജ​ൻ​സി പാ​ർ​ട്ണ​ർ സി​ദ്ദീ​ഖ് മ​ല്ല​ശ്ശേ​രി​യും വാ​ർ​ത്ത​സ​മ്മേ​ള​ന​ത്തി​ൽ പ​​ങ്കെ​ടു​ത്തു.

മൂ​ന്നു കോ​ടി​യു​ടെ ന​ഷ്ട​മു​ണ്ടാ​യെ​ന്ന് സം​രം​ഭ​ക​ൻ

കോ​ഴി​ക്കോ​ട്: സ​തീ​ഷ് പാ​റ​ന്നൂ​രി​ന്റെ ഭീ​ഷ​ണി​യെ തു​ട​ർ​ന്ന് മൂ​ന്നു കോ​ടി​യോ​ളം രൂ​പ​യു​ടെ ന​ഷ്ട​മു​ണ്ടാ​യ​താ​യി 2023 മാ​ർ​ച്ചി​ൽ സ്വ​പ്ന​ന​ഗ​രി​യി​ൽ പ്ര​ദ​ർ​ശ​നം സം​ഘ​ടി​പ്പി​ച്ച ക​ലാ​സം​വി​ധാ​യ​ക​ൻ കൂ​ടി​യാ​യ എ.​ആ​ർ. രാ​ജേ​ഷ് വാ​ർ​ത്ത​സ​മ്മേ​ള​ന​ത്തി​ൽ വ്യ​ക്ത​മാ​ക്കി. മ്യൂ​സി​ക്ക​ൽ ഫൗ​ണ്ട​ൻ, ഫി​ലിം ഫെ​സ്റ്റ്, ഫി​ലിം​ സെ​റ്റ് അ​ട​ക്കം ‘ഫൗ​ണ്ട​ൻ ബി​നാ​ലെ’ എ​ന്ന​പേ​രി​ൽ പ്ര​ദ​ർ​ശ​ന​മൊ​രു​ക്കി​യ​പ്പോ​ൾ 25 ല​ക്ഷം ആ​വ​ശ്യ​പ്പെ​ട്ടു.

ഒ​രു സ്ത്രീ​ക്ക് ആ​റു ല​ക്ഷ​ത്തി​ന്റെ വീ​ട് ന​ൽ​ക​ണ​മെ​ന്നും ആ​വ​ശ്യ​പ്പെ​ട്ടു. പ​ണം ന​ൽ​കി​ല്ലെ​ന്നാ​യ​തോ​ടെ കോ​ർ​പ​റേ​ഷ​നെ സ​മീ​പി​ച്ച് പ്ര​ദ​ർ​ശ​ന​ത്തി​നു​ള്ള പി.​പി.​ആ​ർ ലൈ​സ​ൻ​സ് മു​ട​ക്കി. ഇ​തോ​ടെ ഒ​ന്ന​ര മാ​സ​ത്തോ​ളം ക​ഴി​ഞ്ഞാ​ണ് പ്ര​ദ​ർ​ശ​നം ആ​രം​ഭി​ച്ച​ത്. പ്ര​ദ​ർ​ശ​നം ക​ഴി​ഞ്ഞ​പ്പോ​​ഴേ​ക്കും മൂ​ന്നു​കോ​ടി രൂ​പ​യു​ടെ ക​ട​ക്കാ​ര​നാ​യി വീ​ടു​പോ​ലും പ​ണ​യ​പ്പെ​ടു​ത്തേ​ണ്ടി​വ​ന്നു.

ആ ​ക​മ്പ​നി ത​ന്നെ പി​ന്നീ​ട് പൂ​ട്ടി. കാ​ലി​ക്ക​റ്റ് ട്രേ​ഡ് സെ​ന്റ​ർ ബു​ക്ക് ചെ​യ്യു​ന്ന​വ​രെ​യും സ​തീ​ഷ് ഭീ​ഷ​ണി​പ്പെ​ടു​ത്തി പ​ണം ആ​വ​ശ്യ​പ്പെ​ടു​ന്ന​താ​യും ഇ​യാ​ൾ​ക്കെ​തി​രെ ക​ർ​ശ​ന ന​ട​പ​ടി വേ​ണ​മെ​ന്നും സെ​ന്റ​ർ പ്രോ​ജ​ക്ട് ഡ​യ​റ​ക്ട​ർ എം.​പി. അ​ൻ​ഷാ​ദും എ​മ​റാ​ൾ​ഡ്​ ഗ്രൂ​പ് പ്ര​തി​നി​ധി കെ. ​അ​ഫ്സ​ലും പ​റ​ഞ്ഞു.

സ​തീ​ഷ് പാറന്നൂരിനും അ​ജ​യ് ലാ​ലി​നു​മെ​തി​രെ കേ​സ്

കോ​ഴി​ക്കോ​ട്: സ്വ​പ്ന​ന​ഗ​രി​യി​ലെ എ​ക്സി​ബി​ഷ​ൻ സ്ഥ​ല​ത്ത് അ​തി​ക്ര​മി​ച്ചു​ക​യ​റി, 25 ല​ക്ഷം രൂ​പ ത​ന്നി​ല്ലെ​ങ്കി​ൽ എ​ല്ലാം കൂ​ട്ടി​യി​ട്ട് ക​ത്തി​ക്കു​മെ​ന്ന് ഭീ​ഷ​ണി​പ്പെ​ടു​ത്തി​യ സം​ഭ​വ​ത്തി​ൽ ര​ണ്ടു​പേ​ർ​ക്കെ​തി​രെ ന​ട​ക്കാ​വ് പൊ​ലീ​സ് കേ​സെ​ടു​ത്തു.

ബി.​ജെ.​പി സം​സ്ഥാ​ന ക​മ്മി​റ്റി അം​ഗം സി​വി​ൽ സ്റ്റേ​ഷ​നു സ​മീ​പം എ​ട​ച്ചേ​രി വീ​ട്ടി​ൽ സ​തീ​ഷ് കു​മാ​ർ (സ​തീ​ഷ് പാ​റ​ന്നൂ​ർ -47), മ​ണ്ഡ​ലം സെ​ക്ര​ട്ട​റി പാ​ലാ​ട്ടു​താ​ഴം അ​ജി​ത നി​വാ​സി​ൽ അ​ജ​യ്​​ലാ​ൽ (48) എ​ന്നി​വ​ർ​ക്കെ​തി​രെ​യാ​ണ് കേ​സെ​ടു​ത്ത​ത്. ​​ഡി.​ക്യു.​എ​ഫ് എം.​ഡി വൈ​റ്റി​ല സ്വ​ദേ​ശി ഫ​യാ​സ് റ​ഹ്മാ​ന്റെ പ​രാ​തി​യി​ലാ​ണ് കേ​സ്.