ഓരോ മഴയിലും മാവൂർ റോഡിൽ മാലിന്യപ്രളയം

കോ​ഴി​ക്കോ​ട്: ഓ​രോ മ​ഴ​യു​ടെ തു​ട​ക്ക​വും മാ​വൂ​ർ റോ​ഡി​ന് ഒ​ഴി​ഞ്ഞു​പോ​വാ​ത്ത ദു​രി​ത​മാ​ണ്. എ​ത്ര​യോ കാ​ല​ങ്ങ​ളാ​യ തു​ട​ർ​ക്ക​ഥ. ഒ​രി​ട​വേ​ള​ക്കു​ശേ​ഷം വീ​ണ്ടും കാ​ല​വ​ർ​ഷം സ​ജീ​വ​മാ​യ​പ്പോ​ൾ കാ​ര്യ​ങ്ങ​ളെ​ല്ലാം പ​ഴ​യ​പ​ടി. മ​ഴ പെ​യ്തു. ഓ​ട​ക​ൾ നി​റ​ഞ്ഞു. അ​സ​ഹ്യ​മാ​യ മാ​ലി​ന്യ​ങ്ങ​ൾ റോ​ഡി​ലെ​ങ്ങും പ​ര​ന്നൊ​ഴു​കി. കാ​ൽ​ന​ട​ക്കാ​രു​ടെ ശ​രീ​ര​ത്തും വാ​ഹ​ന​ങ്ങ​ളി​ലും മ​ഞ്ഞ​നി​റ​ത്തി​ൽ തെ​റി​ച്ചു​വീ​ഴു​ന്ന മാ​ലി​ന്യ​ങ്ങ​ൾ. ബു​ധ​നാ​ഴ്ച രാ​ത്രി നി​ർ​ത്താ​തെ മ​ഴ പെ​യ്ത​പ്പോ​ൾ മാ​വൂ​ർ റോ​ഡി​ൽ കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡി​നും സി​ഗ്ന​ൽ ജ​ങ്ഷ​നു​മി​ട​യി​ൽ റോ​ഡി​ൽ പ​ര​ന്നൊ​ഴു​കി​യ എ​ണ്ണ ക​ല​ർ​ന്ന മ​ഞ്ഞ നി​റ​മു​ള്ള മാ​ലി​ന്യ​ത്തി​ൽ നി​ന്നു​മാ​യി​രു​ന്നു അ​സ​ഹ്യ​ഗ​ന്ധം. റോ​ഡ് നി​റ​ഞ്ഞ മ​ഴ​വെ​ള്ള​ത്തി​ൽ യു.​കെ ശ​ങ്കു​ണ്ണി റോ​ഡി​ലും ശ്രീ​ക​ണ്ഠേ​ശ്വ​​രം ക്ഷേ​ത്ര​ത്തി​ലേ​ക്കു​ള്ള ഇ​ട​വ​ഴി​യി​ലു​മെ​ല്ലാം ഈ ​മാ​ലി​ന്യ​മെ​ത്തി. പു​തി​യ ബ​സ് സ്റ്റാ​ൻ​ഡി​ന് സ​മീ​പ​ത്തെ സി​ഗ്ന​ൽ ജ​ങ്ഷ​നി​ൽ ഒ​ഴു​കി ത​ളം​കെ​ട്ടി കി​ട​ക്കു​ന്ന അ​വ​സ്ഥ​യു​മു​ണ്ടാ​യി.

മാ​വൂ​ർ റോ​ഡി​ലെ ഹോ​ട്ട​ലു​ക​ളി​ൽ നി​ന്നും സ​ർ​വി​സ് സെ​ന്റ​റി​ൽ​നി​ന്നും ഓ​ട​ക​ളി​ലേ​ക്ക് തു​റ​ന്നു​വി​ടു​ന്ന മാ​ലി​ന്യ​മാ​ണ് മ​ഴ​യി​ൽ കു​തി​ർ​ന്ന് ന​ടു​റോ​ഡി​ലെ​ത്തു​ന്ന​തെ​ന്ന ആ​ക്ഷേ​പം നേ​ര​ത്തെ​യു​ണ്ട്. ന​ഗ​ര​സ​ഭാ​ധി​കൃ​ത​ർ ത​ന്നെ ഇ​ത് പ​രി​ശോ​ധി​ച്ചെ​ങ്കി​ലും തു​ട​ർ ന​ട​പ​ടി​ക​ൾ ഒ​ന്നു​മു​ണ്ടാ​യി​ല്ല. ഇ​ട​വേ​ള​ക്ക് ശേ​ഷം മ​ഴ പെ​യ്യു​മ്പോ​ഴൊ​ക്കെ ഈ ​പ​രി​പാ​ടി തു​ർ​ന്നും പോ​രു​ന്നു. ക​ന​ത്ത മ​ഴ​യു​ടെ ശ​ക്തി​യി​ൽ ഓ​ട​യി​ലെ മാ​ലി​ന്യ​ങ്ങ​ൾ ഒ​ട്ടൊ​ന്നൊ​ഴി​യു​മ്പോ​ൾ ഈ ​മാ​ലി​ന്യ​പ്ര​ശ്നം ജ​നം മ​റ​ക്കു​ക​യും ചെ​യ്യും.

തീരാതെ വെള്ളക്കെട്ട്

കോ​ഴി​ക്കോ​ട്: ഒ​ന്നാ​ഞ്ഞ് പെ​യ്താ​ൽ പ​തി​വു​പോ​ലെ മു​ങ്ങു​ന്ന റോ​ഡാ​യി​രു​ന്നു പാ​വ​മ​ണി റോ​ഡ്. ഈ ​മ​ഴ​ദു​രി​തം തു​ട​ർ​ക്ക​ഥ​യാ​യ​പ്പോ​ൾ നാ​ട്ടു​കാ​ർ ‘പാ​വ​മാ​ണീ റോ​ഡ്’ എ​ന്ന് ക​ളി​യാ​ക്കു​ക പോ​ലു​മു​ണ്ടാ​യി. ഈ ​പ്ര​ശ്നം പ​രി​ഹ​രി​ക്കാ​ൻ റോ​ഡ് ഉ​യ​ർ​ത്തു​ക​യും ന​വീ​ക​ര​ണ പ്ര​വൃ​ത്തി​ക​ൾ ന​ട​ത്തു​ക​യും ചെ​യ്തി​രു​ന്നു. അ​ങ്ങ​നെ ഒ​ട്ടൊ​ന്ന് ഒ​തു​ങ്ങി​യെ​ന്ന് ക​രു​തി​യ വെ​ള്ള​ക്കെ​ടു​തി ഇ​പ്പോ​ൾ സ്ഥ​ലം മാ​റി​യി​രി​ക്കു​ക​യാ​ണ്. സ്റ്റേ​ഡി​യ​ത്തി​നു മു​ന്നി​ലെ രാ​ജാ​ജി റോ​ഡി​ൽ​നി​ന്നും ചി​ന്താ​വ​ള​പ്പി​ലേ​ക്കു​ള്ള റാം​മോ​ഹ​ൻ റോ​ഡി​ലേ​ക്ക് സ്ഥ​ലം​മാ​റ്റം കി​ട്ടി​യി​രി​ക്കു​ക​യാ​ണ് വെ​ള്ള​ക്കെ​ട്ടി​ന്. വാ​ഹ​ന​ങ്ങ​ളു​ടെ ബോ​ണ​റ്റും സൈ​ല​ൻ​സ​റു​മൊ​ക്കെ മു​ങ്ങി​പ്പോ​കു​ന്ന വി​ധ​ത്തി​ലാ​യി​രു​ന്നു വെ​ള്ള​ക്കെ​ട്ട്. രാ​വി​ലെ മു​ത​ൽ നി​ർ​ത്താ​തെ പെ​യ്ത മ​ഴ​യി​ൽ ഈ ​ജ​ങ്ഷ​നി​ൽ വ​ൻ വെ​ള്ള​ക്കെ​ട്ടാ​ണ് രൂ​പ​പ്പെ​ട്ട​ത്. നി​ര​വ​ധി സ്കൂ​ട്ട​റു​ക​ളും ബൈ​ക്കു​ക​ളും വെ​ള്ള​ക്കെ​ട്ടി​നു ന​ടു​വി​ൽ നി​ല​ച്ചു​പോ​യി. കാ​റു​ക​ൾ പ​ണി​പ്പെ​ട്ടാ​ണ് മ​റു​ക​ര താ​ണ്ടി​യ​ത്. ഈ ​പ്ര​ദേ​ശ​ത്തെ ഓ​ട നി​ർ​മാ​ണ​ത്തി​ലെ അ​ശാ​സ്ത്രീ​യ​ത​യാ​ണ് വെ​ള്ള​ക്കെ​ട്ടി​നു കാ​ര​ണം. മ​ഴ ക​ന​ക്കു​​മ്പോ​ഴൊ​ക്കെ വെ​ള്ള​ക്കെ​ട്ടും പ​തി​വാ​കു​ന്ന​ത് അ​തു​കൊ​ണ്ടാ​ണ്. ശ്രീ​ക​ണ്ഠേ​ശ്വ​ര ക്ഷേ​ത്രം റോ​ഡ്, കോ​റ​ണേ​ഷ​ൻ തി​യ​റ്റ​റി​നു മു​ന്നി​ൽ​നി​ന്നും മു​ത​ല​ക്കു​ള​ത്തേ​ക്കു​ള്ള ഇ​ട​വ​ഴി തു​ട​ങ്ങി​യ വ​ഴി​ക​ളി​ലും വ്യാ​ഴാ​ഴ്ച വെ​ള്ള​ക്കെ​ട്ട് രൂ​ക്ഷ​മാ​യി​രു​ന്നു. തി​രു​ത്തി​യാ​ട് പോ​ലു​ള്ള ന​ഗ​ര​ത്തി​ലെ താ​ഴ്ന്ന പ്ര​ദേ​ശ​ങ്ങ​ളും വെ​ള്ള​ത്തി​ലാ​യി.