രണ്ടുമാസം കഴിഞ്ഞിട്ടും തേങ്ങയുടെ വില കിട്ടാതെ നാളികേര കർഷകർ

കോ​ഴി​ക്കോ​ട്: കേ​ര​മേ​ഖ​ല​യെ​യും കേ​ര​ക​ർ​ഷ​ക​രെ​യും സം​ര​ക്ഷി​ക്കേ​ണ്ട​ത് സ​ർ​ക്കാ​റി​ന്റെ ക​ട​മ​യാ​ണെ​ന്ന് ആ​വ​ർ​ത്തി​ച്ചു​പ​റ​യു​മ്പോ​ഴും നാ​ളി​കേ​ര ക​ർ​ഷ​ക​ർ​ക്ക് ര​ണ്ടു​മാ​സം ക​ഴി​ഞ്ഞി​ട്ടും സം​ഭ​രി​ച്ച തേ​ങ്ങ​യു​ടെ പ​ണം കി​ട്ടു​ന്നി​ല്ല. ക​ർ​ഷ​ക​രി​ൽ​നി​ന്ന് കൃ​ഷി​ഭ​വ​ൻ മു​ഖാ​ന്ത​രം കേ​ര​ഫെ​ഡ് സം​ഭ​രി​ച്ച തേ​ങ്ങ​യു​ടെ വി​ല കി​ട്ടാ​തെ​യാ​ണ് ക​ർ​ഷ​ക​ർ പെ​ടാ​പ്പാ​ടു​പെ​ടു​ന്ന​ത്. ഒ​രു ​​േബ്ലാ​ക്കി​ൽ ഒ​ന്നോ ര​ണ്ടോ കേ​ന്ദ്ര​ങ്ങ​ളി​ലൂ​ടെ സം​ഭ​രി​ക്കു​ന്ന പ​ച്ച​ത്തേ​ങ്ങ ന​ൽ​കാ​ൻ ക​ർ​ഷ​ക​ർ​ക്ക് ര​ണ്ടു മാ​സം മു​മ്പേ സം​ഭ​ര​ണ കേ​ന്ദ്ര​ങ്ങ​ളി​ൽ ബു​ക്ക് ചെ​യ്യേ​ണ്ട സാ​ഹ​ച​ര്യ​ത്തി​ലാ​ണ് ന​ൽ​കി​യ തേ​ങ്ങ​യു​ടെ വി​ല കി​ട്ടാ​നും ര​ണ്ടു മാ​സ​ത്തി​ല​ധി​കം കാ​ത്തി​രി​ക്കേ​ണ്ടി വ​രു​ന്ന​ത്.

പ​ണ​ത്തി​ന് ഏ​റെ​ക്കാ​ലം കാ​ത്തി​രി​ക്കേ​ണ്ട​തി​നാ​ൽ കൂ​ലി​ച്ചെ​ല​വു​പോ​ലും ന​ൽ​കാ​ൻ നാ​ളി​കേ​ര ക​ർ​ഷ​ക​ർ പ്ര​യാ​സ​പ്പെ​ടു​ക​യാ​ണ്. നി​ല​വി​ൽ 34 രൂ​പ​ക്കാ​ണ് പ​ച്ച​ത്തേ​ങ്ങ സം​ഭ​രി​ക്കു​ന്ന​തെ​ങ്കി​ലും നാ​ലോ അ​ഞ്ചോ ട​ൺ തേ​ങ്ങ മാ​ത്ര​മാ​ണ് ഒ​രു ദി​വ​സം ഒ​രു കേ​ന്ദ്ര​ത്തി​ൽ സം​ഭ​രി​ക്കു​ന്ന​ത്. ഇ​തു​മൂ​ലം വി​ല​ക്കു​റ​വി​ൽ സ്വ​കാ​ര്യ ക​ച്ച​വ​ട​ക്കാ​ർ​ക്ക് തേ​ങ്ങ ന​ൽ​കാ​ൻ ക​ർ​ഷ​ക​ർ നി​ർ​ബ​ന്ധി​ത​രാ​കു​ക​യാ​ണ്. എ​ടു​ത്തി​ട്ട തേ​ങ്ങ ക​ഴി​ഞ്ഞ ആ​ഴ്ച​ക​ളി​ൽ സം​ഭ​രി​ക്കാ​തി​രു​ന്ന​തു​മൂ​ലം സം​ഭ​ര​ണ കേ​ന്ദ്ര​ങ്ങ​ളി​ൽ കെ​ട്ടി​ക്കി​ട​ക്കു​ക​യാ​ണ്. സം​ഭ​ര​ണ​ശേ​ഷി​യി​ല്ലാ​ത്ത​തി​നാ​ൽ പ​ല കേ​ന്ദ്ര​ങ്ങ​ളും തേ​ങ്ങ വാ​ങ്ങി​യ​തു​മി​ല്ല.

ര​ണ്ടു ദി​വ​സ​മാ​യി കേ​ന്ദ്ര​ങ്ങ​ളി​ൽ​നി​ന്ന് തേ​ങ്ങ എ​ടു​ത്തു​തു​ട​ങ്ങി​യ​താ​യി ജി​ല്ല അ​ധി​കൃ​ത​ർ അ​റി​യി​ച്ചു. പ​ച്ച​ത്തേ​ങ്ങ സം​ഭ​ര​ണ​ത്തി​ന് പു​തി​യ കേ​ന്ദ്ര​ങ്ങ​ള്‍ അ​നു​വ​ദി​ക്കു​മെ​ന്ന് കൃ​ഷി​വ​കു​പ്പ് അ​റി​യി​ച്ച​ത​ല്ലാ​തെ യാ​ഥാ​ർ​ഥ്യ​മാ​വു​ന്നി​ല്ലെ​ന്ന് ക​ർ​ഷ​ക​ർ പ​റ​യു​ന്നു. കേ​ര​ഫെ​ഡ്, അം​ഗീ​കൃ​ത സൊ​സൈ​റ്റി​ക​ള്‍, വി.​എ​ഫ്.​പി.​സി.​കെ എ​ന്നി​വ മു​ഖേ​ന​യാ​ണ് പ​ച്ച​ത്തേ​ങ്ങ സം​ഭ​രി​ക്കു​ന്ന​ത്. പ്ര​തി​വ​ര്‍ഷം ഒ​രു തെ​ങ്ങി​ല്‍നി​ന്ന് സം​ഭ​രി​ക്കാ​വു​ന്ന തേ​ങ്ങ​ക​ളു​ടെ എ​ണ്ണം അ​മ്പ​തി​ല്‍നി​ന്ന് എ​ഴു​പ​താ​ക്കി ഉ​യ​ർ​ത്തി.

കൃ​ഷി ഓ​ഫി​സ​റു​ടെ സ​ര്‍ട്ടി​ഫി​ക്ക​റ്റ്, നി​കു​തി ര​സീ​ത്, ബാ​ങ്ക് പാ​സ്ബു​ക്ക്, ആ​ധാ​ര്‍ എ​ന്നി​വ​യു​ടെ പ​ക​ര്‍പ്പു​സ​ഹി​തം സം​ഭ​ര​ണ കേ​ന്ദ്ര​ത്തി​ൽ ര​ജി​സ്റ്റ​ര്‍ ചെ​യ്യു​ന്ന ക​ർ​ഷ​ക​രി​ൽ​നി​ന്ന് മാ​ത്ര​മേ തേ​ങ്ങ സം​ഭ​രി​ക്കൂ.