ബൈപാസിൽ അവസാനിക്കാത്ത ഗതാഗതക്കുരുക്ക്; വലഞ്ഞ് ജനം

കോ​ഴി​ക്കോ​ട്: രാ​മ​നാ​ട്ടു​ക​ര-​വെ​ങ്ങ​ളം ബൈ​പാ​സി​ൽ ഗ​താ​ഗ​ത​ക്കു​രു​ക്ക് പ​തി​വാ​യ​തോ​ടെ വ​ല​ഞ്ഞ് ജ​നം. അ​ഴി​ഞ്ഞി​ലം, പ​ന്തീ​രാ​ങ്കാ​വ് ജ​ങ്ഷ​നു​ക​ളി​ലും ഹൈ​ലൈ​റ്റ് മാ​ളി​ന് സ​മീ​പ​വു​മാ​ണ് സ്ഥി​ര​മാ​യി ഗ​താ​ഗ​ത​ക്കു​രു​ക്ക് അ​നു​ഭ​വ​പ്പെ​ടു​ന്ന​ത്. ഇ​തോ​ടെ, അ​ര​മ​ണി​ക്കൂ​ർ​കൊ​ണ്ട് സ​ഞ്ച​രി​ക്കേ​ണ്ട ദൂ​രം പി​ന്നി​ടാ​ൻ മ​ണി​ക്കൂ​റു​ക​ളാ​ണ് എ​ടു​ക്കു​ന്ന​ത്.

അ​ഴി​ഞ്ഞി​ലം ജ​ങ്ഷ​നി​ൽ നേ​ര​ത്തെ​യും ഗ​താ​ഗ​ത​ക്കു​രു​ക്ക് പ​തി​വാ​യി​രു​ന്നു. ദേ​ശീ​യ​പാ​ത വീ​തി​കൂ​ട്ടു​ന്ന പ്ര​വൃ​ത്തി ആ​രം​ഭി​ച്ച​തോ​ടെ സ്ഥി​തി രൂ​ക്ഷ​മാ​യി. ഇ​വി​ടെ മേ​ൽ​പാ​ലം വ​രു​ന്ന​തി​നാ​ൽ ഒ​രു​ഭാ​ഗ​ത്ത് നി​ർ​മാ​ണ പ്ര​വൃ​ത്തി​യും ന​ട​ക്കു​ന്നു​ണ്ട്. അ​തി​നാ​ൽ റോ​ഡി​ന്‍റെ വീ​തി​യും കു​റ​ഞ്ഞു. ഫാ​റൂ​ഖ് കോ​ള​ജി​ലേ​ക്കും കാ​രാ​ടി​ലേ​ക്കും ദേ​ശീ​യ​പാ​ത​യി​ൽ നി​ന്നും തി​രി​യു​ന്ന​ത് അ​ഴി​ഞ്ഞി​ല​ത്തു​നി​ന്നാ​ണ്.

നി​ര​വ​ധി വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ള്ള​തി​നാ​ൽ ഫാ​റൂ​ഖ് കോ​ള​ജി​ലേ​ക്ക് രാ​വി​ലെ​യും വൈ​കീ​ട്ടും നി​ര​വ​ധി വാ​ഹ​ന​ങ്ങ​ളു​ണ്ടാ​കും. ഈ ​തി​ര​ക്കു​നീ​ണ്ട് അ​റ​പ്പു​ഴ പാ​ല​ത്തി​ലേ​ക്ക് എ​ത്തു​ന്ന​തോ​ടെ​യാ​ണ് ഗ​താ​ഗ​ത​ക്കു​രു​ക്ക് രൂ​ക്ഷ​മാ​കു​ന്ന​ത്. ഇ​തി​ന​കം വാ​ഹ​ന​ങ്ങ​ളു​ടെ നി​ര മൂ​ന്നും നാ​ലു​മാ​യി വ​ർ​ധി​ച്ചി​ട്ടു​ണ്ടാ​കും. എ​ന്നാ​ൽ, പാ​ല​ത്തി​ൽ ഒ​രേ​സ​മ​യം ഇ​രു​വ​ശ​ത്തേ​ക്കും ഓ​രോ വാ​ഹ​ന​ങ്ങ​ൾ​ക്കു​മാ​ത്ര​മേ സ​ഞ്ച​രി​ക്കാ​ൻ സാ​ധി​ക്കു​ക​യു​ള്ളൂ.

ഇ​തി​നൊ​പ്പം എ​തി​ർ​ദി​ശ​യി​ൽ നി​ന്നു​വ​രു​ന്ന വാ​ഹ​ന​ങ്ങ​ൾ​ക്ക് സ​ഞ്ച​രി​ക്കാ​ൻ സാ​ധി​ക്കാ​ത്ത രീ​തി​യി​ൽ ചി​ല വാ​ഹ​ന​ങ്ങ​ൾ നി​ര​തെ​റ്റി ക​യ​റ്റു​ക​യും ചെ​യ്യു​ന്ന​ത് പ്ര​ശ്നം രൂ​ക്ഷ​മാ​ക്കു​ന്നു. പ​ല​പ്പോ​ഴും മ​ണി​ക്കൂ​റു​ക​ൾ നീ​ണ്ട ഗ​താ​ഗ​ത​ക്കു​രു​ക്കി​ലേ​ക്ക് ന​യി​ക്കു​ന്ന​തും തെ​റ്റാ​യ ഡ്രൈ​വി​ങ് രീ​തി​യാ​ണ്. നി​ര​തെ​റ്റി​ച്ച് വാ​ഹ​ന​മോ​ടി​ക്കു​ന്ന​താ​ണ് പ്ര​ധാ​ന പ്ര​ശ്നം.

ഗ​താ​ഗ​ത നി​യ​ന്ത്ര​ണ​ത്തി​ന് മു​ഴു​വ​ൻ സ​മ​യ​വും പൊ​ലീ​സി​നെ ല​ഭി​ക്കു​ന്നു​മി​ല്ല. പൊ​ലീ​സു​ള്ള സ​മ​യ​ങ്ങ​ളി​ൽ പ്ര​ശ്നം വേ​ഗം പ​രി​ഹ​രി​ക്കാ​ൻ സാ​ധി​ക്കു​ന്നു​ണ്ട്. സ​മാ​ന​മാ​യ അ​വ​സ്ഥ​യാ​ണ് പ​ന്തീ​രാ​ങ്കാ​വ് ജ​ങ്ഷ​നി​ലും. ഹൈ​ലൈ​റ്റ് ജ​ങ്ഷ​നി​ൽ എ​ല്ലാ അ​വ​ധി ദി​ന​ങ്ങ​ളി​ലും ഗ​താ​ഗ​ത​ക്കു​രു​ക്കാ​ണ്.