വയോധിക വാഹനമിടിച്ചു മരിച്ച സംഭവം: പ്രതിയെ പിടികൂടാനായില്ല; നീതി തേടി കുടുംബം

കൊ​ടി​യ​ത്തൂ​ർ: നെ​ല്ലി​ക്കാ​പ​റ​മ്പ് എ​യ​ര്‍പോ​ര്‍ട്ട് റോ​ഡി​ല്‍ വാ​ഹ​ന​മി​ടി​ച്ച് കൊ​ല്ല​പ്പെ​ട്ട വ​യോ​ധി​ക​യു​ടെ കു​ടും​ബം നീ​തി തേ​ടു​ന്നു. ഏ​പ്രി​ല്‍ 26ന് ​വൈ​കീ​ട്ട് 5.30നാ​ണ് കാ​ല്‍ന​ട​യാ​ത്ര​ക്കാ​രി പു​വ്വാ​ട്ട് ഇ​ണ്ണി​ച്ചി (78) വാ​ഹ​ന​മി​ടി​ച്ച് കൊ​ല്ല​പ്പെ​ട്ട​ത്. വാ​ഹ​നം നി​ർ​ത്താ​തെ പോ​യ​തി​നാ​ൽ പ്ര​തി​ക​ളെ തി​രി​ച്ച​റി​യാ​നാ​യി​ല്ല.

സം​ഭ​വം ന​ട​ന്ന് അ​ഞ്ച് ദി​വ​സം ക​ഴി​ഞ്ഞെ​ങ്കി​ലും പ്ര​തി​ക​ള്‍ക്കാ​യു​ള്ള അ​ന്വേ​ഷ​ണം ഇ​ഴ​ഞ്ഞു​നീ​ങ്ങു​ക​യാ​ണെ​ന്നാ​ണ് കു​ടും​ബ​വും നാ​ട്ടു​കാ​രും ആ​രോ​പി​ക്കു​ന്ന​ത്. പ്ര​തി​ക​ളെ ഉ​ട​ന്‍ ക​ണ്ടെ​ത്തി കു​ടും​ബ​ത്തി​ന് നീ​തി ല​ഭ്യ​മാ​ക്ക​ണ​മെ​ന്നാ​ണ് ആ​വ​ശ്യം. എ​യ​ര്‍പോ​ര്‍ട്ട് റോ​ഡി​ല്‍ വി​വി​ധ സ്ഥ​ല​ങ്ങ​ളി​ലാ​യി സ്ഥാ​പി​ച്ച നി​രീ​ക്ഷ​ണ കാ​മ​റ​ക​ള്‍ പ​രി​ശോ​ധി​ച്ചാ​ല്‍ പ്ര​തി​യെ പി​ടി​കൂ​ടാ​നാ​വു​മെ​ന്നാ​ണ് നാ​ട്ടു​കാ​ര്‍ പ​റ​യു​ന്ന​ത്.

വാ​ഹ​ന​ത്തി​ന്റെ ച​ക്ര​ങ്ങ​ള്‍ ത​ല​യി​ല്‍ ക​യ​റി​യി​റ​ങ്ങി സം​ഭ​വ​സ്ഥ​ല​ത്തു​വെ​ച്ച് മ​ര​ണം സം​ഭ​വി​ച്ചി​രു​ന്നു. മൃ​ത​ദേ​ഹം അ​ര​മ​ണി​ക്കൂ​റോ​ളം റോ​ഡി​ല്‍ കി​ട​ന്നു. നെ​ല്ലി​ക്കാ​പ​റ​മ്പ് സ​ന്ന​ദ്ധ സേ​ന​യു​ടെ ആം​ബു​ല​ന്‍സെ​ത്തി​യാ​ണ് നാ​ട്ടു​കാ​ര്‍ മൃ​ത​ദേ​ഹം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ​ത്തി​ച്ച​ത്. പോ​സ്റ്റു​മോ​ര്‍ട്ട​ത്തി​നു​ശേ​ഷം മൃ​ത​ദേ​ഹം വീ​ട്ടു​വ​ള​പ്പി​ല്‍ സം​സ്‌​ക​രി​ച്ചു.

മു​ക്കം പൊ​ലീ​സ് സ്‌​റ്റേ​ഷ​നി​ല്‍ അ​ന്നു​ത​ന്നെ പ​രാ​തി ന​ല്‍കി​യെ​ങ്കി​ലും ആ​രും ത​ന്നെ ഇ​ന്നേ​വ​രെ അ​ന്വേ​ഷി​ക്കാ​നെ​ത്തി​യി​ട്ടി​ല്ലെ​ന്നും നീ​തി ല​ഭി​ക്ക​ണ​മെ​ന്നും മ​ക്ക​ളാ​യ ത​ങ്ക, ജാ​ന​കി, വാ​സു, നാ​രാ​യ​ണ​ന്‍, ശോ​ഭ​ന, ശ്രീ​മ​തി, സു​രേ​ഷ് എ​ന്നി​വ​ര്‍ പ​റ​ഞ്ഞു.