എകരൂൽ തെങ്ങിനുകുന്ന് മലമുകളിൽ മണ്ണിടിച്ചിൽ; പാറക്കഷ്ണം ഉരുണ്ടുവീണ് സിറ്റി ഗ്യാസ് സ്റ്റേഷന്റെ മതിൽ തകർന്നു

എ​ക​രൂ​ൽ: ഉ​ണ്ണി​കു​ളം പ​ഞ്ചാ​യ​ത്തി​ലെ എ​ക​രൂ​ല്‍ അ​ങ്ങാ​ടി​ക്ക​ടു​ത്ത് കൊ​യി​ലാ​ണ്ടി-​എ​ട​വ​ണ്ണ സം​സ്ഥാ​ന പാ​ത​യോ​ര​ത്ത് തെ​ങ്ങി​നു​കു​ന്ന് മ​ല​യി​ൽ മ​ണ്ണി​ടി​ച്ചി​ൽ. കു​ന്നി​ൻ​മു​ക​ളി​ൽ​നി​ന്ന് ഭീ​മ​ൻ പാ​റ​ക്ക​ഷ​ണം താ​ഴോ​ട്ട് ഉ​രു​ണ്ടു​വീ​ണ് ഇ​ന്ത്യ​ൻ ഓ​യി​ൽ അ​ദാ​നി പ്രൈ​വ​റ്റ് ലി​മി​റ്റ​ഡി​ന്റെ സി​റ്റി ഗ്യാ​സ് സ്റ്റേ​ഷ​ന്റെ ചു​റ്റു​മ​തി​ലി​ന് വി​ള്ള​ലു​ണ്ടാ​യി. വെ​ള്ളി​യാ​ഴ്ച രാ​ത്രി 10 മ​ണി​യോ​ടെ​യാ​ണ് വ​ൻ ശ​ബ്ദ​ത്തോ​ടെ പാ​റ​ക്ക​ഷ​ണം താ​ഴേ​ക്കു വീ​ണ​ത്. വ​ൻ ശ​ബ്ദം കേ​ട്ട് പ​രി​സ​ര​ത്തെ വീ​ട്ടു​കാ​ർ ഭ​യ​വി​ഹ്വ​ല​രാ​യി പു​റ​ത്തേ​ക്കോ​ടി.

പാ​റ​ക്ക​ഷ​ണം മ​തി​ലി​ൽ ത​ട്ടി നി​ന്ന​തി​നാ​ൽ വ​ലി​യ അ​ത്യാ​ഹി​ത​മാ​ണ് ഒ​ഴി​വാ​യ​ത്. ജ​ന​ങ്ങ​ൾ ഭ​യ​ക്കേ​ണ്ട​തി​ല്ലെ​ന്നും സു​ര​ക്ഷ​ക്ര​മീ​ക​ര​ണ​ങ്ങ​ൾ ന​ട​ത്തി​യ​താ​യും സ്റ്റേ​ഷ​ൻ അ​ധി​കൃ​ത​ർ അ​റി​യി​ച്ചു. പ്ര​കൃ​തി​വാ​ത​കം സം​ഭ​രി​ച്ച വാ​ഹ​ന​ങ്ങ​ൾ പു​റ​ത്തേ​ക്കു മാ​റ്റു​ക​യും ചെ​യ്തി​ട്ടു​ണ്ട്. ബാ​ലു​ശ്ശേ​രി പൊ​ലീ​സും ന​രി​ക്കു​നി​യി​ൽ​നി​ന്ന് അ​ഗ്നി​ര​ക്ഷാ​സേ​ന​യും സ്ഥ​ല​ത്തെ​ത്തി. ശി​വ​പു​രം വി​ല്ലേ​ജി​ല്‍പെ​ട്ട തെ​ങ്ങി​നു​കു​ന്ന്‍ മ​ല​യു​ടെ ഉ​യ​ര്‍ന്ന ഭാ​ഗം ഇ​ടി​ച്ചു​നി​ര​ത്തി​യും ക​രി​ങ്ക​ൽ ഖ​ന​നം ന​ട​ത്തി​യും ഇ​ന്ത്യ​ന്‍ ഓ​യി​ല്‍ അ​ദാ​നി ഗ്യാ​സി​ന്റെ സി​റ്റി ഗ്യാ​സ് പ​ദ്ധ​തി സ്ഥാ​പി​ക്കു​ന്ന​തി​നെ​തി​രെ നാ​ട്ടു​കാ​ർ പ്ര​തി​ഷേ​ധം സം​ഘ​ടി​പ്പി​ച്ചി​രു​ന്നു.

ക​രി​ങ്ക​ൽ ഖ​ന​ന​വും നി​ർ​മാ​ണ​വും റോ​ഡ് സു​ര​ക്ഷ നി​യ​മ​ങ്ങ​ള്‍ ലം​ഘി​ച്ചാ​ണെ​ന്നും ഭാ​വി​യി​ൽ ഉ​രു​ൾ​പൊ​ട്ട​ലി​ന് സാ​ധ്യ​ത​യു​ണ്ടെ​ന്നും പ്ര​ദേ​ശ​വാ​സി​ക​ൾ കാ​ല​ങ്ങ​ളാ​യി ആ​ശ​ങ്ക പ്ര​ക​ടി​പ്പി​ക്കു​ന്നു​ണ്ട്.