വീര്യമ്പ്രത്ത് കണ്ടത് പുലിയല്ല; കുറുനരിയാകാമെന്ന് വനം വകുപ്പ്

എ​ക​രൂ​ൽ: വീ​ര്യ​മ്പ്ര​ത്ത് പു​ലി​യെ ക​ണ്ടെ​ന്ന് നാ​ട്ടു​കാ​ർ. എ​ന്നാ​ൽ, കാ​ൽ​പാ​ടു​ക​ൾ പു​ലി​യു​ടേ​ത​ല്ലെ​ന്നും കു​റു​ന​രി​യു​ടേ​താ​കാ​മെ​ന്നും വ​നം വ​കു​പ്പ് അ​ധി​കൃ​ത​ർ. ബു​ധ​നാ​ഴ്ച സ​ന്ധ്യ​യോ​ടെ​യാ​ണ് കു​ണ്ടാ​യി റോ​ഡി​ൽ പു​ളി​ക്കൂ​ൽ ഭാ​ഗ​ത്ത് കോ​ര​ത്തു​ക​ണ്ടി ശി​വ​ദാ​സ​ന്റെ ക​ട​യു​ടെ സ​മീ​പം പു​ലി​യെ ക​ണ്ട​താ​യി പ്ര​ദേ​ശ​വാ​സി​ക​ൾ പ​റ​ഞ്ഞ​ത്. ഇ​തി​ന്റെ അ​ടി​സ്ഥാ​ന​ത്തി​ൽ വാ​ർ​ഡ് അം​ഗം ശ​ബ്ന ആ​റ​ങ്ങാ​ട്ട് അ​റി​യി​ച്ച​തി​നെ​തു​ട​ർ​ന്ന് രാ​ത്രി ഒ​ന്ന​ര​യോ​ടെ താ​മ​ര​ശ്ശേ​രി ഫോ​റ​സ്റ്റ് ഓ​ഫി​സ് ആ​ർ.​ആ​ർ.​ടി സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യാ​ണ് കാ​ൽ​പാ​ടു​ക​ൾ കു​റു​ന​രി​യു​ടേ​താ​ണെ​ന്ന് സ്ഥി​രീ​ക​രി​ച്ച​ത്.

ത​ലേ​ദി​വ​സം വീ​ര്യ​മ്പ്രം അ​ങ്ക​ണ​വാ​ടി​ക്ക​ടു​ത്ത് സ​ദാ​ന​ന്ദ​ന്റെ വീ​ട്ടു​പ​രി​സ​ര​ത്ത് പു​ലി​യെ​ന്ന് സം​ശ​യി​ക്കു​ന്ന മൃ​ഗ​ത്തെ ക​ണ്ട​താ​യി അ​ഭ്യൂ​ഹം പ​ര​ന്നി​രു​ന്നു. തു​ട​ർ​ന്ന് മേ​ഖ​ല​യി​ൽ വി​വി​ധ​യി​ട​ങ്ങ​ളി​ൽ പു​ലി​യെ ക​ണ്ട​താ​യി പ്ര​ചാ​ര​ണ​മു​ണ്ടാ​യി​രു​ന്നു. നി​ല​വി​ൽ ആ​ശ​ങ്ക​പ്പെ​ടേ​ണ്ട സാ​ഹ​ച​ര്യ​മി​ല്ലെ​ന്ന് അ​ധി​കൃ​ത​ർ പ​റ​ഞ്ഞു.