കോ​ഴി​ക്കോ​ട് പിടിമുറുക്കി ലഹരി സംഘങ്ങൾ

കോ​ഴി​ക്കോ​ട്: കോ​ഴി​ക്കോ​ട് ന​ഗ​രം ല​ഹ​രി​സം​ഘ​ങ്ങ​ളു​ടെ പ്ര​ധാ​ന കേ​ന്ദ്ര​മാ​വു​ന്നു. ഇ​ത​ര ജി​ല്ല​ക​ളി​ൽ​നി​ന്ന​ട​ക്ക​മു​ള്ള ല​ഹ​രി​സം​ഘ​ങ്ങ​ൾ ജി​ല്ല​യി​ൽ ത​മ്പ​ടി​ച്ച് പ്ര​വ​ർ​ത്തി​ക്കു​ന്ന​താ​യാ​ണ് വി​വ​രം. ഓ​രോ മാ​സ​വും ല​ക്ഷ​ക്ക​ണ​ക്കി​ന് രൂ​പ​യു​ടെ ല​ഹ​രി​വ​സ്തു​ക്ക​ളാ​ണ് പൊ​ലീ​സും എ​ക്സൈ​സും ജി​ല്ല​യി​ൽ പി​ടി​കൂ​ടു​ന്ന​ത്. ഇ​രു​പ​തു​​പേ​ർ​വ​രെ ന​ഗ​ര​പ​രി​ധി​യി​ൽ​മാ​ത്രം പി​ടി​യി​ലാ​വു​ക​യും ചെ​യ്യു​ന്നു​ണ്ട്. എ​ന്നി​രു​ന്നാ​ലും കൂ​ടു​ത​ൽ യു​വാ​ക്ക​ൾ ഈ ​രം​ഗ​ത്തേ​ക്ക് ക​ട​ന്നു​വ​രു​ന്ന​താ​ണ് പൊ​ലീ​സി​ന് വെ​ല്ലു​വി​ളി​യാ​കു​ന്ന​ത്. എം.​ഡി.​എം.​എ അ​ട​ക്ക​മു​ള്ള മാ​ര​ക ല​ഹ​രി വ​സ്തു​ക്ക​ൾ ഉ​പ​യോ​ഗി​ച്ചു തു​ട​ങ്ങു​ന്ന​വ​ർ മാ​സ​ങ്ങ​ൾ​ക്ക​കം ഇ​തി​ന്റെ ഏ​ജ​ന്റു​മാ​രാ​വു​ക​യാ​ണ്. അ​ടു​ത്തി​ടെ പി​ടി​കൂ​ടി​യ കേ​സു​ക​ളി​ലെ പ്ര​തി​ക​ളെ​ല്ലാം ഇ​ക്കാ​ര്യം സ​മ്മ​തി​ക്കു​ന്നു​ണ്ട്.

ല​ഹ​രി​സം​ഘ​ങ്ങ​ൾ പെ​ൺ​കു​ട്ടി​ക​ളെ​യ​ട​ക്കം ഇ​ട​നി​ല​ക്കാ​രും കാ​രി​യ​ർ​മാ​രു​മാ​ക്കു​ന്ന​തും കെ​ണി​യി​ലാ​ക്കു​ന്ന​തും വ​ർ​ധി​ച്ചു​വ​രു​ക​യാ​ണ്. ബീ​ച്ച് ജ​ന​റ​ൽ ആ​ശു​പ​ത്രി പ​രി​സ​ര​മ​ട​ക്കം ല​ഹ​രി​സം​ഘ​ങ്ങ​ളു​ടെ താ​വ​ള​മാ​കു​ന്ന​തി​ന്റെ തെ​ളി​വു​ക​ളാ​ണ് പു​റ​ത്തു​വ​ന്ന​ത്. ആ​ശു​പ​ത്രി​യി​ലെ ഇ.​എ​ൻ.​ടി പു​തി​യ ബ്ലോ​ക്കി​ന്റെ പി​ൻ​വ​ശ​മ​ട​ക്കം ല​ഹ​രി ഉ​പ​യോ​ഗി​ക്കു​ന്ന കേ​ന്ദ്ര​മാ​യി മാ​റി.

ഈ ​ഭാ​ഗ​ത്തു​നി​ന്ന് നി​ര​വ​ധി സി​റി​ഞ്ചു​ക​ളും മ​റ്റു​മാ​ണ് പൊ​ലീ​സ് പ​രി​ശോ​ധ​ന​യി​ൽ ക​ണ്ടെ​ടു​ത്ത​ത്. ബീ​ച്ചി​ലെ ചി​ല പ്ര​ദേ​ശ​ങ്ങ​ൾ കേ​​ന്ദ്രീ​ക​രി​ച്ചും ല​ഹ​രി​സം​ഘ​ങ്ങ​ളു​ടെ പ്ര​വ​ർ​ത്ത​നം സ​ജീ​വ​മാ​ണ്. ല​ഹ​രി​യു​ടെ മൂ​ർ​ധ​ന്യ​ത്തി​ൽ മാ​താ​പി​താ​ക്ക​ളെ കു​ത്തി​ക്കൊ​ല​പ്പെ​ടു​ത്താ​ൻ നോ​ക്കി​യ യു​വാ​വി​​നെ ന​ട​ക്കാ​വ് പൊ​ലീ​സ് ക​ട്ടി​ലി​ലേ​ക്ക് ​വെ​ടി​വെ​ച്ച് വീ​ട്ടി​ൽ നി​ന്ന് കീ​ഴ്പ്പെ​ടു​ത്തി​യ​തും, കോ​ഴി​ക്കോ​ട്ടേ​ക്ക് ല​ഹ​രി ക​ട​ത്തു​ന്ന സം​ഘ​ങ്ങ​ൾ​ക്ക് മ​യ​ക്കു​മ​രു​ന്ന് കൈ​മാ​റി​യ നൈ​ജീ​രി​യ​ൻ സം​ഘ​ത്തെ പി​ടി​കൂ​ടി​യ​തു​മെ​ല്ലാം അ​ടു​ത്തി​ടെ​യാ​ണ്.

എം.​ഡി.​എം.​എ, എ​ൽ.​എ​സ്.​ഡി സ്റ്റാ​മ്പ്, ഹെ​റോ​യി​ൻ തു​ട​ങ്ങി​യ​വ​യാ​ണ് അ​ധി​ക​മാ​യി പി​ടി​കൂ​ടു​ന്ന​ത്. ബം​ഗ​ളൂ​രു, ഗോ​വ എ​ന്നി​വി​ട​ങ്ങ​ളി​ൽ​നി​ന്നാ​ണ് സി​ന്ത​റ്റി​ക് ല​ഹ​രി വ​സ്തു​ക്ക​ൾ കൂ​ടു​ത​ലാ​യി ജി​ല്ല​യി​ലേ​ക്ക് എ​ത്തു​ന്ന​ത്. പൊ​ലീ​സി​ന്റെ മൊ​ബൈ​ൽ ന​മ്പ​ർ കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​മ​ട​ക്കം മ​റി​ക​ട​ക്കു​ന്ന​തി​നാ​ൽ പ്ര​ത്യേ​ക മൊ​ബൈ​ൽ അ​പ്പു​ക​ൾ ഉ​പ​യോ​ഗി​ച്ച് ആ​ശ​യ​വി​നി​മ​യം ന​ട​ത്തു​ന്ന ല​ഹ​രി​സം​ഘ​ങ്ങ​ൾ വ​രെ​യു​ണ്ടെ​ന്നാ​ണ് പൊ​ലീ​സ് ക​ണ്ടെ​ത്ത​ൽ.