Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightഹാഷിറിന്റെ...

ഹാഷിറിന്റെ നിശ്വാസമുണ്ട്, ഹരിനന്ദിന്റെ പ്രാണനിൽ

text_fields
bookmark_border
ഹാഷിറിന്റെ നിശ്വാസമുണ്ട്, ഹരിനന്ദിന്റെ പ്രാണനിൽ
cancel
camera_alt

ഹാ​ഷി​ർ ചേ​ലു​പാ​ടം

കോ​ഴി​ക്കോ​ട്: ശ്വാ​സം നി​ല​ച്ചു​പോ​യ ശ​രീ​ര​വു​മാ​യി ആ​ഴ​ത്തി​ൽ​നി​ന്ന് പൊ​ങ്ങി​യ ഹാ​ഷി​ർ അ​ക്ഷ​രാ​ർ​ഥ​ത്തി​ൽ മ​ര​ണ​മു​ഖ​ത്തു​നി​ന്ന് ആ 19​കാ​ര​നെ ജീ​വി​ത​ത്തി​ലേ​ക്ക് വ​ലി​ച്ചു​ക​യ​റ്റു​ക​യാ​യി​രു​ന്നു. ഒ​രു നി​മി​ഷം പോ​ലും പാ​ഴാ​ക്കാ​തെ പ്ര​ഥ​മ​ശു​ശ്രൂ​ഷ ന​ൽ​കി​യ​തു​കൊ​ണ്ടു​മാ​ത്ര​മാ​ണ് ഹ​രി​ന​ന്ദി​ന് ജീ​വി​ത​ത്തി​ലേ​ക്ക് തി​രി​ച്ചു​വ​രാ​നാ​യ​ത്.

ചൊ​വ്വാ​ഴ്ച​യാ​ണ് രാ​മ​നാ​ട്ടു​ക​ര ഭാ​വ​ൻ​സ് കോ​ള​ജ് എ​ൽ​എ​ൽ.​ബി ഒ​ന്നാം​വ​ർ​ഷ വി​ദ്യാ​ർ​ഥി വ​യ​നാ​ട് ചീ​രാ​ൽ സ്വ​ദേ​ശി ഹ​രി​ന​ന്ദ് രാ​മ​നാ​ട്ടു​ക​ര ഇ​ടി​മൂ​ഴി​ക്ക​ൽ പ​ഞ്ചാ​യ​ത്ത് കു​ള​ത്തി​ൽ അ​പ​ക​ട​ത്തി​ൽ​പെ​ട്ട​ത്. വൈ​കീ​ട്ട് സു​ഹൃ​ത്തി​നൊ​പ്പം കു​ളി​ക്കാ​നി​റ​ങ്ങി​യ ഹ​രി​ന​ന്ദ് നീ​ന്തു​ന്ന​തി​നി​ട​യി​ൽ മു​ങ്ങി​പ്പോ​വു​ക​യാ​യി​രു​ന്നു.

കൂ​ടെ​യു​ള്ള സു​ഹൃ​ത്തി​ന്റെ ക​ര​ച്ചി​ൽ​കേ​ട്ട് ഓ​ടി​യെ​ത്തി​യ ഹാ​ഷി​ർ ചേ​ലു​പാ​ട​മാ​ണ് ര​ണ്ടാ​ൾ ആ​ഴ​മു​ള്ള കു​ള​ത്തി​ൽ​നി​ന്ന് യു​വാ​വി​നെ മു​ങ്ങി​യെ​ടു​ത്ത​ത്. ശ്വാ​സം നി​ല​ച്ചു​പോ​യ ഹ​രി​ന​ന്ദി​ന് ഉ​ട​ൻ പ്ര​ഥ​മ​ശു​ശ്രൂ​ഷ​യി​ൽ ശ്വ​സ​നം തു​ട​ങ്ങി​യ​ശേ​ഷ​മാ​ണ് ആം​ബു​ല​ൻ​സി​ൽ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ച​ത്.

വെ​ന്റി​ലേ​റ്റ​റി​ന്റെ സ​ഹാ​യ​ത്തോ​ടെ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ക​ഴി​യു​ന്ന ഹ​രി​ന​ന്ദ് അ​പ​ക​ട​നി​ല ത​ര​ണം​ചെ​യ്തി​ട്ടു​ണ്ട്. അ​പ​ക​ടം ന​ട​ന്ന കു​ള​ത്തി​ൽ അ​ഞ്ച് വ​ർ​ഷ​ത്തോ​ള​മാ​യി നീ​ന്ത​ൽ പ​രി​ശീ​ല​ക​നാ​ണ് ഹാ​ഷി​ർ. വൈ​കീ​ട്ട് ആ​റോ​ടെ പ​രി​ശീ​ല​നം പൂ​ർ​ത്തി​യാ​ക്കി വീ​ട്ടി​ലേ​ക്ക് മ​ട​ങ്ങാ​നി​രി​ക്കെ​യാ​ണ് അ​പ​ക​ടം ശ്ര​ദ്ധ​യി​ൽ​പെ​ട്ട​ത്.

ആ​യി​ര​ത്തോ​ളം ആ​ളു​ക​ൾ​ക്ക് നീ​ന്ത​ൽ​പ​രി​ശീ​ല​നം ന​ൽ​കി​യ ഹാ​ഷി​റി​ന്റെ ശി​ഷ്യ​ർ സം​സ്ഥാ​ന​ത​ല മ​ത്സ​ര​ങ്ങ​ളി​ൽ വി​ജ​യം​നേ​ടി​യി​ട്ടു​ണ്ട്. യു.​എ.​ഇ​യി​ൽ​നി​ന്ന് ഇ​ന്റ​ർ​നാ​ഷ​ന​ൽ ലൈ​ഫ് ഗാ​ർ​ഡ് സ​ർ​ട്ടി​ഫി​ക്ക​റ്റ് ല​ഭി​ച്ചി​ട്ടു​ണ്ട്. ത​ക്ക​സ​മ​യ​ത്ത് സി.​പി.​ആ​ർ ന​ൽ​കി​യ​തു​കൊ​ണ്ടാ​ണ് ഹ​രി​ന​ന്ദി​ന്റെ ജീ​വ​ൻ ര​ക്ഷി​ക്കാ​ൻ സാ​ധി​ച്ച​തെ​ന്ന് ഡോ​ക്ട​ർ​മാ​ർ പ​റ​ഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:drowningSaved Him
News Summary - drowning incident-hashir saved harinand
Next Story