Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightഡ്രൈവിങ് ടെസ്​റ്റ്​...

ഡ്രൈവിങ് ടെസ്​റ്റ്​ പുനരാരംഭിച്ചു

text_fields
bookmark_border
ഡ്രൈവിങ് ടെസ്​റ്റ്​ പുനരാരംഭിച്ചു
cancel
camera_alt

ഡ്രൈവിങ് ടെസ്​റ്റിനെത്തുന്നവരുടെ താപനില പരിശോധിക്കുന്ന ഉദ്യോഗസ്ഥൻ

വെള്ളിമാട്കുന്ന്: കോവിഡ് മൂലം നിർത്തിവെച്ച ഡ്രൈവിങ് ടെസ്​റ്റ്​ പുനരാരംഭിച്ചു. കോഴിക്കോട് റീജനൽ ട്രാൻസ്‌പോർട്ട് ഓഫിസറുടെ ഉത്തരവിനെ തുടർന്നാണ് ചൊവ്വാഴ്ച ടെസ്​റ്റ്​ പുനരാരംഭിച്ചത്. കോവിഡ് നിയന്ത്രണങ്ങൾ പാലിച്ചുള്ള ടെസ്​റ്റിന് കർശന നിർദേശങ്ങളാണ് ഉത്തരവിലുള്ളത്. ഡ്രൈവിങ് ടെസ്​റ്റിനായി വരുന്ന ഉദ്യോഗാർഥികളുടെ ശരീര താപനില തെർമൽ സ്കാൻ ഉപയോഗിച്ച് പരിശോധിക്കണം. ടെസ്​റ്റ്​ നടത്തുന്ന ഉദ്യോഗസ്ഥർ മാസ്ക്, ഗ്ലൗസ്, മുഖാവരണം എന്നിവ ധരിക്കണം.

ടെസ്​റ്റിന് ഉപയോഗിക്കുന്ന വാഹനങ്ങൾ അണ​ുമുക്തമാക്കിയിട്ടുണ്ടെന്ന് ഉറപ്പുവരുത്തുക. ആൾക്കൂട്ടം ഉണ്ടാകാത്ത തരത്തിൽ നമ്പർ ക്രമീകരിക്കുകയും മറ്റു നടപടി ക്രമങ്ങൾക്ക് കോവിഡ് നിയമങ്ങൾ കർശനമായി പാലിക്കുകയും വേണമെന്ന് ഉത്തരവിൽ പറയുന്നു. നടപടിക്രമങ്ങൾ പാലിക്കുന്നുവെന്ന് ഉറപ്പുവരുത്താൻ മോട്ടോർ വെഹിക്ൾ ഇൻസ്‌പെക്ടർ കെ. ദിലീപ്കുമാറിന് ചുമതല നൽകി. ടെസ്​റ്റ്​ നടത്താൻ നാല് എം.വി.ഐമാരെങ്കിലും വേണമെങ്കിലും ഒരാൾ മാത്രമാണുള്ളത്. ഇതുകാരണം ദിനംപ്രതി 120 ടെസ്​റ്റുകൾ നടക്കേണ്ട സ്ഥാനത്ത് 30 എണ്ണം മാത്രമാണ് നടക്കുന്നത്​.

Show Full Article
TAGS:driving test covida9 lockdown 
Next Story