മരണത്തിലേക്ക് വാ തുറന്ന് ഓടകൾ

കോ​ഴി​ക്കോ​ട്: തി​ര​ക്കു​പി​ടി​ച്ച ന​ഗ​ര​ത്തി​ൽ മൂ​ടാ​തെ കി​ട​ക്കു​ന്ന ഓ​ട​ക​ൾ മ​ര​ണ​ക്കെ​ണി​യൊ​രു​ക്കു​ന്നു. ഒ​രി​ട​വേ​ള​ക്കു​ശേ​ഷം ന​ഗ​ര​ത്തി​ൽ വീ​ണ്ടും മൂ​ടാ​ത്ത ഓ​ട​യി​ൽ വീ​ണു​ള്ള അ​പ​ക​ട​ങ്ങ​ൾ നി​ത്യ​സം​ഭ​വ​മാ​കു​ക​യാ​ണ്. വെ​ള്ളി​യാ​ഴ്ച രാ​ത്രി അ​ര​യി​ട​ത്തു​പാ​ല​ത്തി​ന​ടു​ത്ത് ന​ട​പ്പാ​ത​യോ​ട് ചേ​ർ​ന്ന് മൂ​ടാ​ത്ത ഓ​ട​യി​ലേ​ക്ക് വീ​ണ് യു​വാ​വി​ന് പ​രി​ക്കേ​റ്റു.

ഓ​ട​യു​ടെ മു​ക​ളി​ലു​ള്ള ഇ​രു​മ്പ് സ്ലാ​ബ് ദ്ര​വി​ച്ച് ന​ശി​ച്ചു​പോ​യ ഭാ​ഗ​ത്ത് കാ​ർ​ഡ് ബോ​ർ​ഡ് വ​ച്ച് അ​ട​ച്ച നി​ല​യി​ലാ​യി​രു​ന്നു​വെ​ന്ന് പ​രി​ക്കേ​റ്റ പി. ​നൂ​ഹ് പ​റ​ഞ്ഞു. ഇ​ക്കാ​ര്യം ശ്ര​ദ്ധ​യി​ൽ​പ്പെ​ടാ​തെ മു​ന്നോ​ട്ടു ന​ട​ന്ന താ​ൻ ഓ​ട​യി​ലേ​ക്ക് താ​ഴ്ന്നു പോ​വു​ക​യാ​യി​രു​ന്നു. ത​ന്‍റെ അ​ര​ഭാ​ഗം വ​രെ ഓ​ട​യി​ൽ താ​ഴ്ന്നു പോ​യ​താ​യും ഓ​ട​യു​ടെ കു​റു​കെ സ്ഥാ​പി​ച്ചി​രു​ന്ന ക​മ്പി​യി​ൽ പി​ടി​ച്ച് അ​ത്ഭു​ത​ക​ര​മാ​യി ര​ക്ഷ​പ്പെ​ടു​ക​യാ​യി​രു​ന്നു​വെ​ന്നും യു​വാ​വ് പ​റ​ഞ്ഞു.

ഈ​ഭാ​ഗ​ത്ത് അ​പ​ക​ട മു​ന്ന​റി​യി​പ്പ് സൂ​ച​കം പോ​ലും സ്ഥാ​പി​ച്ചി​രു​ന്നി​ല്ല. വി​വ​രം സാ​മൂ​ഹി​ക മാ​ധ്യ​മ​ങ്ങ​ളി​ൽ ശ്ര​ദ്ധി​ക്ക​പ്പെ​ട്ട​തോ​ടെ​യാ​ണ് മു​ന്ന​റി​യി​പ്പ് സൂ​ച​കം സ്ഥാ​പി​ച്ച​ത്. നേ​ര​ത്തെ​യും ഇ​രു​ച​ക്ര വാ​ഹ​ന​വും കാ​ൽ​ന​ട​യാ​ത്ര​ക്കാ​രും ഇ​വി​ടെ അ​പ​ക​ട​ത്തി​ൽ​പ്പെ​ട്ടി​രു​ന്നു​വെ​ന്ന് വ്യാ​പാ​രി​ക​ൾ പ​റ​യു​ന്നു. ഇ​തു​സം​ബ​ന്ധി​ച്ച് വ​കു​പ്പ് മ​ന്ത്രി​ക്കും കോ​ർ​പ​റേ​ഷ​ൻ അ​ധി​കൃ​ത​ർ​ക്കും പ​രാ​തി ന​ൽ​കി​യ​താ​യും യു​വാ​വ് അ​റി​യി​ച്ചു.

ന​ഗ​ര മ​ധ്യ​ത്തി​ൽ ജ​ന​ത്തി​ര​ക്കേ​റി​യ പ​ല ഭാ​ഗ​ത്തും ഇ​ത്ത​ര​ത്തി​ലു​ള്ള ച​തി​ക്കു​ഴി​ക​ൾ നി​റ​ന്നി​രി​ക്കു​ന്നു​ണ്ട്. മാ​വൂ​ർ റോ​ഡി​ൽ കെ.​എ​സ്.​ആ​ർ.​ടി.​സി​ക്ക് സ​മീ​പം ന​ട​പ്പാ​ത​യി​ലെ മാ​ൻ​ഹോ​ളി​ന്‍റെ മൂ​ടി ത​ക​ർ​ന്നി​ട്ട് മാ​സ​ങ്ങ​ളാ​യി​ട്ടും അ​റ്റ​കു​റ്റ​പ്പ​ണി ന​ട​ത്താ​ൻ അ​ധി​കൃ​ത​ർ ത​യ്യാ​റാ​യി​ട്ടി​ല്ല. ഇ​വി​ടെ മു​ന്നറി​പ്പാ​യി ഒ​രു മ​ര​ക്ക​ഷ​ണം കു​ത്തി​വെ​ക്കു​ക മാ​ത്ര​മാ​ണ് ചെ​യ്ത​ത്. സ​ദാ​സ​മ​യ​വും തി​ര​ക്കേ​റി​യ ന​ട​പ്പാ​ത​യി​ൽ ഇ​ത് അ​പ​ക​ട ഭീ​ഷ​ണി​യാ​വു​ക​യാ​ണ്. മാ​നാ​ഞ്ചി​റ​ക്ക് സ​മീ​പ​ത്തും ബീ​ച്ച് റോ​ഡി​ലും ഇ​ത്ത​ര​ത്തി​ലു​ള്ള അ​പ​ക​ട​ങ്ങ​ൾ പ​തി​യി​രി​ക്കു​ന്നു​ണ്ട്.

നേ​ര​ത്തെ ന​ഗ​ര​ത്തി​ൽ ഓ​ട​യി​ൽ വീ​ണു നി​ര​വ​ധി അ​പ​ക​ട​ങ്ങ​ളും മ​ര​ണ​ങ്ങ​ളും റി​പ്പോ​ർ​ട്ട് ചെ​യ്യ​പ്പെ​ട്ടി​രു​ന്നു. തു​ട​ർ​ന്ന് വ്യാ​പ​ക വി​മ​ർ​ശ​ന​ങ്ങ​ളും പ്ര​തി​ഷേ​ധ​ന​ങ്ങ​ളും ഉ​യ​ർ​ന്ന​തി​നേ​ത്തു​ട​ർ​ന്നാ​ണ് ഓ​ട​ക​ൾ കൃ​ത്യ​മാ​യി മൂ​ടാ​ൻ ന​ട​പ​ടി സ്വീ​ക​രി​ച്ചി​രു​ന്ന​ത്. എ​ന്നാ​ൽ ഒ​രു​ഇ​ട​വേ​ള​ക്കു ശേ​ഷം ന​ഗ​ര​ത്തി​ൽ വീ​ണ്ടും ഇ​ത്ത​ര​ത്തി​ല​ള്ള അ​പ​ക​ട​ങ്ങ​ൾ നി​ത്യ​സം​ഭ​വ​മാ​വു​ക​യാ​ണ് അ​ത്യാ​ഹി​ത​ങ്ങ​ൾ സം​ഭ​വി​ക്കു​ന്ന​തി​ന് മു​മ്പ് അ​ധി​കൃ​ത​ർ ക​ണ്ണു​തു​റ​ക്ക​ണ​മെ​ന്ന ആ​വ​ശ്യം ശ​ക്ത​മാ​യി.