Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightകോ​വി​ഡി​ൽ...

കോ​വി​ഡി​ൽ വീ​ണു​ട​ഞ്ഞുപോയത്​ ഇ​വ​രു​ടെ ചി​രികൂടിയാണ്​

text_fields
bookmark_border
we smile
cancel
camera_alt

വീ സ്​മൈൽ പരിശീലന കേന്ദ്രം (ഫയൽ ചിത്രം)

കോ​ഴി​ക്കോ​ട്​: കോ​വി​ഡി​ൽ വീ​ണു​ട​ഞ്ഞ അ​വ​രു​ടെ ചി​രി ഇ​നി​യും തി​രി​ച്ചു​പി​ടി​ക്കാ​നാ​യി​ല്ല. ഭി​ന്ന​ശേ​ഷി​ക്കാ​രു​ടെ ജീ​വി​ത​ത്തി​ൽ ചി​രി മാ​യാ​തി​രി​ക്കാ​നാ​യി ന​ഗ​ര​ത്തി​ൽ പ്ര​വ​ർ​ത്തി​ച്ചി​രു​ന്ന വീ ​സ്​​മൈ​ൽ എ​ന്ന സ്​​ഥാ​പ​ന​മാ​ണ്​ കോ​വി​ഡി​‍െൻറ പ്ര​തി​സ​ന്ധി മ​റി​ക​ട​ക്കാ​നാ​വാ​തെ അ​ട​ഞ്ഞു​കി​ട​ക്കു​ന്ന​ത്. 18 വ​യ​സ്സി​നു മു​ക​ളി​ലു​ള്ള ഭി​ന്ന​ശേ​ഷി​ക്കാ​രെ​ സ​മൂ​ഹ​ത്തി​ൽ സ്വ​യം പ​ര്യാ​പ്​​ത​രാ​യി ജീ​വി​ക്കാ​ൻ പ​രി​ശീ​ലി​പ്പി​ക്കു​ന്ന​ സ്​​ഥാ​പ​ന​മാ​യി​രു​ന്നു ഇ​ത്. മ​ഹാ​മാ​രി വ​ന്ന​തോ​ടെ വാ​ട​ക​ക്കെ​ട്ടി​ട​ത്തി​ൽ പ്ര​വ​ർ​ത്തി​ച്ചി​രു​ന്ന സ്​​ഥാ​പ​ന​ത്തി​ന്​ കെ​ട്ടി​ടം ഒ​ഴി​ഞ്ഞു​കൊ​ടു​േ​ക്ക​ണ്ടി​വ​ന്നു. ഗ​ൾ​ഫു​കാ​ര​നാ​യ കെ​ട്ടി​ട​മു​ട​മ​യ​ും കു​ടും​ബ​വും നാ​ട്ടി​ൽ താ​മ​സം തു​ട​ങ്ങി​യ​തോ​ടെ​യാ​ണ്​ കെ​ട്ടി​ടം കൈ​മാ​റേ​ണ്ടി​വ​ന്ന​തെ​ന്ന്​ ഈ ​സ​ൽ​സം​രം​ഭ​ത്തി​‍െൻറ പി​ന്നി​ൽ പ്ര​വ​ർ​ത്തി​ച്ച ചേ​വ​ര​മ്പ​ലം സ്വ​ദേ​ശി സൈ​ന​ബ ടീ​ച്ച​ർ പ​റ​ഞ്ഞു.

26 വ​ർ​ഷ​ത്തി​ലേ​റെ​യാ​യി ഭി​ന്ന​ശേ​ഷി​ക്കാ​രു​ടെ ക്ഷേ​മ​ത്തി​നാ​യി പ്ര​വ​ർ​ത്തി​ക്കു​ന്ന ടീ​ച്ച​ർ ത​ള​രാ​ൻ ത​യാ​റാ​കാ​തെ വീ​ട്ടി​ലും ഓ​ൺ​ലൈ​നി​ലു​മാ​യി പ​രി​ശീ​ല​നം തു​ട​രു​ക​യാ​ണ്​. ഓ​ൺ​ലൈ​ൻ പ​രി​ശീ​ല​നം പ​ല​ർ​ക്കും അ​ത്ര ഫ​ല​പ്ര​ദ​മ​ല്ലാ​ത്ത​തി​നാ​ൽ അ​വ​രു​ടെ വീ​ടു​ക​ളി​ൽ ചെ​ന്നും പ​രി​ശീ​ല​നം ന​ട​ത്തു​ന്നു​ണ്ട്. മാ​ന​സി​ക വെ​ല്ലു​വി​ളി നേ​രി​ടു​ന്ന​വ​ർ, കാ​ഴ്​​ച​പ്ര​ശ്​​ന​മു​ള്ള​വ​ർ, ഓ​ട്ടി​സം ബാ​ധി​ച്ച​വ​ർ, മ​റ്റു വെ​ല്ലു​വി​ളി​ക​ൾ നേ​രി​ടു​ന്ന​വ​ർ തു​ട​ങ്ങി വി​വി​ധ ത​ര​ത്തി​ലു​ള്ള ഭി​ന്ന​ശേ​ഷി​ക്കാ​ർ​ക്കാ​ണ്​​ ജീ​വി​ത പ​രി​ശീ​ല​ന​വും തൊ​ഴി​ൽ പ​രി​ശീ​ല​ന​വും ന​ൽ​കു​ന്ന​ത്. സ്വ​യം സ​ഞ്ച​രി​ക്കാ​നു​ള്ള പ​രി​ശീ​ല​നം, കൃ​ഷി, മ​റ്റു ദൈ​നം​ദി​ന ജോ​ലി​ക​ൾ, കൈ​പ്പ​ണി​ക​ൾ, വൈ​ദ​ഗ്​​ധ്യം ആ​വ​ശ്യ​മി​ല്ലാ​ത്ത മ​റ്റ്​ ജോ​ലി​ക​ൾ എ​ന്നി​വ​യി​ലെ​ല്ലാം പ​രി​ശീ​ല​നം ന​ൽ​കി. 2017 ഒ​ക്​​ടോ​ബ​റി​ൽ ന​ട​ക്കാ​വി​ൽ തു​ട​ങ്ങി​യ സ്​​ഥാ​പ​ന​ത്തി​ൽ 48 ഭി​ന്ന​ശേ​ഷി​ക്കാ​രാ​യി​രു​ന്നു പ​രി​ശീ​ല​ന​ത്തി​ന്​ എ​ത്തി​യ​ത്. ഇ​വ​രെ പ​രി​ശീ​ലി​പ്പി​ക്കാ​ൻ 10 ജീ​വ​ന​ക്കാ​രും ഉ​ണ്ടാ​യി​രു​ന്നു.

വി​വി​ധ ജോ​ലി​ക​ളി​ൽ പ​രി​ശീ​ല​നം നേ​ടി​യ ഒ​മ്പ​തു പേ​ർ ഹോ​ട്ട​ലു​ക​ളി​ൽ ജോ​ലി​ക്ക്​ ക​യ​റു​ക​യും ചെ​യ്​​തു. മൂ​ന്ന്​ സ്​​ത്രീ​ക​ൾ പാ​ക്കി​ങ്​ പ​രി​ശീ​ല​നം പൂ​ർ​ത്തി​യാ​ക്കി സ്വ​കാ​ര്യ ആ​യു​ർ​വേ​ദ ആ​ശു​പ​ത്രി​യി​ൽ ജോ​ലി​ക്ക്​ ക​യ​റാ​ൻ ത​യാ​റാ​യ​പ്പോ​ഴാ​ണ്​ കോ​വി​ഡ്​ ലോ​ക്​​ഡൗ​ൺ വ​രു​ന്ന​ത്. അ​തോ​ടെ അ​വ​ർ​ക്ക്​ ജോ​ലി​ക്ക്​ ക​യ​റാ​ൻ സാ​ധി​ച്ചി​ല്ല. ഇ​പ്പോ​ഴും കൈ​​ത്തൊ​ഴി​ൽ പ​രി​ശീ​ല​നം ന​ട​ക്കു​ന്നു​ണ്ട്. എ​ന്നാ​ൽ, സ്​​ഥാ​പ​ന​മാ​യി ന​ട​ന്നി​രു​ന്ന​പ്പോ​ൾ സ​മൂ​ഹ​ത്തി​ൽ നി​ന്ന്​ നി​ര​വ​ധി പേ​രു​ടെ സാ​മ്പ​ത്തി​ക സ​ഹാ​യം ഇ​വ​ർ​ക്ക്​ ല​ഭി​ച്ചി​രു​ന്നു. കെ​ട്ടി​ടം ഒ​ഴി​വാ​യ​തോ​ടെ ആ ​സ​ഹാ​യം നി​ല​ച്ചു. സ്വ​യം പ​ണം ക​ണ്ടെ​ത്തി​യാ​ണ്​ നി​ല​വി​ൽ ഇ​ത്ത​രം പ്ര​വ​ർ​ത്ത​ന​ങ്ങ​ൾ തു​ട​രു​ന്ന​ത്. ഒ​രു കെ​ട്ടി​ട​വും പ്ര​വ​ർ​ത്തി​ക്കാ​ൻ സ്​​ഥ​ല​വും ല​ഭി​ക്കു​ക​യാ​ണെ​ങ്കി​ൽ സ്​​ഥാ​പ​നം കൂ​ടു​ത​ൽ മ​നോ​ഹ​ര​മാ​യി ന​ട​ത്തി​ക്കൊ​ണ്ടു​പോ​കാ​മെ​ന്നാ​ണ്​​ സൈ​ന​ബ ടീ​ച്ച​ർ ആ​ഗ്ര​ഹി​ക്കു​ന്ന​ത്.

നേ​ര​േ​ത്ത, റേ​ഡി​യ​ൻ​റ്​ ഓ​റ​ൽ സ്​​കൂ​ൾ ഓ​ഫ്​ ഹി​യ​റി​ങ്​ ഇം​പ​യേ​ഡ്​ (റോ​ഷി) എ​ന്ന സ്​​ഥാ​പ​ന​വും പി​ന്നീ​ട്​ ത​ണ​ൽ ഏ​റ്റെ​ടു​ത്ത സ്​​മൈ​ൽ എ​ന്ന സ്​​ഥാ​പ​ന​വും ന​ട​ത്തി​യി​രു​ന്നു. ക​ല​ക്​​ട​റു​ടെ ഡി​സെ​ബി​ലി​റ്റി​ റീ​ഹാ​ബി​ലി​റ്റേ​ഷ​ൻ സെൻറ​റി​ലും എ​സ്.​എ​സ്.​എ​യി​ൽ റി​സോ​ഴ്​​സ്​ അ​ധ്യാ​പി​ക​യാ​യും സൈ​ന​ബ ടീ​ച്ച​ർ പ്ര​വ​ർ​ത്തി​ച്ചി​രു​ന്നു.

Show Full Article
TAGS:differently-abled sufferering covid 19 
News Summary - Differently-abled people are COVID-19’s silent sufferers
Next Story