‘ക്ലീനാകാൻ’ മാനാഞ്ചിറ; ചളിനീക്കം തുടങ്ങി

കോ​ഴി​ക്കോ​ട്: ന​ഗ​ര​ത്തി​ലെ പ്ര​ധാ​ന ജ​ല​സ്രോ​ത​സ്സാ​യ മാ​നാ​ഞ്ചി​റ​യി​ലെ ച​ളി നീ​ക്കി​യു​ള്ള ശു​ചീ​ക​ര​ണം പു​രോ​ഗ​മി​ക്കു​ന്നു. ത​ദ്ദേ​ശ സ്ഥാ​പ​ന​ങ്ങ​ൾ​ക്കു​കീ​ഴി​ലെ ജ​ലാ​ശ​യ​ങ്ങ​ൾ ശു​ചീ​ക​രി​ക്കു​ന്ന പ​ദ്ധ​തി​യു​ടെ ഭാ​ഗ​മാ​യി കോ​ഴി​ക്കോ​ട് കോ​ർ​​പ​റേ​ഷ​ൻ 25 ല​ക്ഷം ചെ​ല​വ​ഴി​ച്ചാ​ണ് കു​ളം ശു​ചീ​ക​രി​ക്കു​ന്ന​ത്.

കു​ടി​വെ​ള്ള സ്രോ​ത​സ്സ് കൂ​ടി​യാ​യ കു​ളം ശു​ചീ​ക​രി​ക്ക​ണ​മെ​ന്ന് നേ​ര​ത്തെ​ത​ന്നെ ആ​വ​ശ്യ​മു​യ​ർ​ന്നി​രു​ന്നു. എ​ന്നാ​ൽ, എ​ല്ലാ​വ​ർ​ഷ​വും വി​വി​ധ സം​ഘ​ട​ന​ക​ൾ പ​ട​വു​ക​ളി​ലെ പു​ൽ​ക്കാ​ടു​ക​ൾ വെ​ട്ടി​മാ​റ്റു​ന്ന​തി​ൽ മാ​ത്ര​മാ​യി ശു​ചീ​ക​ര​ണം ഒ​തു​ങ്ങു​ക​യാ​യി​രു​ന്നു പ​തി​വ്. ഇ​ത്ത​വ​ണ വേ​ന​ൽ ക​ടു​ത്ത​തോ​​ടെ വെ​ള്ളം ഏ​താ​ണ്ട് വ​റ്റി​യി​രു​ന്നു. ഇ​താ​ണ് ശു​ചീ​ക​ര​ണ​ത്തി​ന് അ​നു​ഗ്ര​ഹ​മാ​യ​ത്.

കു​ള​ത്തി​ലെ വെ​ള്ളം മോ​ട്ടോ​ർ ഉ​പ​യോ​ഗി​ച്ച് പു​റ​ത്തേ​ക്ക​ടി​ച്ച് ഒ​ഴി​വാ​ക്കി​യ​ശേ​ഷം ച​ളി മ​ണ്ണു​മാ​ന്തി​ക​ൾ ഉ​പ​യോ​ഗി​ച്ച് പൂ​ർ​ണ​മാ​യും വാ​രി​യെ​ടു​ത്ത് മ​റ്റി​ട​ത്തേ​ക്ക് മാ​റ്റു​ക​യാ​ണ് ​ചെ​യ്യു​ന്ന​ത്. ര​ണ്ട് മ​ണ്ണു​മാ​ന്തി യ​ന്ത്ര​ങ്ങ​ളും അ​നു​ബ​ന്ധ സം​വി​ധാ​ന​ങ്ങ​ളു​മാ​ണ് ഇ​തി​നാ​യി കു​ള​ത്തി​ൽ ഇ​റ​ക്കി​യ​ത്.

മ​ണ്ണു​മാ​ന്തി​ക​ളി​റ​ക്കു​ന്ന​തി​നും ടി​പ്പ​ർ ലോ​റി​യി​ൽ ച​ളി​​കൊ​ണ്ടു​​പോ​കു​ന്ന​തി​നു​മാ​യി കു​ള​ത്തി​ന്റെ ഒ​രു​ഭാ​ഗ​ത്തെ ക​മ്പി​വേ​ലി​യും തൂ​ണും പൊ​ളി​ച്ച് മ​ണ്ണി​റ​ക്കി പാ​ത​യൊ​രു​ക്കി​യി​ട്ടു​ണ്ട്. കു​ള​ത്തി​ൽ നി​ന്നു​വാ​രു​ന്ന ച​ളി മാ​നാ​ഞ്ചി​റ മൈ​താ​ന​ത്തി​ന്റെ ഒ​രു​ഭാ​ഗ​ത്താ​ണ് നി​ക്ഷേ​പി​ക്കു​ന്ന​ത്. മ​ണ​ൽ​കൂ​ടി​യ ച​ളി​യാ​ണ് എ​ന്ന​തി​നാ​ൽ മ​ണ​മോ മ​റ്റു​പ്ര​ശ്ന​ങ്ങ​ളോ ഇ​ല്ല. മ​ഴ​ക്കു​​മു​മ്പേ കു​ളം പൂ​ർ​ണ​മാ​യും ച​ളി​നീ​ക്കി ശു​ചീ​ക​രി​ക്കു​ക​യാ​ണ് ല​ക്ഷ്യ​മി​ടു​ന്ന​ത്.

തു​ട​ർ​ന്ന് പൊ​ളി​ച്ച ക​മ്പി​വേ​ലി​യും ക​ൽ​പ​ട​വും പൂ​ർ​വ​സ്ഥി​തി​യി​ലാ​ക്കും. ക​ൽ​പ​ട​വു​ക​ളി​ലെ ഉ​ണ​ങ്ങി​യ പു​ൽ​ക്കാ​ടു​ക​ളും ചെ​ത്തി വൃ​ത്തി​യാ​ക്കു​ന്നു​ണ്ട്. 1983ലാ​ണ് ഇ​തി​നു​മു​മ്പ് കു​ളം വ​റ്റി​ച്ച് ച​ളി കോ​രി​യെ​ടു​ത്ത​ത്. അ​ന്ന് വെ​ള്ളം മു​ഴു​വ​ൻ ഒ​ഴി​വാ​ക്കാ​ൻ ക​ഴി​യാ​ത്ത​തി​നാ​ൽ ച​ളി പൂ​ർ​ണ​മാ​യും നീ​ക്കാ​ൻ ക​ഴി​ഞ്ഞി​രു​ന്നി​ല്ല.

അ​ന്ന് ആ​ളു​ക​ൾ നേ​രി​ട്ട് കൊ​ട്ട​യി​ൽ ച​ളി​വാ​രി​യെ​ടു​ത്ത് ഒ​ഴി​വാ​ക്കു​ക​യാ​യി​രു​ന്നു. ന​ഗ​ര​ത്തി​ലെ നി​ര​വ​ധി ഹോ​ട്ട​ലു​ക​ളി​ലേ​ക്കു​ൾ​പ്പെ​ടെ ഇ​പ്പോ​ഴും ​വെ​ള്ള​മെ​ടു​ക്കു​ന്ന​ത് മാ​നാ​ഞ്ചി​റ​യി​ൽ നി​ന്നാ​ണ്. മാ​നാ​ഞ്ചി​റ സ്ക്വ​യ​റി​ലെ ​​ചെ​ടി​ക​ൾ ന​ന​ക്കാ​നും ഈ ​കു​ള​ത്തി​ലെ വെ​ള്ള​മാ​ണ് ഉ​പ​യോ​ഗി​ക്കു​ന്ന​ത്. മൂ​ന്ന​ര ഏ​ക്ക​റോ​ളം വി​സ്തൃ​തി​യാ​ണ് കു​ള​ത്തി​നു​ള്ള​ത്.