കൂട്ടിയിട്ട വാഹനങ്ങൾ മീഞ്ചന്തയിലും ഭീഷണി

കോ​ഴി​ക്കോ​ട്: പൊ​ലീ​സ് പി​ടി​കൂ​ടി​യ വാ​ഹ​ന​ങ്ങ​ൾ കൊ​ണ്ടി​ട്ട മീ​ഞ്ച​ന്ത ബൈ​പാ​സി​ലെ നി​ർ​ദി​ഷ്ട ബ​സ് സ്റ്റാ​ൻ​ഡ് പ​ണി​യാ​നു​ള്ള സ്ഥ​ലം പ​രി​സ​ര​വാ​സി​ക​ളു​ടെ ഉ​റ​ക്കം ന​ഷ്ട​പ്പെ​ടു​ത്തു​ന്നു. വ്യാ​ഴാ​ഴ്ച ത​ളി​പ്പ​റ​മ്പ് കു​റു​മാ​ത്തൂ​ർ വെ​ള്ളാ​രം പാ​റ​യി​ൽ പൊ​ലീ​സ് ഡം​പി​ങ് യാ​ർ​ഡി​ൽ തീ​പി​ടി​ത്ത​ത്തി​ൽ 400 ഓ​ളം വാ​ഹ​ന​ങ്ങ​ൾ ക​ത്തി​ന​ശി​ച്ച വാ​ർ​ത്ത​യ​റി​ഞ്ഞ​തോ​ടെ നാ​ട്ടു​കാ​രു​ടെ ആ​ധി​കൂ​ടി​യി​രി​ക്ക​യാ​ണ്.

വി​വി​ധ കേ​സു​ക​ളി​ൽ​പെ​ട്ട കാ​റും ബൈ​ക്കു​മ​ട​ക്ക​മു​ള്ള വാ​ഹ​ന​ങ്ങ​ളാ​ണ് ത​ളി​പ്പ​റ​മ്പി​ൽ ക​ത്തി​യ​ത്. വാ​ഹ​ന​ങ്ങ​ളി​ലെ ഇ​ന്ധ​ന​ങ്ങ​ളു​ടെ​യും ഓ​യി​ലി​ന്റെ​യും സാ​ന്നി​ധ്യം തീ​പ​ട​രാ​ൻ കാ​ര​ണ​മാ​യി. ഇ​തേ​യ​വ​സ്ഥ ത​ന്നെ​യാ​ണ് മീ​ഞ്ച​ന്ത​യി​ലും. മ​ണ​ൽ​ക​ട​ത്തി​യ​തി​ന് പ​ടി​യി​ലാ​യ ലോ​റി​ക​ളും കാ​റും ബൈ​ക്കു​മ​ട​ക്കം നി​ര​വ​ധി വാ​ഹ​ന​ങ്ങ​ളാ​ണ് മീ​ഞ്ച​ന്ത ബൈ​പാ​സി​ന് സ​മീ​പ​ത്തെ കോ​ർ​പ​റേ​ഷ​ൻ സ്ഥ​ല​ത്തു​ള്ള​ത്.

നേ​ര​ത്തേ വി​വി​ധ കേ​സു​ക​ളി​ൽ ന​ല്ല​ളം പൊ​ലീ​സ് സ്റ്റേ​ഷ​നു​മു​ന്നി​ൽ പി​ടി​കൂ​ടി ദേ​ശീ​യ പാ​ത​യോ​ര​ത്ത് കൊ​ണ്ടി​ട്ട വാ​ഹ​ന​ങ്ങ​ൾ മ​ന്ത്രി മു​ഹ​മ്മ​ദ് റി​യാ​സി​ന്റെ നി​ർ​ദേ​ശ പ്ര​കാ​ര​മാ​ണ് ഒ​ഴി​ഞ്ഞു​കി​ട​ന്ന കോ​ർ​പ​റേ​ഷ​ൻ സ്ഥ​ല​ത്തേ​ക്ക് മാ​റ്റി​യ​ത്. റോ​ഡ​രി​കി​ൽ നി​റ​യെ വാ​ഹ​ന​ങ്ങ​ൾ കാ​ര​ണം വ​ഴി ന​ട​ക്കാ​നാ​വാ​തെ പ​രാ​തി​യു​യ​ർ​ന്ന​പ്പോ​ഴാ​യി​രു​ന്നു മ​ന്ത്രി​യു​ടെ ന​ട​പ​ടി. കേ​സ് ഉ​ള്ള​തി​നാ​ലാ​ണ് ന​ഗ​ര​ത്തി​ൽ ഇ​ത്ര​യും സ്ഥ​ലം ഒ​ഴി​ഞ്ഞു​കി​ട​ന്ന​ത്. എ​ന്നാ​ൽ, ഇ​തി​നി​ടെ സ്ഥ​ലം സം​ബ​ന്ധി​ച്ച കേ​സി​ൽ തീ​ർ​പ്പാ​യ​തോ​ടെ മീ​ഞ്ച​ന്ത​യി​ലെ കോ​ർ​പ​റേ​ഷ​ൻ ബ​സ്​ സ്റ്റാ​ൻ​ഡ് യാ​ഥാ​ർ​ഥ്യ​മാ​വു​മെ​ന്ന്​​ പ്ര​തീ​ക്ഷ​യു​യ​ർ​ന്നു.

ബ​സ്​ ടെ​ർ​മി​ന​ൽ നി​ർ​മാ​ണ​വു​മാ​യി ബ​ന്ധ​പ്പെ​ട്ട്​ വി​ജി​ല​ൻ​സ്​ കേ​സ്​ വ​ന്ന​തി​നാ​ൽ തു​ട​ർ​ന​ട​പ​ടി​ക​ളി​ല്ലാ​തെ പോ​യ പ​ദ്ധ​തി​യാ​ണ്​ വീ​ണ്ടും സ​ജീ​വ​മാ​യ​ത്. കേ​സി​ലെ എ​ല്ലാ തു​ട​ർ​ന​ട​പ​ടി​ക​ളും അ​വ​സാ​നി​പ്പി​ച്ചു​കൊ​ണ്ട്​ വി​ജി​ല​ൻ​സ്​ കോ​ട​തി ഉ​ത്ത​ര​വ്​ വ​ന്ന​തി​ന്‍റെ പ​ശ്ചാ​ത്ത​ല​ത്തി​ൽ മീ​ഞ്ച​ന്ത​യി​ൽ അ​ത്യാ​ധു​നി​ക ബ​സ്​​സ്റ്റാ​ൻ​ഡ്​ പ​ണി​യാ​നു​ള്ള വി​ശ​ദ പ​ദ്ധ​തി രേ​ഖ (ഡി.​പി.​ആ​ർ) ത​യാ​റാ​ക്കാ​ൻ ന​ഗ​ര​സ​ഭ തീ​രു​മാ​നി​ച്ച് മാ​സ​ങ്ങ​ൾ ക​ഴി​ഞ്ഞു. ഡി.​പി.​ആ​ർ ത​യാ​റാ​ക്കാ​നു​ള്ള താ​ൽ​​പ​ര്യ​പ​ത്രം ക്ഷ​ണി​ക്കാ​നും തീ​രു​മാ​ന​മാ​യി.

ക​ഴി​ഞ്ഞ​ദി​വ​സം ന​ട​ന്ന കോ​ർ​പ​റേ​ഷ​ൻ വി​ക​സ​ന സെ​മി​നാ​റി​ലും പ​ദ്ധ​തി സം​ബ​ന്ധി​ച്ച് നി​ർ​ദേ​ശ​ങ്ങ​ൾ ന​ൽ​കി​യ​താ​യി കോ​ർ​പ​റേ​ഷ​ൻ കൗ​ൺ​സി​ല​ർ ര​മ്യ സ​ന്തോ​ഷ് പ​റ​ഞ്ഞു. ത​ല​ങ്ങും വി​ല​ങ്ങും പ​ഴ​യ വാ​ഹ​ന​ങ്ങ​ളും മാ​ലി​ന്യ​ങ്ങ​ളും നി​റ​ഞ്ഞു​കി​ട​ക്കു​ന്ന ബ​സ്​​സ്റ്റാ​ൻ​ഡി​നാ​യി ഏ​റ്റെ​ടു​ത്ത 2.1 ഏ​ക്ക​ർ സ്​​ഥ​ല​മാ​ണ് പ​രി​സ​ര​വാ​സി​ക​ൾ​ക്ക്​ ത​ല​വേ​ദ​ന​യാ​യി തു​ട​രു​ന്ന​ത്. ന​ഗ​ര​ത്തി​ലേ​ക്ക്​ ഏ​റ്റ​വു​മ​ധി​കം സി​റ്റി ബ​സു​ക​ൾ സ​ർ​വി​സ്​ ന​ട​ത്തു​ന്ന​ത്​ മീ​ഞ്ച​ന്ത, ബേ​പ്പൂ​ർ ഭാ​ഗ​ങ്ങ​ളി​ൽ നി​ന്നാ​ണ്. സ്റ്റാ​ൻ​ഡ്​ വ​രു​ന്ന​തോ​ടെ മി​നി ബൈ​പാ​സ്​ വ​ഴി സി​റ്റി ബ​സ്​ സ​ർ​വി​സ്​ ​ തു​ട​ങ്ങാ​നു​മാ​വും.

1998ൽ ​ത​ന്നെ മീ​ഞ്ച​ന്ത​യി​ൽ ബ​സ്​​സ്റ്റാ​ൻ​ഡ് പ​ണി​യാ​ൻ തീ​രു​മാ​ന​മാ​യെ​ങ്കി​ലും 2014ൽ ​കേ​സ്​ വ​ന്ന​തോ​ടെ തു​ട​ർ​ന​ട​പ​ടി​ക​ൾ നി​ല​യ്ക്കു​ക​യാ​യി​രു​ന്നു. 1999ൽ ​പ​ദ്ധ​തി​ക്ക്​ അം​ഗീ​കാ​ര​മാ​വു​ക​യും ര​ണ്ടാ​യി​ര​ത്തി​ൽ സ​ർ​ക്കാ​ർ ഉ​ത്ത​ര​വി​റ​ങ്ങു​ക​യും ചെ​യ്തു. 2006ൽ ​സ്​​ഥ​ല​മേ​റ്റെ​ടു​ത്തു. ബി.​ഒ.​ടി. അ​ടി​സ്​​ഥാ​ന​ത്തി​ൽ സ്വ​കാ​ര്യ സ​ഹാ​യ​ത്തോ​ടെ നി​ർ​മാ​ണം ന​ട​ത്താ​ൻ 78 ല​ക്ഷം നീ​ക്കി​വെ​ക്കു​ക​യും ചെ​യ്തു. ആ​രും ശ്ര​ദ്ധി​ക്കാ​തെ കി​ട​ക്കു​ന്ന സ്ഥ​ല​ത്ത് പാ​മ്പു​ക​ളും ക്ഷു​ദ്ര​ജീ​വി​ക​ളും നി​റ​ഞ്ഞു. മ​യ​ക്കു​മ​രു​ന്ന്, മ​ദ്യം തു​ട​ങ്ങി​യ​വ ഉ​പ​യോ​ഗി​ക്കു​ന്ന​വ​രു​ടെ താ​വ​ളം കൂ​ടി​യാ​യി മാ​റി​യ​താ​യി പ​രി​സ​ര​വാ​സി​ക​ൾ പ​റ​ഞ്ഞു.