ബാ​ങ്ക് റോ​ഡ് ന​ട​പ്പാ​യ​തി​ൽ ക​ട്ട​വി​രി​ക്ക​ൽ തു​ട​ങ്ങി; ഈ ​പ​ണി വേ​ഗം തീ​ർ​ക്ക​ണം

കോ​ഴി​ക്കോ​ട്: മാ​നാ​ഞ്ചി​റ-​മ​ലാ​പ​റ​മ്പ് വി​ക​സ​ന​ത്തി​ന്റെ ഭാ​ഗ​മാ​യു​ള്ള ഫു​ട്പാ​ത്ത് നി​ർ​മാ​ണം അ​വ​സാ​ന​ഘ​ട്ട​ത്തി​ൽ. ബാ​ങ്ക് റോ​ഡി​ൽ മാ​വൂ​ർ റോ​ഡ് മു​ത​ൽ മാ​നാ​ഞ്ചി​റ വ​രെ​യു​ള്ള ഭാ​ഗ​ത്ത് ന​ട​പ്പാ​യ​തി​ലാ​ണ് ക​ട്ട​വി​രി​ക്ക​ൽ തു​ട​ങ്ങി​യ​ത്. റോ​ഡ് നി​ർ​മാ​ണം ഇ​ഴ​യു​ന്ന​തി​ന്റെ ഭാ​ഗ​മാ​യി കാ​ൽ​ന​ട​യാ​ത്ര​ക്കാ​ർ വ​ലി​യ പ്ര​യാ​സ​ത്തി​ലാ​യി​രു​ന്നു. ഇ​വി​ടെ വി​രി​ക്കാ​നു​ള്ള ക​ട്ട റോ​ഡി​ൽ കൊ​ണ്ടു​വെ​ച്ച് ആ​ഴ്ച​ക​ൾ ക​ഴി​ഞ്ഞു.

ക​ട്ട വി​രി​ക്ക​ൽ വേ​ഗം പൂ​ർ​ത്തി​യാ​യി​ല്ലെ​ങ്കി​ൽ കാ​ൽ​ന​ട​യാ​ത്ര​ക്കാ​രു​ടെ ജീ​വ​ന് ത​ന്നെ ഭീ​ഷ​ണി​യാ​വും. തി​ര​ക്കു​ള്ള ​റോ​ഡി​ലൂ​ടെ​യാ​ണ് ആ​ളു​ക​ൾ ഇ​പ്പോ​ൾ ന​ട​ക്കു​ന്ന​ത്.

പി​ന്നി​ൽ നി​ന്ന് വ​രു​ന്ന വാ​ഹ​ന​ങ്ങ​ൾ കാ​ൽ​ന​ട യാ​ത്ര​ക്കാ​ർ​ക്ക് ഭീ​ഷ​ണി​യാ​ണ്. നി​ർ​മാ​ണ​ത്തി​ലെ ത​ക​രാ​ർ കാ​ര​ണം പ​ല​യി​ട​ങ്ങ​ളി​ലും ഫു​ട്പാ​ത്തു​ക​ൾ അ​പൂ​ർ​ണാ​മാ​യി കി​ട​ക്കു​ക​യാ​ണ്. മാ​വൂ​ർ റോ​ഡ് ജ​ങ്ഷ​നി​ൽ ഖ​ത്ത​ർ ബ​സാ​റി​ന് സ​മീ​പം അ​പൂ​ർ​ണാ​മാ​യ ഫു​ട്പാ​ത്ത് പൊ​ലീ​സ് അ​ട​ച്ചു​പൂ​ട്ടി​യി​ട്ടു​ണ്ട്. ബി.​ഇ.​എം സ്കൂ​ളി​ന് മു​ന്നി​ൽ ട്രാ​ൻ​സ്ഫോ​ർ​മ​റി​ന​ടു​ത്ത് ന​ട​പ്പാ​ത അ​പൂ​ർ​ണ​മാ​ണ്.

ത​റ​നി​ര​പ്പ് പ​ല വി​താ​ന​ത്തി​ലാ​യ​തി​നാ​ൽ കാ​ൽ​ന​ട​ക്കാ​ർ ശ്ര​ദ്ധി​ച്ചി​ല്ലെ​ങ്കി​ൽ ത​ട​ഞ്ഞു​വീ​ഴാ​നും സാ​ധ്യ​ത ഏ​റെ​യാ​ണ്