കോർപറേഷൻ കൗൺസിലർമാർ വീണ്ടും ഉത്തരേന്ത്യയിലേക്ക്

കോ​ഴി​ക്കോ​ട്: കോ​ർ​പ​റേ​ഷ​നി​ലെ 75 കൗ​ൺ​സി​ല​ർ​മാ​ർ​ക്കും ഉ​ത്ത​രേ​ന്ത്യ​യി​ൽ പ​ഠ​ന​യാ​ത്ര ന​ട​ത്താ​ൻ സ​ർ​ക്കാ​ർ അ​നു​മ​തി. മേ​യ​ർ ഈ ​ആ​വ​ശ്യ​മു​ന്ന​യി​ച്ച് ന​ൽ​കി​യ ക​ത്തി​ന്റെ അ​ടി​സ്ഥാ​ന​ത്തി​ലാ​ണ് ഉ​ത്ത​ര​വ്. അ​ഞ്ചു കൊ​ല്ല​ത്തി​നി​ടെ ഓ​രോ കൗ​ൺ​സി​ൽ കാ​ലാ​വ​ധി​ക്കു​മു​ള്ളി​ൽ ന​ട​ത്തു​ന്ന പ​ഠ​ന​പ​രി​പാ​ടി​യു​ടെ ഭാ​ഗ​മാ​യാ​ണ്​ ജ​ന​പ്ര​തി​നി​ധി​ക​ൾ യാ​ത്ര തി​രി​ക്കു​ന്ന​ത്​. മൊ​ത്തം കൗ​ൺ​സി​ല​ർ​മാ​ർ​ക്കും ര​ണ്ടു ബാ​ച്ചാ​യി 10 ദി​വ​സം വീ​തം പ​ഠ​ന​യാ​ത്ര ന​ട​ത്താ​ൻ അ​നു​മ​തി തേ​ടി​യാ​യി​രു​ന്നു അ​പേ​ക്ഷ.

സെ​പ്റ്റം​ബ​ർ, ഒ​ക്ടോ​ബ​ർ മാ​സ​ങ്ങ​ളി​ൽ ഡ​ൽ​ഹി, പ​ഞ്ചാ​ബ്, ച​ണ്ഡി​ഗ​ഢ്, ഹി​മാ​ച​ൽ​പ്ര​ദേ​ശ്, മ​ധ്യ​പ്ര​ദേ​ശ് എ​ന്നി​വി​ട​ങ്ങ​ളി​ലാ​ണ് യാ​ത്ര. ന​ഗ​ര​സ​ഭ​ക​ളു​ടെ ഓ​ഫി​സ് പ്ര​വ​ർ​ത്ത​നം, മാ​ലി​ന്യ സം​സ്ക​ര​ണം, ന​ഗ​ര​സ​ഭ സം​വി​ധാ​ന​ങ്ങ​ൾ എ​ന്നി​വ​യാ​ണ് പ​ഠി​ക്കു​ക. ബാ​ച്ചു​ക​ളാ​യി തി​രി​ഞ്ഞു​ള്ള യാ​ത്ര​ക്ക് മൊ​ത്തം 15 ല​ക്ഷം രൂ​പ ത​ന​ത് ഫ​ണ്ടി​ൽ​നി​ന്ന് വി​നി​യോ​ഗി​ക്കാ​നാ​ണ് അ​നു​മ​തി. സം​സ്ഥാ​ന ഗ​വ​ർ​ണ​റു​ടെ നി​ർ​ദേ​ശ​പ്ര​കാ​രം അ​നു​മ​തി ന​ൽ​കി ത​ദ്ദേ​ശ സ്വ​യം​ഭ​ര​ണ അ​ഡീ​ഷ​ന​ൽ സെ​ക്ര​ട്ട​റി​യാ​ണ് ഉ​ത്ത​ര​വ് പു​റ​പ്പെ​ടു​വി​ച്ച​ത്.

ഡ​ൽ​ഹി, ച​ണ്ഡി​ഗ​ഢ്​ തു​ട​ങ്ങി​യ ഭാ​ഗ​ങ്ങ​ളി​ൽ 10 ദി​വ​സം നീ​ളു​ന്ന പ​ഠ​ന​യാ​ത്ര 2017ലും ​ന​ട​ന്നി​രു​ന്നു. അ​ന്ന് 46 കൗ​ൺ​സി​ല​ർ​മാ​ർ ഡെ​പ്യൂ​ട്ടി മേ​യ​റു​ടെ നേ​തൃ​ത്വ​ത്തി​ലാ​യി​രു​ന്നു യാ​ത്ര പോ​യ​ത്. യാ​ത്ര​യി​ൽ പ്ര​തി​പ​ക്ഷ, ഭ​ര​ണ​പ​ക്ഷ വ്യ​ത്യാ​സ​മി​ല്ലാ​തെ അം​ഗ​ങ്ങ​ൾ പ​​​ങ്കെ​ടു​ത്തി​രു​ന്നു. ച​ണ്ഡി​ഗ​ഢ്​ ​പോ​ലു​ള്ള മാ​തൃ​ക ന​ഗ​ര​ങ്ങ​ൾ സ​ന്ദ​ർ​ശി​ച്ച്​ ജ​ന​പ്ര​തി​നി​ധി​ക​ൾ കാ​ര്യ​ങ്ങ​ൾ മ​ന​സ്സി​ലാ​ക്കു​ക​യെ​ന്ന​താ​ണ്​ മു​ഖ്യ ല​ക്ഷ്യം. ജ​ന​പ്ര​തി​നി​ധി​ക​ളു​ടെ മാ​ന​സി​കോ​ല്ലാ​സ​വും കൂ​ട്ടാ​യ്​​മ വ​ള​ർ​ത്ത​ലും ഉ​ന്ന​മാ​ണ്.

സം​സ്​​ഥാ​നം സ​മ്പൂ​ർ​ണ മാ​ലി​ന്യ​ര​ഹി​ത​മാ​ക്കി മാ​റ്റാ​ൻ ല​ക്ഷ്യ​മി​ട്ടു​ള്ള സ​മ​ഗ്ര ശു​ചി​ത്വ-​മാ​ലി​ന്യ സം​സ്​​ക​ര​ണ പ​രി​പാ​ടി​യു​ടെ മു​ന്നൊ​രു​ക്ക​ങ്ങ​ളും പ​നി​ക്കാ​ല​ത്തെ ആ​രോ​ഗ്യ പ്ര​വ​ർ​ത്ത​ന​ങ്ങ​ളും ന​ട​ക്കു​ന്ന​തി​നി​ടെ​യാ​യി​രു​ന്നു അ​ന്ന്​ കൗ​ൺ​സി​ല​ർ​മാ​രു​ടെ യാ​ത്ര. ഇ​ത്​ വി​വാ​ദ​മാ​യി​രു​ന്നു. അ​ന്ന് ന​ഗ​ര​സ​ഭ​യു​ടെ ത​ന​ത്​ ഫ​ണ്ടി​ൽ​നി​ന്ന്​ യാ​ത്ര​ക്കാ​യി അ​ഞ്ചു​ ല​ക്ഷം ചെ​ല​വി​ടാ​ൻ സ​ർ​ക്കാ​ർ അ​നു​മ​തി ന​ൽ​കി​യി​രു​ന്നു.