പുത്തൂര്‍ സ്​റ്റേഡിയത്തില്‍ കെട്ടിടം നിർമിക്കാനുള്ള നീക്കം വിവാദത്തില്‍

വ​ട​ക​ര: പു​ത്തൂ​ര്‍ ഹ​യ​ർ​സെ​ക്ക​ന്‍ഡ​റി സ്കൂ​ളി​നോ​ട് ചേ​ര്‍ന്ന് നി​ർ​മി​ച്ച ന​ഗ​ര​സ​ഭ സ്​​റ്റേ​ഡി​യ​ത്തി​ല്‍ സ്കൂ​ൾ കെ​ട്ടി​ടം നി​ർ​മി​ക്കാ​നു​ള്ള നീ​ക്കം വി​വാ​ദ​ത്തി​ല്‍. സം​സ്ഥാ​ന​സ​ര്‍ക്കാ​ര്‍ കി​ഫ്ബി​യി​ല്‍ ഉ​ള്‍പ്പെ​ടു​ത്തി​യാ​ണ് മൂ​ന്നു കോ​ടി രൂ​പ ചെ​ല​വി​ല്‍ പു​തി​യ കെ​ട്ടി​ടം പ​ണി​യു​ന്ന​ത്. നൂ​റു​ക​ണ​ക്കി​ന് കു​ട്ടി​ക​ള്‍ വോ​ളി​ബാ​ള്‍, ഫു​ട്ബാ​ള്‍, ക്രി​ക്ക​റ്റ് പ​രി​ശീ​ല​ന​ത്തി​നാ​യും പ്ര​ദേ​ശ​ത്തി​ന് പു​റ​ത്തു​ള്ള വി​ദ്യാ​ല​യ​ങ്ങ​ള്‍ കാ​യി​ക​മ​ത്സ​ര​ങ്ങ​ള്‍ ന​ട​ത്താ​നും ഈ ​ഗ്രൗ​ണ്ടി​നെ​യാ​ണ് ആ​ശ്ര​യി​ച്ചി​രു​ന്ന​ത്. ജി​ല്ല കാ​യി​ക​മേ​ള​യ​ട​ക്കം ന​ട​ന്ന സ്​​റ്റേ​ഡി​യം ഇ​ല്ലാ​താ​ക്കാ​നു​ള്ള ശ്ര​മ​ങ്ങ​ള്‍ക്കെ​തി​രെ കാ​യി​ക​പ്രേ​മി​ക​ളി​ല്‍നി​ന്ന്​ പ്ര​തി​ഷേ​ധം ഉ​യ​ര്‍ന്നി​ട്ടു​ണ്ട്.

ന​ഗ​ര​പ​രി​ധി​യി​ല്‍ നാ​രാ​യ​ണ ന​ഗ​രം സ്​​റ്റേ​ഡി​യം ക​ഴി​ഞ്ഞാ​ല്‍ മി​ക​ച്ച സൗ​ക​ര്യ​മു​ള്ള സ്​​റ്റേ​ഡി​യ​മാ​ണ് പു​ത്തൂ​രി​ലു​ള്ള​ത്. സ്കൂ​ള്‍ കെ​ട്ടി​ടം നി​ർ​മി​ക്കാ​ന്‍ മ​റ്റു ധാ​രാ​ളം സ്ഥ​ല​ങ്ങ​ള്‍ ഉ​ണ്ടാ​യി​ട്ടും സ്​​റ്റേ​ഡി​യം വെ​ട്ടി​മു​റി​ച്ച് കെ​ട്ടി​ടം നി​ർ​മി​ക്കാ​ന്‍ അ​നു​വ​ദി​ക്കി​ല്ലെ​ന്ന തീ​രു​മാ​ന​ത്തി​ലാ​ണ് കാ​യി​ക​പ്രേ​മി​ക​ള്‍.

വി​ദ്യാ​ഭ്യാ​സ​വ​കു​പ്പി‍െൻറ കീ​ഴി​ല്‍ സ്കൂ​ളി​ന് സ​മീ​പ​ത്തു​ത​ന്നെ സൗ​ക​ര്യ​പ്ര​ദ​മാ​യ സ്ഥ​ല​ങ്ങ​ളും പൊ​ളി​ഞ്ഞു​വീ​ണ നി​ര​വ​ധി കെ​ട്ടി​ട​ങ്ങ​ളും ഉ​ണ്ടെ​ന്നി​രി​ക്കെ ഇ​ക്കാ​ര്യ​ത്തി​ല്‍ ശ്ര​ദ്ധ​ചെ​ലു​ത്താ​തെ സ്​​റ്റേ​ഡി​യം വെ​ട്ടി​മു​റി​ച്ച് കെ​ട്ടി​ടം പ​ണി​യാ​നു​ള്ള നീ​ക്ക​ത്തി​ല്‍നി​ന്ന്​ അ​ധി​കൃ​ത​ര്‍ പി​ന്മാ​റ​ണ​മെ​ന്ന് നീ​ലി​മ ന​ട​ക്കു​താ​ഴ പ്ര​വ​ര്‍ത്ത​ക​യോ​ഗം ആ​വ​ശ്യ​പ്പെ​ട്ടു. യോ​ഗ​ത്തി​ല്‍ പ്ര​സി​ഡ​ൻ​റ്​ രാ​ജീ​വ​ന്‍ പ​റ​മ്പ​ത്ത് അ​ധ്യ​ക്ഷ​ത വ​ഹി​ച്ചു.