Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightകർണാടക അതിർത്തിയിൽ...

കർണാടക അതിർത്തിയിൽ നിയന്ത്രണം കടുപ്പിച്ചു

text_fields
bookmark_border
കർണാടക അതിർത്തിയിൽ നിയന്ത്രണം കടുപ്പിച്ചു
cancel
camera_alt

തലപ്പാടി അതിർത്തിയിൽ കർണാടക അധികൃതർ യാത്രക്കാരെ തടയുന്നു

മഞ്ചേശ്വരം: ദക്ഷിണ കർണാടകയിൽ കോവിഡ് രോഗികളുടെ എണ്ണം വർധിക്കാൻ കാരണം അതിർത്തി കടന്നെത്തുന്ന അയൽ സംസ്ഥാന യാത്രക്കാരാണെന്ന നിഗമനത്തെത്തുടർന്ന് കർണാടക സർക്കാർ യാത്രാ നിയന്ത്രണം കർശനമാക്കിത്തുടങ്ങി. ഇതോടെ കർണാടകയെ ചികിത്സക്കായി ആശ്രയിച്ച രോഗികളും അവിടത്തെ കോളജുകളിൽ പരീക്ഷ എഴുതാൻ പോവുകയായിരുന്ന വിദ്യാർഥികളും വലഞ്ഞു.
ശനിയാഴ്ച മുതൽ നിയന്ത്രണം ശക്തമാക്കുമെന്ന് അറിയിച്ചിരുന്നെങ്കിലും ഞായറാഴ്ച അയഞ്ഞ രീതിയിലായിരുന്നു. എന്നാൽ, തിങ്കളാഴ്ച രാവിലെ മുതൽ കർശന നിയന്ത്രണമാണ് നടപ്പിലാക്കിത്തുടങ്ങിയത്. രണ്ട് ഡോസ് വാക്‌സിൻ എടുത്തവരെപോലും കടത്തിവിട്ടില്ല. നേരത്തെ ഒരു ഡോസ് എടുത്തവരെ കഴിഞ്ഞ 15 ദിവസമായി കടത്തിവിട്ടിരുന്നെങ്കിലും തിങ്കളാഴ്ച മുതൽ രണ്ട് ഡോസ് വാക്‌സിൻ എടുത്തവരെയും തടഞ്ഞു.
72 മണിക്കൂർ മുമ്പ് എടുത്ത ആർ.ടി.പി.സി.ആർ ടെസ്​റ്റ്​ നെഗറ്റിവ്‌ റിപ്പോർട്ട് മാത്രമാണ് അതിർത്തി കടത്തിവിടാനുള്ള മാനദണ്ഡമായി കർണാടക സർക്കാർ നിശ്ചയിച്ചിരിക്കുന്നത്. തിങ്കളാഴ്ച രാവിലെ കർണാടകയിൽ ആരംഭിച്ച ബിരുദ സെമസ്​റ്റർ പരീക്ഷക്കെത്തിയ മലയാളി വിദ്യാർഥികളെ കോളജ് ഐ.ഡി കാർഡ് കാണിച്ചു കടത്തിവിട്ടിരുന്നു. എന്നാൽ, സ്ഥലത്തെത്തിയ ദക്ഷിണ കന്നഡ ഡെപ്യൂട്ടി കമീഷണർ കെ.വി. രാജേന്ദ്ര ഇത് തടയുകയും പരീക്ഷ ഹാൾടിക്കറ്റ് ഉള്ളവരെ മാത്രം കടത്തിവിടാൻ നിർദേശിക്കുകയുമായിരുന്നു. പരീക്ഷ ദിവസം ഹാൾടിക്കറ്റ് എടുക്കാമെന്ന്​ കരുതിയ വിദ്യാർഥികൾക്ക്​ ഇതുമൂലം പരീക്ഷ എഴുതാൻ സാധിക്കാതെ തിരിച്ചുപോകേണ്ടിവന്നു. ഇവർക്ക് കോവിഡ് രോഗനിരക്ക് കുറയുന്ന സമയത്ത് പരീക്ഷ നടത്തുമെന്ന് പിന്നീട് സർവകലാശാല അധികൃതർ അറിയിച്ചു.
രോഗിയുമായി സ്വകാര്യ വാഹനത്തിൽ വന്ന നിരവധി പേരെയാണ് ഡെപ്യൂട്ടി കമീഷണർ നേരിട്ട് ഇടപെട്ട് തിരിച്ചയച്ചത്. ഇവർ ചികിത്സ രേഖകൾ കാണിച്ചെങ്കിലും അധികൃതർ കനിഞ്ഞില്ല. എന്നാൽ, ആംബുലൻസുകളിലെത്തിയ രോഗികളെ കടത്തിവിടുന്നുണ്ട്. അതിർത്തിയിൽ കർണാടകയിലേക്ക് പോകുന്നവരെ തിരിച്ചയക്കുന്നുവെങ്കിലും കേരളത്തിലേക്ക് വരുന്ന യാത്രക്കാരെ കേരള അധികൃതർ പരിശോധന കൂടാതെ തന്നെ കയറ്റുന്നുണ്ട്.

തലപ്പാടിയിൽ കേരളത്തി​‍െൻറ കോവിഡ്​ പരിശോധന കേന്ദ്രം ഇന്നു തുറക്കും

കാ​സ​ർ​കോ​ട്​: ക​ർ​ണാ​ട​ക​യി​ലേ​ക്ക്​ പ്ര​വേ​ശി​ക്കു​ന്ന​തി​ന്,​ കോ​വി​ഡ്​ ഇ​ല്ലെ​ന്ന്​ തെ​ളി​യി​ക്കു​ന്ന സ​ർ​ട്ടി​ഫി​ക്ക​റ്റ്​ നി​ർ​ബ​ന്ധ​മാ​ക്കി​യ സാ​ഹ​ച​ര്യ​ത്തി​ൽ കേ​ര​ള​ത്തി​ലു​ള്ള​വ​ർ​ക്ക്​ സൗ​ക​ര്യ​മൊ​രു​ക്കി ജി​ല്ല ഭ​ര​ണ​കൂ​ടം.ത​ല​പ്പാ​ടി​യി​ൽ കോ​വി​ഡ് പ​രി​ശോ​ധ​ന​ക്ക് ആ​ഗ​സ്​​റ്റ്​ മൂ​ന്നു​മു​ത​ൽ മൊ​ബൈ​ൽ ടെ​സ്​​റ്റി​ങ്​ യൂ​നി​റ്റ് ഏ​ർ​പ്പെ​ടു​ത്തു​മെ​ന്ന് ജി​ല്ല ക​ല​ക്ട​ർ ഭ​ണ്ഡാ​രി സ്വാ​ഗ​ത് ര​ൺ​വീ​ർ ച​ന്ദ് അ​റി​യി​ച്ചു.ആ​ർ.​ടി.​പി.​സി.​ആ​ർ പ​രി​ശോ​ധ​ന​ക്ക് സ്പൈ​സു​മാ​യി സ​ഹ​ക​രി​ച്ചാ​ണ് സം​വി​ധാ​ന​മൊ​രു​ക്കു​ന്ന​ത്. ഇ​തോ​ടെ അ​തി​ർ​ത്തി​യി​ലെ നി​ല​വി​ലു​ള്ള പ്ര​ശ്ന​ങ്ങ​ൾ​ക്ക് പ​രി​ഹാ​ര​മാ​കു​മെ​ന്ന് ക​ല​ക്ട​ർ പ​റ​ഞ്ഞു.

ആം​ബു​ല​ൻ​സുകൾക്ക്​ മാ​ത്രം ഇ​ള​വ്​

മ​ഞ്ചേ​ശ്വ​രം: അ​തി​ർ​ത്തി ക​ട​ക്കാ​ൻ 72 മ​ണി​ക്കൂ​റി​നു​ള്ളി​ലെ​ടു​ത്ത ആ​ർ.​ടി.​പി.​സി.​ആ​ർ നെ​ഗ​റ്റി​വ് റി​പ്പോ​ർ​ട്ട് വേ​ണ​മെ​ന്ന നി​ല​പാ​ടി​ൽ​നി​ന്ന്​ പി​ന്നോ​ട്ട് പോ​കാ​തെ ക​ർ​ണാ​ട​ക സ​ർ​ക്കാ​ർ.

തി​ങ്ക​ളാ​ഴ്ച മു​ത​ൽ ക​ർ​ശ​ന​മാ​ക്കി​യ നി​യ​ന്ത്ര​ണം ചൊ​വ്വാ​ഴ്ച അ​ൽ​പം​കൂ​ടി ക​ടു​പ്പി​ച്ചു. ആ​ശു​പ​ത്രി​യി​ൽ ആം​ബു​ല​ൻ​സ് വ​ഴി പോ​കു​ന്ന​വ​ർ​ക്കും പ​രീ​ക്ഷ​ക്ക് പോ​കു​ന്ന ഹാ​ൾ​ടി​ക്ക​റ്റ് കൈ​വ​ശ​മു​ള്ള​വ​ർ​ക്കും മാ​ത്ര​മാ​ണ് നി​ല​വി​ൽ ഇ​ള​വ് അ​നു​വ​ദി​ക്കു​ന്ന​ത്. ഇ​തൊ​ഴി​ച്ചു​ള്ള ഒ​രു​വി​ധ ആ​നു​കൂ​ല്യ​ങ്ങ​ളും ന​ൽ​കേ​ണ്ടെ​ന്ന നി​ല​പാ​ടി​ലാ​ണ് അ​ധി​കൃ​ത​ർ. ഇ​തി​നി​ട​യി​ൽ, അ​വ​ശ്യ​സേ​വ​ന ജോ​ലി​ക്കാ​യി ദി​വ​സ​വും പോ​കേ​ണ്ടി​വ​രു​ന്ന​വ​ർ​ക്ക് ജോ​ലി​യു​ടെ അ​വ​സ്ഥ ക​ണ​ക്കി​ലെ​ടു​ത്ത്​ ചെ​റി​യ ഇ​ള​വ് അ​നു​വ​ദി​ച്ചി​ട്ടു​ണ്ട്. ഇ​വ​ർ​ക്ക് 72 മ​ണി​ക്കൂ​റി​നു​പ​ക​രം ഒ​രാ​ഴ്ച കാ​ലാ​വ​ധി​യു​ള്ള നെ​ഗ​റ്റി​വ് റി​പ്പോ​ർ​ട്ട് മ​തി​യാ​കും. ക​ർ​ണാ​ട​ക​യി​ലേ​ക്ക് ക​ട​ക്കാ​ൻ ആ​ർ.​ടി.​പി.​സി.​ആ​ർ നെ​ഗ​റ്റി​വ് സ​ർ​ട്ടി​ഫി​ക്ക​റ്റ് നി​ർ​ബ​ന്ധ​മാ​ക്കി​യ​തോ​ടെ ത​ല​പ്പാ​ടി​യി​ൽ കോ​വി​ഡ് പ​രി​ശോ​ധ​ന​ക്ക് കാ​സ​ർ​കോ​ട് ജി​ല്ല ഭ​ര​ണ​കൂ​ടം ഏ​ർ​പ്പെ​ടു​ത്തി​യ സം​വി​ധാ​നം ചൊ​വ്വാ​ഴ്ച മു​ത​ൽ പ്ര​വ​ർ​ത്ത​നം ആ​രം​ഭി​ച്ചി​ട്ടു​ണ്ട്. സ്പൈ​സു​മാ​യി സ​ഹ​ക​രി​ച്ചാ​ണ് അ​തി​ർ​ത്തി​യി​ൽ പ​രി​ശോ​ധ​ന സൗ​ക​ര്യം ഒ​രു​ക്കി​യ​ത്.




Show Full Article
TAGS:Karnataka border 
News Summary - Controls tightened at Karnataka border
Next Story