മൂന്നു ദിവസം മാത്രം കൺട്രോളർ തസ്​തികയിൽ; സിവിൽ സപ്ലൈസിൽ ചാകര

കോഴിക്കോട്​: സിവിൽ സപ്ലൈസ്​ വകുപ്പിലെ ഏറ്റവും ഉന്നത തസ്​തികയായ റേഷനിങ്​ കൺ​േ​ട്രാളർ തസ്​തികയിൽ സ്​ഥാനക്കയറ്റം ലഭിച്ച വ്യക്തി ഇരുന്നത്​ മൂന്നുദിവസം മാത്രം. കൺട്രോളറുടെ കസേരയിൽ ഇരുന്നതല്ലാ​െത കാര്യമായ ജോലിയൊന്നും ചെയ്യാതെ ഇവർ സർവിസിൽനിന്ന്​ വിരമിക്കുകയും ചെയ്​തു. മേയ്​ 31ന്​ വിരമിക്കേണ്ട റേഷനിങ്​ െഡപ്യൂട്ടി കൺട്രോളറെ കൺട്രോളർ തസ്​തികയിൽ നിയമിച്ചുകൊണ്ട്​ ഉത്തരവിറങ്ങുന്നത്​ മേയ്​ 2​​5നാണ്​. 27ന്​ ഇവർ ചുമതലയേൽക്കുകയും രണ്ട്​ അവധി ദിനങ്ങൾ കഴിഞ്ഞ്​ 31ന്​ വിരമിക്കുകയും ചെയ്​തു. ഇതോടെ ഇവർക്ക്​ ലഭിക്കേണ്ട ഗ്രാറ്റുവിറ്റി ഉൾപ്പെടെയുള്ള വിരമിക്കൽ ആനൂല്യങ്ങൾ കുത്തനെ ഉയരുമെന്നതൊഴിച്ചാൽ സർക്കാറി​േനാ പൊതുജനങ്ങൾക്കോ ഒരുതരത്തിലുമുള്ള പ്രയോജനം ലഭിക്കുന്നി​ല്ല. തസ്​തികയിൽ നേരത്തെ ഉണ്ടായിരുന്നയാൾ വിരമിക്കലിനോടനുബന്ധിച്ച്​ അവധിയെടുത്തതാണ്​ വിരമിക്കുന്നതിന്​ മുമ്പ്​ മറ്റൊരു നിയമനം കൂടി ഇതേ കസേരയിൽ നടത്താൻ അവസരമൊരുക്കിയത്​.

റേഷനിങ്​ കൺട്രോളറുടെ അടിസ്​ഥാന ശമ്പളം 1,07,800 രൂപയാണ്​. വെറും എസ്​.എസ്​.എൽ.സി മാത്രം യോഗ്യതയുള്ളയാൾക്ക്​ ക്ലറിക്കൽ തസ്​തികയിൽ കയറി കൺട്രോളർ തസ്​തികയിൽ വിരമിക്കാമെന്നതാണ്​ അവസ്ഥ. ഇതിന്​ പ്രത്യേക യോഗ്യത പരീക്ഷ പോലും നടത്താറില്ല. സിവിൽ സപ്ലൈസ്​ വകുപ്പിൽ ഇങ്ങനെ ദിവസങ്ങൾ മാത്രം കൺ​േട്രാളർ തസ്​തികയിൽ ഇരുത്തി വിരമിക്കാൻ അവസരം നൽകുന്നത്​ മുമ്പും വിവാദമായിരുന്നെങ്കിലും ഇതൊഴിവാക്കാൻ വകുപ്പുതല നടപടികളൊന്നും ഉണ്ടായിട്ടില്ല. നേരത്തെ​ ഉത്തരമേഖല െഡപ്യൂട്ടി കൺട്രോളർ തസ്​തികയിലിരുന്ന വ്യക്​തി സ്​ഥാനക്കയറ്റം ലഭിച്ച്​ ഒരുദിവസം മാത്രം കൺട്രോളർ കസേരയിൽ ഇരുന്ന സംഭവമുണ്ടായിരുന്നു. വിരമിക്കലി​‍െൻറ തൊട്ടുമുമ്പ്​ ഉന്നത തസ്​തികയിൽ ഇരുത്തി ആനുകൂല്യങ്ങൾ വർധിപ്പിച്ചുനൽകാൻ ചരടുവലിക്കുന്ന ലോബി വകുപ്പ്​ കേന്ദ്രീകരിച്ച്​ പ്രവർത്തിക്കുന്നതായും വൻ തുക മറിയുന്നതായും ആരോപണമുണ്ട്​.

വകുപ്പിൽ ജില്ലതല ഓഫിസർമാർ വരെയേ​ സീനിയർ തലത്തിൽ സ്ഥാനക്കയറ്റം നൽകുന്നുള്ളൂ. കൺട്രോളർ തസ്​തികയിൽ പ്രത്യേക യോഗ്യത നിശ്ചയിക്കാത്തതിനാൽ സ്വാധീനം ഉപയോഗിച്ച്​ ഏതാനും ദിവസം മാത്രം കൺട്രോളർ കസേരയിൽ ഇരുന്ന്​ വൻ ആനുകൂല്യം നേടിയെടുക്കുന്ന രീതിയാണ്​ തുടർന്നുവരുന്നത്​. റേഷൻ സംവിധാനത്തിലുണ്ടായ കാലോചിത മാറ്റത്തിനനുസരിച്ച്​ ഇതിലും അടിയന്തര മാറ്റമുണ്ടാകണമെന്നതാണ്​ ആവശ്യം.