കരാർ കമ്പനിയുടെ കുടിവെള്ളം ഊറ്റൽ തടഞ്ഞു

കൊ​യി​ലാ​ണ്ടി: ബൈ​പാ​സ് നി​ർ​മാ​ണ ക​രാ​ർ ക​മ്പ​നി കു​ടി​വെ​ള്ളം ഊ​റ്റു​ന്ന​ത് നാ​ട്ടു​കാ​ർ ത​ട​ഞ്ഞു. ന​ന്തി ചെ​ങ്ങോ​ട്ടു​കാ​വ് ബൈ​പാ​സ് നി​ർ​മാ​ണ ക​രാ​ർ ക​മ്പ​നി​യാ​ണ് മ​ര​ളൂ​ർ പ​ന​ച്ചി​ക്കു​ന്നു ശു​ദ്ധ​ജ​ല വി​ത​ര​ണ പ​ദ്ധ​തി​യു​ടെ കി​ണ​റി​ൽ​നി​ന്ന് വ​ലി​യ പ​മ്പു സെ​റ്റ് ഉ​പ​യോ​ഗി​ച്ച് ടാ​ങ്ക​റി​ൽ വെ​ള്ളം കൊ​ണ്ടു​പോ​കു​ന്ന​ത്. മ​ര​ളൂ​ർ ബ​ഹു​ജ​ന കൂ​ട്ടാ​യ്മ​യു​ടെ നേ​തൃ​ത്വ​ത്തി​ലാ​യി​രു​ന്നു ത​ട​യ​ൽ.

രാ​ത്രി​യും പ​ക​ലു​മാ​യി ലി​റ്റ​ർ​ക​ണ​ക്കി​നു വെ​ള്ള​മാ​ണ് ഇ​വി​ടെ​നി​ന്ന് കൊ​ണ്ടു​പോ​കു​ന്ന​ത്. പ​രി​സ​ര പ്ര​ദേ​ശ​ങ്ങ​ളി​ലെ കി​ണ​റു​ക​ളി​ൽ ജ​ല​നി​ര​പ്പ് താ​ഴ്ന്നു. നി​ര​വ​ധി ത​വ​ണ ആ​വ​ശ്യ​പ്പെ​ട്ടി​ട്ടും വെ​ള്ളം കൊ​ണ്ടു​പോ​കു​ന്ന​ത് നി​ർ​ത്തി​യി​ല്ല. ഇ​തേ​ത്തു​ട​ർ​ന്ന് ടാ​ങ്ക​ർ ലോ​റി ത​ട​യു​ക​യാ​യി​രു​ന്നു. പ​മ്പ്സെ​റ്റി​ന്റെ ബ​ന്ധ​വും വി​ച്ഛേ​ദി​ച്ചു. ബ​ഹു​ജ​ന കൂ​ട്ടാ​യ്മ ചെ​യ​ർ​മാ​നും ന​ഗ​ര​സ​ഭ കൗ​ൺ​സി​ല​റു​മാ​യ എ​ൻ.​ടി. രാ​ജീ​വ​ൻ, ക​ൺ​വീ​ന​ർ ഉ​ണ്ണി​കൃ​ഷ്ണ​ൻ മ​ര​ളൂ​ർ, സി.​ടി. ബി​ന്ദു, പി​താം​ബ​ര​ൻ കു​ന്നോ​ത്ത്, പി.​ടി. ഗോ​പാ​ല​ൻ, സ​ഗീ​ഷ് ആ​ന​മ​ഠ​ത്തി​ൽ എ​ന്നി​വ​ർ നേ​തൃ​ത്വം ന​ൽ​കി.