കോ​ഴി​ക്കോ​ട് മെഡിക്കൽ കോളജിലെ ആകാശപാത നിർമാണം ആരംഭിച്ചു

കോ​ഴി​ക്കോ​ട്: മെ​ഡി​ക്ക​ൽ കോ​ള​ജി​ലെ അ​നു​ബ​ന്ധ ആ​ശു​പ​ത്രി​ക​ളെ പ​ര​സ്പ​രം ബ​ന്ധി​പ്പി​ച്ചു​കൊ​ണ്ടു​ള്ള ആ​കാ​ശ​പ​ത​യു​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു. അ​ത്യാ​ഹി​ത വി​ഭാ​ഗം കോം​പ്ല​ക്സ്, സൂ​പ്പ​ർ സ്പെ​ഷാ​ലി​റ്റി, മെ​ഡി​ക്ക​ൽ കോ​ള​ജ് ആ​ശു​പ​ത്രി എ​ന്നി​വ​യെ പ​ര​സ്പ​രം ബ​ന്ധി​പ്പി​ച്ചു​കൊ​ണ്ട് നി​ർ​മി​ക്കു​ന്ന ആ​കാ​ശ​പാ​ത​ക്ക് ര​ണ്ട് കോ​ടി​യാ​ണ് ചെ​ല​വ് പ്ര​തീ​ക്ഷി​ക്കു​ന്ന​ത്. ഇ​തി​ൽ ഒ​രു കോ​ടി ബി.​പി.​സി.​എ​ല്ലും ഒ​രു കോ​ടി അ​ലു​മ്​​നി അ​സോ​സി​യേ​ഷ​നും ന​ൽ​കി​യ​താ​ണ്. ത​റ​നി​ര​പ്പി​ൽ നി​ന്നും 13 മീ​റ്റ​ർ ഉ​യ​ര​ത്തി​ൽ നാ​ലു മീ​റ്റ​ർ വീ​തി​യി​ലാ​ണ് ആ​കാ​ശ​പാ​ത നി​ർ​മി​ക്കു​ന്ന​ത്.

മെ​ഡി​ക്ക​ൽ കോ​ള​ജി​ലെ വി​വി​ധ ആ​ശു​പ​തി​ക​ളി​ലേ​ക്ക് രോ​ഗി​ക​ളെ മ​ഴ​യും വെ​യി​ലും ഏ​ൽ​ക്കാ​തെ കൊ​ണ്ടു​പോ​കു​ന്ന​തി​നും രോ​ഗി​ക​ളു​ടെ യാ​ത്ര സു​ഗ​മ​മാ​ക്കു​ന്ന​തി​നു​മാ​ണ് ആ​കാ​ശ​പാ​ത നി​ർ​മി​ക്കു​ന്ന​ത്.

അ​ത്യാ​ഹി​ത​വി​ഭാ​ഗം കോം​പ്ല​ക്സി​ൽ​നി​ന്ന് എ​ൻ.​എം.​സി.​എ​ച്ചി​ലെ വാ​ർ​ഡു​ക​ളി​ലേ​ക്ക് പ​ര​മാ​വ​ധി 250 മീ​റ്റ​റാ​ണ് ദൂ​രം. രോ​ഗി​ക​ളെ കൊ​ണ്ടു​പോ​കാ​ൻ ബാ​റ്റ​റി കാ​റു​ക​ൾ ഉ​പ​യോ​ഗി​ക്കു​ന്ന​കാ​ര്യം പ​രി​ഗ​ണ​ന​യി​ലു​ണ്ട്. നി​ർ​മാ​ണ​പ​ദ്ധ​തി​യി​ലു​ള്ള ട്രോ​മാ​കെ​യ​ർ കെ​ട്ടി​ടം​വ​ഴി മാ​തൃ​ശി​ശു സം​ര​ക്ഷ​ണ കേ​ന്ദ്ര​ത്തെ​യും ആ​കാ​ശ​പാ​ത​യു​മാ​യി ബ​ന്ധി​പ്പി​ക്കാ​ൻ ആ​ലോ​ച​ന​യു​ണ്ട്.

പ​ദ്ധ​തി യാ​ഥാ​ർ​ഥ്യ​മാ​കു​ന്ന​തോ​ടെ എ​ൻ.​എം.​സി.​എ​ച്ചി​ൽ​നി​ന്ന് രോ​ഗി​ക​ളെ വെ​യി​ലി​ലും മ​ഴ​യി​ലും റോ​ഡി​ലൂ​ടെ സ്ട്ര​ക്ച​റി​ൽ കൊ​ണ്ടു​വ​രു​ന്ന അ​വ​സ്ഥ ഇ​ല്ലാ​താ​വും. മു​ൻ മ​ന്ത്രി ടി.​പി. രാ​മ​കൃ​ഷ്ണെൻറ നേ​തൃ​ത്വ​ത്തി​ലാ​ണ് ഫ​ണ്ട് സ​മാ​ഹ​ര​ണ​മു​ൾ​പ്പെ​ടെ പ്ര​വ​ർ​ത്ത​ന​ങ്ങ​ൾ ന​ട​ന്ന​ത്. എ​ൻ.​ഐ.​ടി​യി​ലെ വി​ദ​ഗ്ധ​രാ​ണ് രൂ​പ​രേ​ഖ ത​യാ​റാ​ക്കി നി​ർ​മാ​ണം ന​ട​ത്തു​ന്ന​ത്.