വേ​ങ്ങേരി ജങ്ഷനിലെ മേൽപാല നിർമാണം; ബാലുശ്ശേരി-തടമ്പാട്ടുതാഴം റോഡ് ഗതാഗതം തുറന്നുകൊടുക്കൽ വൈകുന്നു

വേ​ങ്ങേ​രി: ഗ​താ​ഗ​തം പു​നഃ​സ്ഥാ​പി​ക്കാ​ൻ പ​ല​ത​വ​ണ അ​വ​ധി പ​റ​ഞ്ഞ ബാ​ലു​ശ്ശേ​രി-​ത​ട​മ്പാ​ട്ടു​താ​ഴം റോ​ഡ് തു​റ​ന്നു​കൊ​ടു​ക്ക​ൽ വൈ​കു​ന്നു. വേ​ങ്ങേ​രി ജ​ങ്ഷ​നി​ലെ മേ​ൽ​പാ​ല നി​ർ​മാ​ണം വൈ​കു​ന്ന​തി​നാ​ലാ​ണ് തു​റ​ന്നു​കൊ​ടു​ക്ക​ൽ വൈ​കു​ന്ന​ത്. സ്കൂ​ൾ തു​റ​ക്കു​ന്ന​തി​ന് മു​മ്പു​ത​ന്നെ ​ഇ​തു​വ​ഴി​യു​ള്ള ഗ​താ​ഗ​തം പു​നഃ​സ്ഥാ​പി​ക്കു​മെ​ന്നാ​യി​രു​ന്നു അ​ധി​കൃ​ത​ർ റോ​ഡ് അ​ട​ക്കു​ന്ന​തി​ന് മു​മ്പ് അ​റി​യി​ച്ച​ത്.

ജൂ​ൺ 12ന​കം വേ​ങ്ങേ​രി ബൈ​പാ​സ് ജ​ങ്ഷ​ൻ തെ​ക്കു​ഭാ​ഗം അ​ണ്ട​ർ ബൈ​പാ​സിന്റെ ഒ​രു ഭാ​ഗം ഗ​താ​ഗ​ത​ത്തി​ന് തു​റ​ക്കു​മെ​ന്നും ജൂ​ൺ അ​വ​സാ​ന​ത്തോ​ടെ ബാ​ലു​ശ്ശേ​രി-ത​ട​മ്പാ​ട്ടു​താ​ഴം റോ​ഡ് ഗ​താ​ഗ​തം ആ​രം​ഭി​ക്കാ​ൻ ക​ഴി​യു​മെ​ന്നു​മാ​ണ് ര​ണ്ടാ​ഴ്ച​മു​മ്പ് ബ​ന്ധ​പ്പെ​ട്ട​വ​ർ അ​റി​യി​ച്ച​ത്. തെ​ക്കു​ഭാ​ഗം അ​ണ്ട​ർ ബൈ​പാ​സി​ന്റെ ടാ​റി​ങ് പൂ​ർ​ത്തി​യാ​യെ​ങ്കി​ലും ഓ​വു​ചാ​ലി​ന്റേ​തു​ൾ​പ്പെ​ടെ മ​റ്റു ചി​ല പ്ര​വൃ​ത്തി​ക​ൾ പു​രോ​ഗ​മി​ക്കു​ക​യാ​ണ്.

മ​ലാ​പ്പ​റ​മ്പ് നി​ന്ന് വ​ട​ക്കോ​ട്ടു​ള്ള വാ​ഹ​ന​ങ്ങ​ൾ ഇ​തു​വ​ഴി​യാ​കും പോ​വുക. ജൂ​ൺ 20ഓ​ടെ മേ​ൽ​പാ​ല​ത്തി​ന്റെ പ​ണി പൂ​ർ​ത്തി​യാ​വു​മെ​ന്നും തു​ട​ർ​ന്ന് സ​ർ​വിസ് റോ​ഡി​ന്റെ പ്ര​വൃ​ത്തി​കൂ​ടി പൂ​ർ​ത്തി​യാ​യ ശേ​ഷം ബാ​ലു​ശ്ശേ​രി-ത​ട​മ്പാ​ട്ടു​താ​ഴം റോ​ഡ് ഗ​താ​ഗ​ത​യോ​ഗ്യ​മാ​ക്കു​മെ​ന്നുമാ​യി​രു​ന്നു അ​റി​യി​ച്ച​ിരുന്നത്. തെ​ക്കു​ഭാ​ഗം അ​ണ്ട​ർ ബൈ​പാ​സ് തു​റ​ന്നുക​ഴി​ഞ്ഞയുട​ൻ വ​ട​ക്കു​ഭാ​ഗ അ​ണ്ട​ർ​പാ​സി​ന്റെ പൈ​ലി​ങ് ​ പ്ര​വൃ​ത്തി ആ​രം​ഭി​ക്കും.

ദു​രി​ത​ത്തി​ലാ​യ ജ​ന​ങ്ങ​ളു​ടെ​യും വ്യാ​പാ​രി​ക​ളു​ടെ​യും അ​മ​ർ​ഷം കു​റ​ക്കാ​ൻ അധികൃതർ ഇ​ട​ക്കി​ടെ അ​വ​ധി പ​റ​ഞ്ഞ് ര​ക്ഷ​പ്പെ​ടു​ക​യാ​ണെ​ന്ന് വേ​ങ്ങേ​രി കാ​ർ​ഷി​ക വി​പ​ണ​ന കേ​ന്ദ്ര​ത്തി​ലെ വ്യാ​പാ​രി നാ​രാ​യ​ണ​ൻ പ​റ​ഞ്ഞു. റോ​ഡ് അ​ട​ച്ച​തോ​ടെ വ്യാ​പാ​രം പേ​രി​ന് മാ​ത്ര​മാ​യി ക​ന​ത്ത ന​ഷ്ട​ത്തി​ലാ​ണെ​ന്നും ചി​ല വ്യാ​പാ​രി​ക​ൾ ക​ട​ക​ൾ അ​ട​ച്ച​താ​യും നാ​രാ​യ​ണ​ൻ പ​റ​ഞ്ഞു.