സ്റ്റേഡിയം ജങ്ഷനിലെ കലുങ്ക് നിർമാണം; കുഴിയെടുത്തപ്പോൾ പൊട്ടിയ പൈപ്പ് നന്നാക്കി

കോ​ഴി​​ക്കോ​ട്: ​കോ​ർ​പ​റേ​ഷ​ൻ സ്റ്റേ​ഡി​യം ജ​ങ്ഷ​നു​സ​മീ​പം ക​ലു​ങ്ക് നി​ർ​മാ​ണ​ത്തി​നാ​യി കു​ഴി​യെ​ടു​ത്ത​പ്പോ​ൾ പൊ​ട്ടി​യ പൈ​പ്പ് ന​ന്നാ​ക്കി. ജ​ല അ​തോ​റി​റ്റി അ​ധി​കൃ​ത​രാ​ണ് തൊ​ഴി​ലാ​ളി​ക​ളെ നി​യോ​ഗി​ച്ച് ചൊ​വ്വാ​ഴ്ച പൈ​പ്പ് ന​ന്നാ​ക്കി​യ​ത്. ക​ലു​ങ്ക് നി​ർ​മി​ക്കാ​ൻ മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച് കു​ഴി​യെ​ടു​ത്ത​പ്പോ​ഴാ​ണ് പൈ​പ്പ് പൊ​ട്ടി​യ​ത്. ഇ​തോ​ടെ കു​ഴ​യി​ൽ വെ​ള്ളം നി​റ​ഞ്ഞ് വ​ലി​യ ‘കു​ളം’ രൂ​പ​പ്പെ​ട്ടി​രു​ന്നു.

ചൊ​വ്വാ​ഴ്ച രാ​വി​ലെ​യോ​ടെ തൊ​ഴി​ലാ​ളി​ക​ൾ ​മോ​ട്ടോ​ർ ഉ​പ​യോ​ഗി​ച്ച് കു​ഴി​യി​ലെ വെ​ള്ളം ഓ​ട​യി​ലേ​ക്ക് പ​മ്പ് ചെ​യ്താ​ണ് പൈ​പ്പി​ലെ പ​ണി പൂ​ർ​ത്തീ​ക​രി​ച്ച​ത്. നേ​ര​ത്തെ​യും നി​ർ​മാ​ണ ജോ​ലി​ക്കി​ടെ ഇ​വി​ടെ പൈ​പ്പ് പൊ​ട്ടി​യി​രു​ന്നു. പൈ​പ്പ് പൊ​ട്ട​ലി​നെ തു​ട​ർ​ന്ന് പൊ​റ്റ​മ്മ​ൽ ഭാ​ഗ​ത്തെ ടാ​ങ്കി​ലെ വാ​ൾ​വ് അ​ട​ച്ച​തോ​ടെ ന​ഗ​ര​ത്തി​ൽ പ​ല​ഭാ​ഗ​ത്തും ഏ​റെ​നേ​രം കു​ടി​വെ​ള്ള വി​ത​ര​ണ​വും ത​ട​സ്സ​പ്പെ​ട്ടി​രു​ന്നു. മ​ഴ​യും തു​ട​രെ​യു​ള്ള പൈ​പ്പ് പൊ​ട്ട​ലു​മെ​ല്ലാം ക​ലു​ങ്കി​ന്റെ നി​ർ​മാ​ണ​ത്തി​ന് കാ​ല​താ​മ​സ​മു​ണ്ടാ​ക്കു​​മെ​ന്ന് ഇ​തി​ന​കം ഉ​റ​പ്പാ​യി​ട്ടു​ണ്ട്.