എയിംസ് കോഴിക്കോട് തന്നെയെന്ന് എം.പിക്ക് മുഖ്യമന്ത്രിയുടെ ഉറപ്പ്

കോ​ഴി​ക്കോ​ട്: കേ​ര​ള​ത്തി​ന് കേ​ന്ദ്രം അ​നു​വ​ദി​ക്കു​മെ​ന്ന് പ്ര​തീ​ക്ഷി​ക്കു​ന്ന നി​ർ​ദി​ഷ്ട എ​യിം​സ് കോ​ഴി​ക്കോ​ട് ത​ന്നെ സ്ഥാ​പി​ക്കു​മെ​ന്ന് എം.​കെ. രാ​ഘ​വ​ന്‍ എം.​പി​ക്ക് മു​ഖ്യ​മ​ന്ത്രി ഉ​റ​പ്പ് ന​ല്‍കി. എ​യിം​സ് കോ​ഴി​ക്കോ​ടി​ന് പ​ക​രം കാ​സ​ർ​കോ​ട് സ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് ഡ​ല്‍ഹി​യി​ലെ കേ​ര​ള​ത്തി​ന്റെ പ്ര​ത്യേ​ക പ്ര​തി​നി​ധി പ്ര​ഫ. കെ.​വി. തോ​മ​സ് കേ​ന്ദ്ര ആ​രോ​ഗ്യ​മ​ന്ത്രി മ​ന്‍സൂ​ഖ് മാ​ണ്ഡ​വ്യ​ക്ക് നി​വേ​ദ​നം ന​ല്‍കി​യ​തു​മാ​യി ബ​ന്ധ​പ്പെ​ട്ട വാ​ര്‍ത്ത​ക​ളെ​ത്തു​ട​ര്‍ന്നാ​ണ് എം.​പി​യു​ടെ ഇ​ട​പെ​ട​ല്‍.

എ​യിം​സ് കോ​ഴി​ക്കോ​ട് സ്ഥാ​പി​ക്ക​ണ​മെ​ന്ന നി​ർ​ദേ​ശ​ത്തി​ല്‍ സ​ര്‍ക്കാ​റി​ന് മ​നം​മാ​റ്റ​മി​ല്ലെ​ന്ന് മു​ഖ്യ​മ​ന്ത്രി എം.​പി​യെ അ​റി​യി​ച്ചു. ഇ​തു​സം​ബ​ന്ധി​ച്ച് കെ.​വി. തോ​മ​സു​മാ​യും എം.​കെ. രാ​ഘ​വ​ന്‍ ച​ര്‍ച്ച ന​ട​ത്തി. ക​ത്തി​ല്‍ സം​ഭ​വി​ച്ച ആ​ശ​യ​ക്കു​ഴ​പ്പം തി​രു​ത്തു​മെ​ന്നും എ​യിം​സ് കോ​ഴി​ക്കോ​ട് സ്ഥാ​പി​ക്ക​ണ​മെ​ന്ന് കേ​ന്ദ്ര​ത്തോ​ട് ആ​വ​ശ്യ​പ്പെ​ടു​മെ​ന്നും കെ.​വി. തോ​മ​സ് എം.​പി​യെ അ​റി​യി​ച്ചു.

കോ​ഴി​ക്കോ​ട് കി​നാ​ലൂ​രി​ല്‍ സാ​മൂ​ഹി​കാ​ഘാ​ത പ​ഠ​നം ന​ട​ത്തി സ്ഥ​ലം കൈ​മാ​റ്റ ന​ട​പ​ടി​ക​ളി​ലേ​ക്ക് സ​ര്‍ക്കാ​ര്‍ ക​ട​ന്ന കാ​ര്യം എം.​പി ചൂ​ണ്ടി​ക്കാ​ട്ടി. മ​ല​ബാ​റി​ന്റെ ആ​രോ​ഗ്യ​മേ​ഖ​ല​യി​ല്‍ വ​ലി​യ മാ​റ്റ​ങ്ങ​ള്‍ക്ക് എ​യിം​സ് വ​ഴി​വെ​ക്കും. എ​യിം​സ് സ്ഥാ​പി​ക്കേ​ണ്ട​തി​ന്റെ ആ​വ​ശ്യ​ക​ത ചൂ​ണ്ടി​ക്കാ​ട്ടി 1956ലെ ​എ​യിം​സ് ആ​ക്ടി​ല്‍ ഭേ​ദ​ഗ​തി നി​ർ​ദേ​ശി​ച്ച് എം.​കെ. രാ​ഘ​വ​ന്‍ പാ​ര്‍ല​മെ​ന്റി​ല്‍ സ്വ​കാ​ര്യ ബി​ല്ല് അ​വ​ത​രി​പ്പി​ച്ചി​രു​ന്നു. നി​ര​ന്ത​ര സ​മ്മ​ർ​ദ​ത്തി​ന് ഒ​ടു​വി​ലാ​ണ് കേ​ര​ള​ത്തി​ല്‍ എ​യിം​സ് അ​നു​വ​ദി​ക്കു​മ്പോ​ള്‍ കി​നാ​ലൂ​ര്‍ സ്ഥാ​പി​ക്കാ​മെ​ന്ന ധാ​ര​ണ​യു​ണ്ടാ​യ​ത്.