ക്രിസ്മസ്; നക്ഷത്രത്തിളക്കത്തിൽ നഗരം

കോ​ഴി​ക്കോ​ട്: ക്രി​സ്മ​സ് ആ​ഘോ​ഷ​രാ​വു​ക​ൾ​ക്ക് മി​ഴി​വേ​കി ന​ഗ​ര​ത്തി​ൽ ന​ക്ഷ​ത്ര​ത്തി​ള​ക്കം. പ​ല വ​ർ​ണ​ങ്ങ​ളി​ലു​ള്ള ന​ക്ഷ​ത്ര​ങ്ങ​ൾ​ക്കു പു​റ​മേ വെ​ള്ളി​ത്തി​ര​യി​ലെ സൂ​പ്പ​ർ‌ സ്റ്റാ​റു​ക​ളും ലോ​ക​ക​പ്പ് സ്റ്റാ​റു​ക​ളു​മാ​ണ് ഇ​ക്കു​റി വി​പ​ണി​യി​ലെ താ​ര​ങ്ങ​ൾ. മെ​സ്സി, ക്രി​സ്റ്റ്യാ​നോ റൊ​ണാ​ൾ​ഡോ, നെ​യ്മ​ർ, അ​വ​താ​ർ, മി​ന്ന​ൽ മു​ര​ളി തു​ട​ങ്ങി വി​വി​ധ ന​ക്ഷ​ത്ര​ങ്ങ​ൾ തേ​ടി ആ​ളു​ക​ൾ ക​ട​ക​ളി​ലെ​ത്തു​ന്നു​ണ്ട്.

ഇ​ങ്ങ​നെ​യൊ​ക്കെ​യാ​ണെ​ങ്കി​ലും എ​ൽ.​ഇ.​ഡി പ്ര​ഭ​തൂ​വു​ന്ന ന​ക്ഷ​ത്ര​ങ്ങ​ൾ​ക്കു​ത​ന്നെ​യാ​ണ്‌ കൂ​ടു​ത​ൽ ആ​വ​ശ്യ​ക്കാ​ർ. മൂ​ന്നു രൂ​പ​യു​ടെ കു​ഞ്ഞു​ന​ക്ഷ​ത്ര​ങ്ങ​ൾ മു​ത​ൽ 1500 രൂ​പ​യു​ടെ എ​ൽ.​ഇ.​ഡി വെ​ളി​ച്ച​മു​ള്ള​വ വ​രെ വി​പ​ണി​യി​ലു​ണ്ട്‌. മു​ൻ​വ​ർ​ഷ​ങ്ങ​ളി​ലെ താ​ര​ങ്ങ​ളാ​യ പ്ലാ​സ്‌​റ്റി​ക് ന​ക്ഷ​ത്ര​ങ്ങ​ളും ല​ഭി​ക്കും.

അ​ല​ങ്കാ​ര​ങ്ങ​ളും ക്രി​സ്മ​സ് ട്രീ​യും ന​ക്ഷ​ത്ര​ങ്ങ​ളും കേ​ക്കു​ക​ളു​മാ​യി ക​ച്ച​വ​ട​ക്കാ‌​ർ നി​റ​ഞ്ഞ​തോ​ടെ ക​ച്ച​വ​ടം പൊ​ടി​പൊ​ടി​ക്കു​ക​യാ​ണ്. മി​ഠാ​യി​ത്തെ​രു​വ്, ന​ട​ക്കാ​വ് എ​ന്നി​വി​ട​ങ്ങ​ളി​ൽ വി​പ​ണി ആ​രം​ഭി​ച്ച​ത് മു​ത​ൽ വ​ലി​യ തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. കു​ഞ്ഞു​പാ​പ്പ​ക​ൾ മു​ത​ൽ വി​വി​ധ മോ​ഡ​ലു​ക​ളി​ലു​ള്ള ക്രി​സ്‌​മ​സ്‌ അ​പ്പൂ​പ്പ​ന്മാ​രും വി​പ​ണി​യി​ൽ സു​ല​ഭ​മാ​ണ്‌.

റ​ബ​റി​ലും പ്ലാ​സ്‌​റ്റി​ക്കി​ലു​മു​ള്ള മു​ഖം​മൂ​ടി​ക​ൾ, പാ​പ്പ​യു​ടെ ബ​ലൂ​ണു​ക​ൾ, ക്രി​സ്‌​മ​സ്‌ ട്രീ​യി​ൽ തൂ​ക്കി​യി​ടാ​വു​ന്ന അ​പ്പൂ​പ്പ​ന്മാ​ർ എ​ന്നി​വ​യു​മു​ണ്ട്‌. വെ​ൽ​വ​റ്റ് ന​ക്ഷ​ത്ര​ങ്ങ​ളാ​ണ് മ​റ്റൊ​രു പ്ര​ത്യേ​ക​ത. ക്രി​സ്മ​സ് ട്രീ​ക​ൾ അ​ല​ങ്ക​രി​ക്കാ​നു​ള്ള മ​ണി​ക​ൾ, മാ​ല​ക​ൾ, പ​ന്തു​ക​ൾ, ന​ക്ഷ​ത്ര​ങ്ങ​ൾ എ​ന്നി​വ​യു​ടെ മാ​ല​ക്കും വി​പ​ണി​യി​ൽ ആ​വ​ശ്യ​ക്കാ​ർ ഏ​റെ​യു​ണ്ട്.

വി​വി​ധ എ​ൽ.​ഇ.​ഡി ബ​ൾ​ബു​ക​ൾ 100 മു​ത​ൽ 500 വ​രെ വി​ല​യി​ൽ ല​ഭി​ക്കും. ഒ​ര​ടി മു​ത​ൽ എ​ട്ട​ടി വ​രെ ഉ​യ​ര​ത്തി​ൽ ക്രി​സ്മ​സ് മ​ര​ങ്ങ​ളും അ​ല​ങ്കാ​ര​ങ്ങ​ളും ക​ച്ച​വ​ട​ത്തി​നു​ണ്ട്. 400 മു​ത​ൽ 4000 വ​രെ​യാ​ണ് വി​ല.

കു​ട്ടി​ക​ളെ ആ​ക​ർ​ഷി​ക്കു​ന്ന ഉ​ൽ​പ​ന്ന​ങ്ങ​ളാ​ണ് ക്രി​സ്മ​സ് വി​പ​ണി​യി​ലെ മ​റ്റൊ​രു സ​വി​ശേ​ഷ​ത. ക്രി​സ്മ​സ് അ​പ്പൂ​പ്പ​ന്റെ തൊ​പ്പി​ക​ൾ 10 രൂ​പ മു​ത​ലും മു​ഖം​മൂ​ടി​ക​ൾ 15 മു​ത​ലും ല​ഭി​ക്കും. ക​രോ​ൾ വേ​ഷ​ത്തി​ന് 350 മു​ത​ൽ 1500 രൂ​പ വ​രെ ന​ൽ​ക​ണം. ആ​റു മാ​സം പ്രാ​യ​മാ​യ കു​ഞ്ഞു​ങ്ങ​ൾ​ക്കു​ള്ള പ​പ്പാ​നി വേ​ഷ​ങ്ങ​ളും വി​പ​ണി​യി​ലു​ണ്ട്. ര​ണ്ടാ​ൾ പൊ​ക്കം വ​രു​ന്ന എ​ൽ.​ഇ.​ഡി ലൈ​റ്റോ​ടു​കൂ​ടി​യ ക്രി​സ്മ​സ് ട്രീ​ക​ൾ​ക്ക് 9400 രൂ​പ​യാ​ണ് വി​ല. ക്രി​സ്മ​സ് വി​പ​ണി സ​ജീ​വ​മാ​യ​തോ​ടെ ഏ​റെ പ്ര​തീ​ക്ഷ​യി​ലാ​ണ് ക​ച്ച​വ​ട​ക്കാ​ർ.