ശൈശവ വിവാഹം പന്തലിൽ കയറി തടഞ്ഞു

കോ​ഴി​ക്കോ​ട്: ചാ​ലി​യ​ത്ത് വ്യാ​ഴാ​ഴ്ച ന​ട​ത്താ​നി​രു​ന്ന 16 വ​യ​സ്സാ​യ പെ​ൺ​കു​ട്ടി​യു​ടെ വി​വാ​ഹം അ​ധി​കൃ​ത​ർ വി​വാ​ഹ​പ്പ​ന്ത​ലി​ൽ ക​യ​റി ത​ട​ഞ്ഞു. പെ​ൺ​കു​ട്ടി​ത​ന്നെ​യാ​ണ് വി​വാ​ഹ​ത്തെ സം​ബ​ന്ധി​ച്ച വി​വ​ര​ങ്ങ​ൾ ചൈ​ൽ​ഡ് ലൈ​നി​ൽ അ​റി​യി​ച്ച​ത്. ചൈ​ൽ​ഡ് ലൈ​ൻ പ്ര​വ​ർ​ത്ത​ക​ർ ന​ൽ​കി​യ വി​വ​ര​മ​നു​സ​രി​ച്ച് ബേ​പ്പൂ​ർ പൊ​ലീ​സ് അ​ന്വേ​ഷ​ണം ന​ട​ത്തു​ക​യാ​യി​രു​ന്നു. വ്യാ​ഴാ​ഴ്ച രാ​വി​ലെ സ​ബ്ക​ല​ക്ട​ർ ചെ​ൽ​സാ​സി​നി​യു​ടെ നേ​തൃ​ത്വ​ത്തി​ൽ ഉ​ദ്യോ​ഗ​സ്ഥ​രെ​ത്തി​യാ​ണ് വി​വാ​ഹം ത​ട​ഞ്ഞ​ത്. പെ​ൺ​കു​ട്ടി​യെ ബ​ന്ധു​ക്ക​ളോ​ടൊ​പ്പം ശി​ശു​ക്ഷേ​മ സ​മി​തി​ക്കു മു​മ്പാ​കെ ഹാ​ജ​രാ​ക്കി. ശി​ശു​ക്ഷേ​മ സ​മി​തി​യു​ടെ ചു​മ​ത​ല​യി​ൽ ഗേ​ൾ​സ് ഹോ​മി​ലാ​ണ് പെ​ൺ​കു​ട്ടി​യെ ത​ൽ​ക്കാ​ല​ത്തേ​ക്ക് താ​മ​സി​പ്പി​ച്ച​ത്.

വി​വാ​ഹം നി​ർ​ത്തി​വെ​ക്ക​ണ​മെ​ന്ന മ​ജി​സ്ട്രേ​റ്റി​ന്‍റെ നി​ർ​ദേ​ശം ബു​ധ​നാ​ഴ്ച​ത​ന്നെ പെ​ൺ​കു​ട്ടി​യു​ടെ പി​താ​വി​ന് കൈ​മാ​റി​യി​രു​ന്നു. എ​ന്നാ​ൽ, വി​വാ​ഹ​മ​ല്ല, വി​വാ​ഹ നി​ശ്ച​യ​മാ​ണ് ന​ട​ത്തു​ന്ന​തെ​ന്ന നി​ല​പാ​ടി​ലാ​യി​രു​ന്നു കു​ടും​ബം. വ്യാ​ഴാ​ഴ്ച സ​ബ്ക​ല​ക്ട​ർ, ചൈ​ൽ​ഡ് പ്രൊ​ട്ട​ക്ഷ​ൻ ഓ​ഫി​സ​ർ എ​ന്നി​വ​ര​ട​ക്ക​മു​ള്ള ഉ​ദ്യോ​ഗ​സ്ഥ​ർ എ​ത്തു​മ്പോ​ൾ വീ​ട്ടി​ൽ വി​വാ​ഹ​ത്തി​നു​ള്ള ഒ​രു​ക്ക​ങ്ങ​ൾ പൂ​ർ​ത്തി​യാ​യി​രു​ന്നു. വി​വാ​ഹ​പ്പ​ന്ത​ലി​ൽ​നി​ന്നാ​ണ് പെ​ൺ​കു​ട്ടി​യെ​യും കു​ടും​ബ​ത്തെ​യും അ​ധി​കൃ​ത​ർ ശി​ശു​ക്ഷേ​മ സ​മി​തി​ക്കു മു​ന്നി​ൽ ഹാ​ജ​രാ​ക്കി​യ​ത്.

ബു​ധ​നാ​ഴ്ച ചൈ​ൽ​ഡ് ലൈ​ൻ പ്ര​വ​ർ​ത്ത​ക​ർ വി​വ​ര​മ​റി​യി​ച്ച​തി​നെ തു​ട​ർ​ന്ന് ജി​ല്ല വ​നി​ത-​ശി​ശു വി​ക​സ​ന ഓ​ഫി​സ​ർ അ​ബ്ദു​ൽ ബാ​രി അ​ട​ക്ക​മു​ള്ള​വ​ർ കു​ട്ടി​യെ ഫോ​ണി​ൽ വി​ളി​ച്ച് നി​ജ​സ്ഥി​തി മ​ന​സ്സി​ലാ​ക്കി​യി​രു​ന്നു. തു​ട​ർ​ന്നാ​ണ് മ​ജി​സ്ട്രേ​റ്റ് ഇ​ൻ​ജ​ങ്ഷ​ൻ ഉ​ത്ത​ര​വ് പു​റ​പ്പെ​ടു​വി​ച്ച​ത്. ഇ​തു​വ​രെ ആ​രു​ടെ പേ​രി​ലും കേ​സെ​ടു​ത്തി​ട്ടി​ല്ല. വി​വാ​ഹ​ത്തി​നു​ള്ള ഒ​രു​ക്ക​ങ്ങ​ൾ മാ​ത്ര​മാ​ണ് പൂ​ർ​ത്തി​യാ​യ​തെ​ന്നും വി​വാ​ഹം ന​ട​ക്കാ​ത്ത​തി​നാ​ലാ​ണ് കേ​സെ​ടു​ക്കാ​തി​രു​ന്ന​തെ​ന്നും ബേ​പ്പൂ​ർ പൊ​ലീ​സ് അ​റി​യി​ച്ചു. വ​രും​ദി​വ​സ​ങ്ങ​ളി​ൽ ഇ​ക്കാ​ര്യ​ത്തി​ൽ തീ​രു​മാ​ന​മെ​ടു​ക്കു​മെ​ന്നും പൊ​ലീ​സ് വ്യ​ക്ത​മാ​ക്കി.