വിദ്യാരംഗം ഉദ്ഘാടനവും സാഹിത്യ ശിൽപ്പശാലയും

കോവൂർ: ചേവായൂർ മനത്താനത്ത് എ.എൽ.പി സ്കൂളിൽ സാഹിത്യ ശിൽപ്പശാലയോടെ വിദ്യാരംഗം കലാസാഹിത്യവേദി പ്രവർത്തനം തുടങ്ങി. രസകരവും വിജ്ഞാനപ്രദവുമായ കഥകൾ പറഞ്ഞ് എഴുത്തുകാരനും ചലച്ചിത്ര പ്രവർത്തകനുമായ എം. കുഞ്ഞാപ്പ വിദ്യാരംഗം ഉദ്ഘാടനം ചെയ്തു. സാഹിത്യ ശിൽപ്പശാലയിൽ കുട്ടികൾക്ക് കഥയും കവിതയും എഴുതാൻ പരിശീലനം നൽകി.

വിദ്യാർഥികൾ വിവിധ വിഷയങ്ങളിൽ കുട്ടിക്കവിതകൾ രൂപപ്പെടുത്തി അവതരിപ്പിച്ചു. കെ. നിഷ ടീച്ചർ അധ്യക്ഷത വഹിച്ചു. പ്രധാനാധ്യാപിക ആർ.ബി. ഷിലിന, വിദ്യാരംഗം കൺവീനർ കെ. സുഗതാബായ് ടീച്ചർ, സ്കൂൾ ലീഡർ ആയിഷ നജ എന്നിവർ സംസാരിച്ചു.