ചാലിയാർ വള്ളംകളി: ഗതാഗതം തടസ്സപ്പെട്ടത് അഞ്ച് മണിക്കൂർ

ഫ​റോ​ക്ക്: ചാ​ലി​യാ​റി​ലെ വ​ള്ളം​ക​ളി മ​ത്സ​ര​ത്തി​ന് പ​ഴു​ത​ട​ച്ച സു​ര​ക്ഷ ഏ​ർ​പ്പെ​ടു​ത്തി​യ​തി​നാ​ൽ ഗ​താ​ഗ​തം ത​ട​സ്സ​പ്പെ​ട്ടു. പൊ​ലീ​സ്, കോ​സ്റ്റ് ഗാ​ർ​ഡ്‌, ഫ​യ​ർ ആ​ൻ​ഡ് റെ​സ്ക്യൂ ഓ​ഫി​സ​ർ​മാ​ർ, സി​വി​ൽ ഡി​ഫ​ൻ​സ് വ​ള​ന്റി​യ​ർ, ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ർ, ഡോ​ക്ട​ർ​മാ​ർ, ആം​ബു​ല​ൻ​സ്, അ​ഗ്നി​ശ​മ​ന സേ​ന, ഡി.​വൈ.​എ​ഫ്.​ഐ യൂ​ത്ത് ബ്രി​ഗേ​ഡ് അം​ഗ​ങ്ങ​ൾ, ജ​ന​മൈ​ത്രി പൊ​ലീ​സ് വ​ള​ന്റി​യ​ർ തു​ട​ങ്ങി​യ​വ​ർ ചേ​ർ​ന്നാ​ണ് സു​ര​ക്ഷ ഒ​രു​ക്കി​യ​ത്. ഉ​ന്ന​ത ഉ​ദ്യോ​ഗ​സ്ഥ​ര​ട​ക്കം നൂ​റു​ക​ണ​ക്കി​ന് പൊ​ലീ​സു​കാ​രാ​ണ് ക്ര​മ​സ​മാ​ധാ​ന ചു​മ​ത​ല​ക്ക് നേ​തൃ​ത്വം ന​ൽ​കി​യ​ത്.

സു​ര​ക്ഷ​യു​ടെ ഭാ​ഗ​മാ​യി ഫ​റോ​ക്ക് പ​ഴ​യ​പാ​ലം ശ​നി​യാ​ഴ്ച ഉ​ച്ച​ക്ക് ശേ​ഷം പൂ​ർ​ണ​മാ​യും അ​ട​ച്ചു. ഫ​റോ​ക്ക് മേ​ഖ​ല​യി​ൽ ഉ​ച്ച​മു​ത​ൽ രാ​ത്രി എ​ട്ട് വ​രെ ഗ​താ​ഗ​തം നി​ല​ച്ചു. പ​ഴ​യ​പാ​ലം അ​ട​ച്ച​തോ​ടെ പു​തി​യ പാ​ല​ത്തി​ൽ മ​ണി​ക്കൂ​റു​ക​ളോ​ളം ഗ​താ​ഗ​തം സ്തം​ഭി​ച്ചു. ഇ​തേ​ത്തു​ട​ർ​ന്ന് കു​ണ്ടാ​യി തോ​ട്, ചെ​റു​വ​ണ്ണൂ​ർ സ്രാ​മ്പ്യ, ചെ​റു​വ​ണ്ണൂ​ർ ജ​ങ്ഷ​ൻ, പു​തി​യ പാ​ലം ജ​ങ്ഷ​ൻ, പേ​ട്ട, ചു​ങ്കം എ​ന്നി​വി​ട​ങ്ങ​ളി​ലൊ​ക്കെ ഗ​താ​ഗ​ത​ക്കു​രു​ക്ക് നേ​രി​ട്ടു.

കോ​ഴി​ക്കോ​ട്- മ​ല​പ്പു​റം ജി​ല്ല​ക​ളി​ൽ നി​ന്ന് നൂ​റു​ക​ണ​ക്കി​നാ​ളു​ക​ൾ വ​ള്ളം​ക​ളി കാ​ണാ​നെ​ത്തി. ഇ​വ​രു​ടെ വാ​ഹ​ന​ങ്ങ​ൾ കൊ​ണ്ട് ഫ​റോ​ക്ക് അ​ങ്ങാ​ടി വീ​ർ​പ്പു​മു​ട്ടി. മ​ത്സ​ര​ത്തി​ന്റെ പ്ര​ധാ​ന പ​വി​ലി​യ​നാ​യ ഫ​റോ​ക്ക് പ​ഴ​യ​പാ​ല​ത്തി​ന​ടു​ത്തേ​ക്ക് പൊ​ലീ​സ് വാ​ഹ​ന​ങ്ങ​ളെ പ്ര​വേ​ശി​പ്പി​ച്ചി​ല്ല.

ഇ​തോ​ടെ പാ​ല​ത്തി​ന് സ​മീ​പ​ത്തെ ക​രു​വ​ൻ തി​രു​ത്തി ജ​ങ്ഷ​നും ഗ​താ​ഗ​ത​ക്കു​രു​ക്കി​ല​ക​പ്പെ​ട്ടു.