സ്വ​ര്‍ണ​മാ​ല​യെ​ന്ന് ക​രു​തി സ്ത്രീ​യു​ടെ മു​ക്കു​പ​ണ്ടം പി​ടി​ച്ചു​പ​റി​ച്ച കേ​സി​ൽ പ്ര​തി പി​ടി​യി​ൽ

കോ​ഴി​ക്കോ​ട്: സ്വ​ര്‍ണ​മാ​ല​യെ​ന്ന് ക​രു​തി, ബൈ​ക്കി​ലെ​ത്തി സ്ത്രീ​യു​ടെ ക​ഴു​ത്തി​ല്‍നി​ന്ന് മു​ക്കു​പ​ണ്ടം പി​ടി​ച്ചു​പ​റി​ച്ച കേ​സി​ൽ പ്ര​തി പി​ടി​യി​ൽ. ക​ണ്ണ​ഞ്ചേ​രി അ​റ​യി​ല്‍ എ.​വി. അ​നൂ​പി​നെ​യാ​ണ് (32) പ​ന്നി​യ​ങ്ക​ര ഇ​ന്‍സ്പെ​ക്ട​ര്‍ അ​നി​ല്‍കു​മാ​റും എ​സ്‌.​ഐ സു​ഭാ​ഷ് ച​ന്ദ്ര​നു​മ​ട​ങ്ങു​ന്ന അ​ന്വേ​ഷ​ണ​സം​ഘം പി​ടി​കൂ​ടി​യ​ത്. പ​ന്തീ​രാ​ങ്കാ​വ് പൊ​ലീ​സി​ലും ഫ​റോ​ക്കി​ലും ഇ​യാ​ൾ​ക്കെ​തി​രെ കേ​സു​ണ്ട്.

ക​ഴി​ഞ്ഞ 19ന്​ ​മാ​നാ​രി സ്വ​ദേ​ശി​യാ​യ സ്ത്രീ ​ന​ട​ന്നു​വ​രു​ന്ന​തി​ടെ മാ​ല പി​ടി​ച്ചു​പ​റി​ക്കു​ക​യാ​യി​രു​ന്നു. സി.​സി.​ടി.​വി കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പി​ടി​കൂ​ടി​യ​ത്. മാ​നാ​രി​യി​ലെ മോ​ഷ​ണ​ത്തി​ന് ശേ​ഷ​മാ​ണ് ഫ​റോ​ക്കി​ല്‍ മാ​ല മോ​ഷ്​​ടി​ക്കാ​ന്‍ ശ്ര​മി​ച്ച​ത്. ഇ​ത് പ​രാ​ജ​യ​പ്പെ​ട്ടു. തൊ​ട്ട​ടു​ത്ത ദി​വ​സം പ​ന്തീ​രാ​ങ്കാ​വ് സ്‌​റ്റേ​ഷ​ന്‍ പ​രി​ധി​യി​ലും മാ​ല മോ​ഷ്​​ടി​ച്ച​താ​യി പൊ​ലീ​സ് പ​റ​ഞ്ഞു.

ഓ​ണ്‍ലൈ​ന്‍ വി​ത​ര​ണ ഏ​ജ​ന്‍സി​യു​ടെ ജീ​വ​ന​ക്കാ​ര​നാ​യി​രു​ന്ന പ്ര​തി​ക്ക്​ ലോ​ക്ഡൗ​ണി​ല്‍ ജോ​ലി ന​ഷ്​​ട​പ്പെ​ട്ടി​രു​ന്നു. ഓ​ണ്‍ലൈ​ന്‍ ഗെ​യിം ക​ളി​ച്ച്​ കൈ​യി​ലു​ണ്ടാ​യി​രു​ന്ന പ​ണ​വും ന​ഷ്​​ട​പ്പെ​ട്ടു. ഓ​ണ്‍ലൈ​ന്‍ ക​ളി​ക്കി​ടെ പ​രി​ച​യ​പ്പെ​ട്ട​വ​ര്‍ സ​ഹാ​യി​ച്ച​തോ​ടെ ന​ഷ്​​ട​പ്പെ​ട്ട പ​ണം കൂ​ടി തി​രി​ച്ചു​പി​ടി​ക്കാ​മെ​ന്ന് തീ​രു​മാ​നി​ച്ച്​ വീ​ണ്ടും ക​ളി​ച്ചു. എ​ന്നാ​ല്‍, വാ​യ്പ വാ​ങ്ങി​യ പ​ണ​വും ന​ഷ്​​ട​മാ​യി.

ഒ​ന്ന​ര ല​ക്ഷം രൂ​പ​യോ​ളം ഓ​ണ്‍ലൈ​ന്‍ ക​ളി​യി​ലൂ​ടെ ന​ഷ്​​ട​മാ​യെ​ന്നാ​ണ് അ​നൂ​പ് മൊ​ഴി ന​ല്‍കി. വാ​യ്പ ന​ല്‍കി​യ​വ​ര്‍ക്ക് പ​ണം തി​രി​ച്ചു​ല​ഭി​ക്കാ​താ​യ​തോ​ടെ പൊ​ലീ​സി​ല്‍ പ​രാ​തി ന​ല്‍കു​മെ​ന്ന് അ​റി​യി​ച്ചു. ഇ​തോ​ടെ മോ​ഷ​ണ​ത്തി​നി​റ​ങ്ങു​ക​യാ​യി​രു​ന്നു​വെ​ന്ന് പൊ​ലീ​സ് പ​റ​ഞ്ഞു. സീ​നി​യ​ര്‍ സി​വി​ല്‍ പൊ​ലീ​സ് ഓ​ഫി​സ​ര്‍മാ​രാ​യ ജി​നീ​ഷ്, പ​ത്മ​രാ​ജ​ൻ, സി​വി​ല്‍ പൊ​ലീ​സ് ഓ​ഫി​സ​ര്‍മാ​രാ​യ ര​മേ​ശ്, ര​ഞ്ജി​ഷ്, ര​ജീ​ഷ് കു​മാ​ര്‍ എ​ന്നി​വ​ര​ട​ങ്ങി​യ സം​ഘ​മാ​ണ്​ അ​റ​സ്​​റ്റ്​ ചെ​യ്​​ത​ത്​.