കാ​ലി​ത്തീ​റ്റ വി​ല​വ​ർ​ധ​ന പ്ര​തി​സ​ന്ധി​യാ​യി: പോ​ത്തു​പ​രി​പാ​ല​ന​ത്തി​ലേ​ക്ക് ചു​വ​ടു മാ​റി ക്ഷീ​ര​ക​ർ​ഷ​ക​ർ

ന​ന്മ​ണ്ട: ക്ഷീ​ര​ക​ർ​ഷ​ക​ർ പ​ശു​ക്ക​ളെ ഒ​ഴി​വാ​ക്കി പോ​ത്തു​പ​രി​പാ​ല​ന​ത്തി​ലേ​ക്കു ചു​വ​ടു​മാ​റു​ന്ന​ത് ക്ഷീ​ര​സം​ഘ​ങ്ങ​ൾ​ക്ക് പാ​ൽ​സം​ഭ​ര​ണ​ത്തി​ന് പ്രതിസന്ധിയാവുന്നു. കാ​ലി​ത്തീ​റ്റ​യു​ടെ​യും വ​യ്ക്കോ​ലി​ന്റെ​യും വി​ല​വ​ർ​ധ​ന​യും ദൗ​ർ​ല​ഭ്യ​വു​മാ​ണ് ക്ഷീ​ര​ക​ർ​ഷ​ക​രെ ഈ ​മേ​ഖ​ല​യി​ൽ​നി​ന്നു പി​ന്നോ​ട്ടു​വ​ലി​ക്കു​ന്ന​ത്. നാ​ട്ടി​ൻ​പു​റ​ങ്ങ​ളി​ലെ ക്ഷീ​ര​ക​ർ​ഷ​ക​രാ​ണ് പോ​ത്തു​പ​രി​പാ​ല​ന​ത്തി​ലേ​ക്കു മാ​റി​ത്തു​ട​ങ്ങി​യ​ത്.

ആ​ന്ധ്ര, ത​മി​ഴ്നാ​ട്, രാ​ജ​സ്ഥാ​ൻ എ​ന്നി​വി​ട​ങ്ങ​ളി​ൽ നി​ന്നാ​ണ് പോ​ത്തി​ൻ​കു​ട്ടി​ക​ളെ കാ​ര്യ​മാ​യി ഇ​റ​ക്കു​മ​തി ചെ​യ്യു​ന്ന​ത്. മോ​റ ഇ​ന​ത്തി​ലു​ള്ള പോ​ത്തി​നാ​ണ് ഡി​മാ​ൻ​ഡെ​ന്നും ഇ​ത് ക​ർ​ഷ​ക​ർ​ക്ക് ഏ​റെ ലാ​ഭ​ക​ര​മാ​ണെ​ന്നും ക​ർ​ഷ​ക​നും ദ​ല്ലാ​ളു​മാ​യ കു​ട്ട​മ്പൂ​രി​ലെ കോ​ളി​യോ​ട്ടു​ക​ണ്ടി റ​സാ​ഖ് പ​റ​യു​ന്നു.

ഇ​വ പൂ​ർ​ണ വ​ള​ർ​ച്ച​യെ​ത്തു​മ്പോ​ഴേ​ക്കും 100 മു​ത​ൽ 150 കി​ലോ വ​രെ തൂ​ക്കം കി​ട്ടു​മെ​ന്നും റ​സാ​ഖ് പ​റ​ഞ്ഞു. പാ​ട​ങ്ങ​ളി​ലേ​ക്ക് അ​ഴി​ച്ചു​വി​ട്ടാ​ൽ പോ​ത്തു​ക​ൾ​ക്ക് വി​ശ​പ്പ​ട​ക്കാ​നു​മാ​വും. തൊ​ഴു​ത്തി​ൽ ക​യ​റി വൃ​ത്തി​യാ​ക്കാ​ൻ സ​മ​യ​വും ക​ള​യേ​ണ്ട​തി​ല്ല.

ക​റ​വ​പ്പ​ശു​വാ​ണെ​ങ്കി​ൽ ക്ഷീ​ര​ക​ർ​ഷ​ക​രെ സം​ബ​ന്ധി​ച്ചി​ട​ത്തോ​ളം പാ​ലി​ന്റെ അ​ള​വ് നോ​ക്കി​യാ​ണ് വി​ല നി​ശ്ച​യി​ക്കു​ക. പാ​ൽ വ​റ്റി​യ പ​ശു​വാ​ണെ​ങ്കി​ൽ ക​ച്ച​വ​ട​ക്കാ​ർ ഇ​റ​ച്ചി​വി​ല ക​ണ​ക്കാ​ക്കി​യാ​ണ് വി​ല പ​റ​യു​ക. എ​ന്നാ​ൽ, പോ​ത്തു​കൃ​ഷി​യി​ലൂ​ടെ ന​ഷ്ടം വ​ന്ന​താ​യി ഒ​രു ക​ർ​ഷ​ക​നും പ​റ​യു​ന്നി​ല്ലെ​ന്നും ഇ​വ​ർ പ​റ​യു​ന്നു.