സിറ്റി പൊലീസ്​ ഷെൽട്ടർ 'ഷട്ട്​ഡൗണി'ൽ തന്നെ

കോഴിക്കോട്​: സിറ്റി പൊലീസി​െൻറ ജനശ്രദ്ധ നേടിയ ഷെൽട്ടർ പദ്ധതി (എ മൊബൈൽ യൂനിറ്റ്​ ഒാഫ്​ വുമൺ പെറ്റീഷൻ ഹെൽപ്​ ഡെസ്​ക്​) കോവിഡ്​ വ്യാപനത്തിൽ 'ഷട്ട്​ഡൗണി'ൽ തന്നെ. സ്​റ്റേഷനിൽ നേരി​െട്ടത്തി​ പരാതി നൽകാൻ ബുദ്ധിമുട്ടുള്ള സ്​ത്രീകൾക്കും കുട്ടികൾക്കും തുണയേകാൻ കഴിഞ്ഞ മാർച്ച്​ എട്ടിന്​ വനിത ദിനത്തിലാണ്​ പദ്ധതി ആരംഭിച്ചത്​.

സ്​ത്രീകളുടെയും കുട്ടികളുടെയും അടുക്കൽ പൊലീസെത്തി പരാതികൾ സ്വീകരിക്കുന്നതായിരുന്നു രീതി. ഇതിനായി പ്രത്യേകം സജ്ജമാക്കിയ വാഹനത്തിൽ മൂന്ന്​ വനിത പൊലീസുകാരെയാണ്​ നിയോഗിച്ചിരുന്നത്​. ഇവർ തിരഞ്ഞെടുത്ത സ്​ഥലങ്ങളിലെത്തി പരാതികൾ സ്വീകരിക്കും. ആവശ്യമെങ്കിൽ വീടുകളി​ലെത്തിയും പരാതി സ്വീകരിക്കും​. ഷെൽട്ടർ വാഹനത്തിൽ ജനറൽ ഡയറി (ജി.ഡി), പെറ്റീഷൻ രജിസ്​റ്റർ, പരാതിക്കാർക്ക്​ നൽകാനുള്ള പെറ്റീഷൻ രശീതി എന്നിവയടക്കം സജ്ജീകരിച്ചിരുന്നു.

എന്നാൽ, കോവിഡ്​ വ്യാപിച്ചതിനാലാണ്​ ഷെൽട്ടർ പദ്ധതി താൽക്കാലികമായി നിർത്തിവെച്ച​െതന്ന്​ വനിത സെൽ സി.​െഎ കെ.എം. ലീല പറഞ്ഞു. അതേസമയം, കോവിഡ്​ കാലത്ത്​ വീടുകളിലുണ്ടാവുന്ന തർക്കങ്ങൾ, ഗാർഹിക പീഡനം എന്നിവയെല്ലാം സംബന്ധിച്ച്​ പരാതി അറിയിക്കാൻ വനിത സെല്ലി​െൻറ കീഴിൽ ഡൊമസ്​റ്റിക്​ കോൺഫ്ലിക്​റ്റ്​ റെസലൂഷൻ സെൻറർ (ഡി.സി.ആർ.സി) ആരംഭിച്ചിട്ടുണ്ട്​. ഷെൽട്ടറിൽ ലഭിക്കുന്ന സമാന സേവനം ഇതിലൂടെ ലഭിക്കും. പരാതികൾ ഫോണിലൂടെ അറിയിച്ചാൽ മതി.

കോവിഡ്​ ഭീതി നിലനിൽക്കുന്നതിനാലാണ്​ വീടുകളിലേക്ക്​ ഒാഫിസർമാർ പോകുന്നതിനും ആളുകളെ ഒാഫിസിലേക്ക്​ വിളിപ്പിക്കുന്നതിനും നിയന്ത്രണങ്ങൾ ഏർപ്പെടുത്തിയത്​. കോഴിക്കോട്ട്​ ഇതിനകം 90​ പരാതികൾ ലഭിച്ചതായും ഭൂരിഭാഗത്തിനും കൗൺസലിങ്ങിലൂടെയും മറ്റും തീർപ്പുണ്ടാക്കിയതായും അവർ കൂട്ടിച്ചേർത്തു.