ബി.പി. മൊയ്തീൻ ഓർമയായിട്ട് 43 വർഷം

മു​ക്കം: മ​ല​യോ​ര മേ​ഖ​ല​യി​ലെ സാ​മൂ​ഹി​ക സാം​സ്കാ​രി​ക കാ​യി​ക രം​ഗ​ങ്ങ​ളി​ൽ നി​റ​സാ​ന്നി​ധ്യ​മാ​യി​രു​ന്ന ബി.​പി. മൊ​യ്തീ​ന്റെ ഓ​ർ​മ​ക​ൾ​ക്ക് 43 വ​ർ​ഷം. മി​ഥു​ന​ത്തി​ലെ തോ​രാ​ത്ത മ​ഴ​യു​ള്ള ദി​വ​സ​മാ​ണ് മു​ക്ക​ത്തി​ന്റെ സു​ര​ഭി​ല​മാ​യി​രു​ന്ന ബി.​പി. മൊ​യ്തീ​നെ ഇ​രു​വ​ഴി​ഞ്ഞി​പ്പു​ഴ​യു​ടെ ആ​ഴ​ങ്ങ​ൾ ഏ​റ്റു​വാ​ങ്ങി​യ​ത്. നാ​ലു പ​തി​റ്റാ​ണ്ടു മു​മ്പ് ന​ട​ന്ന തെ​യ്യ​ത്തും​ക​ട​വ് തോ​ണി അ​പ​ക​ട​ത്തി​ന്റെ ഓ​ർ​മ​ക​ൾ ഇ​ന്നും മു​ക്ക​ത്തു​കാ​രു​ടെ ഹൃ​ദ​യ​ത്തി​ൽ നീ​റ്റ​ലാ​യി അ​വ​ശേ​ഷി​ക്കു​ക​യാ​ണ്. 1982 ജൂ​ലൈ 15ന് ​രാ​വി​ലെ എ​ട്ടോ​ടെ​യാ​യി​രു​ന്നു മൂ​ന്ന് ജീ​വ​ൻ പൊ​ലി​ഞ്ഞ തോ​ണി​യ​പ​ക​ടം ന​ട​ന്ന​ത്.

മു​ക്കം പ​ഞ്ചാ​യ​ത്ത് മെം​ബ​റും പൊ​തു പ്ര​വ​ർ​ത്ത​ക​നു​മാ​യി​രു​ന്ന ബി.​പി. മൊ​യ്തീ​ൻ, മാ​തു​ല​പു​ത്ര​ൻ കൊ​ടി​യ​ത്തൂ​ർ ഉ​ള്ളാ​ട്ടി​ൽ ഉ​സ്സ​ൻ, ചേ​ന്ദ​മം​ഗ​ലൂ​ർ ന​മ്പു​തൊ​ടി​ക കോ​യ​സ്സ​ൻ മാ​സ്റ്റ​റു​ടെ അ​ഞ്ചു വ​യ​സ്സു​ള്ള മ​ക​ൻ അം​ജ​ദ് എ​ന്നി​വ​രാ​ണ് അ​ന്ന് മ​ര​ണ​ക്ക​യ​ത്തി​ൽ മു​ങ്ങി ക​ണ്ണീ​രോ​ർ​മ​യാ​യ​ത്. സ്വ​ന്തം ജീ​വ​നേ​ക്കാ​ൾ മ​റ്റു​ള്ള​വ​രു​ടെ ജീ​വ​ന് വി​ല​ക​ൽ​പി​ച്ച മൊ​യ്തീ​ൻ ക​ല​ങ്ങി​യ വെ​ള്ള​ത്തി​ന്റെ കു​ത്തൊ​ഴു​ക്കി​ൽ ത​ല​ങ്ങും വി​ല​ങ്ങും നീ​ന്തി പ​ല​രെ​യും ര​ക്ഷ​പ്പെ​ടു​ത്തി​യ ശേ​ഷ​മാ​യി​രു​ന്നു ഇ​രു​വ​ഴി​ഞ്ഞി​യു​ടെ അ​ന​ന്ത​ത​യി​ലേ​ക്ക് താ​ഴ്ന്നു​പോ​യ​ത്. അം​ജ​ദി​ന്റെ മാ​താ​വി​നെ​യും കൈ​ക്കു​ഞ്ഞി​നെ​യും സാ​ഹ​സി​ക​മാ​യി ര​ക്ഷ​പ്പെ​ടു​ത്തി​യ മൊ​യ്തീ​ൻ ഉ​സ്സ​നെ​യും അം​ജ​ദി​നെ​യും തേ​ടി നീ​ന്തു​മ്പോ​ൾ തീ​ർ​ത്തും അ​വ​ശ​നാ​യി​രു​ന്നു.

ക​ര​യി​ലു​ള്ള​വ​ർ ആ​ർ​ത്തു​വി​ളി​ച്ച് തി​രി​കെ പോ​രാ​ൻ പ​റ​ഞ്ഞു, ക​യ​റി​ട്ട് കൊ​ടു​ത്തു. എ​ന്നാ​ൽ, ര​ണ്ട് ജീ​വ​നെ ഉ​പേ​ക്ഷി​ച്ച് ക​ര​ക​യ​റാ​ൻ മ​ന​സ്സു വ​രാ​തി​രു​ന്ന മൊ​യ്തീ​നെ​യും പ​ക്ഷേ, പു​ഴ ക​വ​ർ​ന്നെ​ടു​ക്കു​ക​യാ​യി​രു​ന്നു. മൂ​ന്ന് ദി​വ​സം ക​ഴി​ഞ്ഞാ​ണ് മൊ​യ്തീ​ന്റെ മൃ​ത​ദേ​ഹം കി​ട്ടി​യ​ത്. ഹു​സ്സ​ന്റേ​ത് അ​ഞ്ചാം ദി​വ​സ​വും കി​ട്ടി. അം​ജ​ദി​നെ​പ്പ​റ്റി ഇ​തു​വ​രെ ഒ​രു വി​വ​ര​വു​മി​ല്ല.

ബി.​പി. മൊ​യ്തീ​ന് 1984ൽ ​രാ​ഷ്ട്ര​പ​തി​യു​ടെ ജീ​വ​ൻ ര​ക്ഷാ​പ​ത​ക് മ​ര​ണാ​ന​ന്ത​ര ബ​ഹു​മ​തി​യാ​യി ല​ഭി​ച്ചു. മൊ​യ്തീ​ൻ മ​റ​ഞ്ഞി​ട്ട് 43 വ​ർ​ഷം പൂ​ർ​ത്തി​യാ​കു​മ്പോ​ഴും അ​ന​ശ്വ​ര പ്ര​ണ​യ​ത്തി​ന്റെ ര​ക്ത​സാ​ക്ഷി​യെ പോ​ലെ പ്ര​ണ​യി​നി കാ​ഞ്ച​ന​മാ​ല ആ ​ഓ​ർ​മ​ക​ളി​ൽ ഇ​ന്നും ജീ​വി​ക്കു​ക​യാ​ണ്. മൊ​യ്തീ​ൻ മ​രി​ച്ചെ​ന്ന് ഇ​പ്പോ​ഴും വി​ശ്വ​സി​ക്കാ​ൻ ക​ഴി​യു​ന്നി​ല്ലെ​ന്ന് അ​വ​ർ പ​റ​യു​ന്നു.

മൊ​യ്തീ​ന്റെ ഓ​ർ​മ​ക്കാ​യി കാ​ഞ്ച​ന​മാ​ല മു​ക്ക​ത്ത് സ്ഥാ​പി​ച്ച ബി.​പി. മൊ​യ്തീ​ൻ സേ​വാ​കേ​ന്ദ്രം സാ​മൂ​ഹി​ക, സാം​സ്കാ​രി​ക, ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളു​ടെ കേ​ന്ദ്ര​മാ​ണി​ന്ന്. നി​രാ​ലം​ബ​ർ, പീ​ഡി​ത​ർ, മാ​ന​സി​ക​നി​ല തെ​റ്റി അ​ല​യു​ന്ന​വ​ർ, അ​വ​കാ​ശം നി​ഷേ​ധി​ക്ക​പ്പെ​ട്ട​വ​ർ തു​ട​ങ്ങി മ​ന​സ്സി​ൽ ക​ന​ലെ​രി​യു​ന്ന​വ​രും ജീ​വി​തം മ​ടു​ത്ത​വ​രു​മാ​യ സ്ത്രീ​ക​ൾ​ക്കും പെ​ൺ​കു​ട്ടി​ക​ൾ​ക്കും അ​ഭ​യ​കേ​ന്ദ്ര​മാ​യും ക​ലാ സാം​സ്കാ​രി​ക സാ​മൂ​ഹി​ക കേ​ന്ദ്ര​മാ​യും മ​ല​യോ​ര മേ​ഖ​ല​യു​ടെ അ​വി​ഭാ​ജ്യ ഘ​ട​ക​മാ​യി നി​ല​കൊ​ള്ളു​ക​യാ​ണ് സേ​വാ​മ​ന്ദി​ർ. ആ​ർ.​എ​സ്. വി​മ​ൽ സം​വി​ധാ​നം ചെ​യ്ത ‘എ​ന്ന് നി​ന്റെ മൊ​യ്തീ​ൻ’ സി​നി​മ​യി​ലൂ​ടെ ബി.​പി. മൊ​യ്തീ​ന്റെ ജീ​വി​തം മ​ല​യാ​ളി​ക​ൾ​ക്കും സു​പ​രി​ചി​ത​മാ​ണ്.