ഓർമയിൽ ബേപ്പൂർ സുൽത്താൻ

കോ​ഴി​ക്കോ​ട്: വൈ​ക്കം മു​ഹ​മ്മ​ദ് ബ​ഷീ​റി​നെ സ്നേ​ഹി​ക്കു​ന്ന​വ​ർ കോ​വി​ഡ് കാ​ല​ത്തും മു​ട​ങ്ങാ​തെ ബേ​പ്പൂ​രി​ലെ മാ​ങ്കോ​സ്​​റ്റി​ൻ ചു​വ​ട്ടി​ലെ​ത്തി. കോ​ൺ​ക്രീ​റ്റ് സ്മാ​ര​ക​ങ്ങ​ളി​ല​ല്ല ഹൃ​ദ​യ​ങ്ങ​ളി​ലാ​ണ് ജീ​വി​ക്കു​ന്ന​തെ​ന്ന് ബേ​പ്പൂ​ർ സു​ൽ​ത്താ​ൻ സ്മ​ര​ണ​ക​ളു​ണ​ർ​ത്തി​യ ഓ​ർ​മ​ദി​നം വീ​ണ്ടും തെ​ളി​യി​ച്ചു.

27ാം ച​ര​മ​വാ​ര്‍ഷി​ക​ത്തി​ൽ വൈ​ക്കം മു​ഹ​മ്മ​ദ് ബ​ഷീ​റി​ന് ബേ​പ്പൂ​രി​ലെ വീ​ട്ടി​ൽ സം​ഘ​ടി​പ്പി​ച്ച അ​നു​സ്മ​ര​ണ​ത്തി​ൽ നി​ര​വ​ധി പ്ര​മു​ഖ​ർ പ​ങ്കെ​ടു​ത്തു. ന​മ്മ​ള്‍ 'ബേ​പ്പൂ​ര്‍' പ​ദ്ധ​തി​യു​ടെ ഭാ​ഗ​മാ​യാ​ണ് അ​നു​സ്മ​ര​ണ​ച്ച​ട​ങ്ങ് ന​ട​ത്തി​യ​ത്. ബ​ഷീ​റി​ന് ബേ​പ്പൂ​രി​ല്‍ സ്മാ​ര​കം നി​ര്‍മി​ക്കു​മെ​ന്ന് പൊ​തു​മ​രാ​മ​ത്ത് ടൂ​റി​സം വ​കു​പ്പ് മ​ന്ത്രി പി.​എ. മു​ഹ​മ്മ​ദ് റി​യാ​സ് പ​റ​ഞ്ഞു. സം​സ്ഥാ​ന​സ​ര്‍ക്കാ​ര്‍ പ്ര​ഖ്യാ​പി​ച്ച ലി​റ്റ​റ​റി സ​ര്‍ക്യൂ​ട്ടി​ല്‍ ഉ​ള്‍പ്പെ​ടു​ത്തി​യാ​ണ് ബ​ഷീ​റി​െൻറ ഓ​ര്‍മ​ക​ള്‍ ഉ​ണ​ര്‍ത്തു​ന്ന കേ​ന്ദ്രം സ്ഥാ​പി​ക്കു​ക. ബ​ഷീ​റി​െൻറ കൃ​തി​ക​ള്‍ എ​ന്നും മ​നു​ഷ്യ​പ​ക്ഷ​ത്താ​ണെ​ന്നും അ​വ ഏ​തു​കാ​ല​ത്തും പ്ര​സ​ക്ത​മാ​ണെ​ന്നും മ​ന്ത്രി പ​റ​ഞ്ഞു.

ഭൂ​മി​യി​ലെ സ​ക​ല ച​രാ​ച​ര​ങ്ങ​ൾ​ക്കും മ​നു​ഷ്യ​നോ​ളം അ​വ​കാ​ശ​മു​ണ്ടെ​ന്ന് ത​െൻറ ര​ച​ന​ക​ളി​ലൂ​ടെ പ​റ​യാ​ൻ ശ്ര​മി​ച്ചു​വെ​ന്ന​താ​ണ് ബ​ഷീ​റി​െൻറ സ​വി​ശേ​ഷ​ത​യെ​ന്ന്​ വി​ശി​ഷ്​​ടാ​തി​ഥി​യാ​യി​രു​ന്ന മി​സോ​റം ഗ​വ​ർ​ണ​ർ അ​ഡ്വ. പി.​എ​സ്. ശ്രീ​ധ​ര​ൻ​പി​ള്ള പ​റ​ഞ്ഞു.

ച​ല​ച്ചി​ത്ര​താ​ര​ങ്ങ​ളാ​യ മ​മ്മൂ​ട്ടി, മ​ഞ്ജു വാ​ര്യ​ര്‍ എ​ന്നി​വ​ര്‍ ബ​ഷീ​റി​െൻറ ക​ഥാ​സ​ന്ദ​ര്‍ഭ​ങ്ങ​ള്‍ വാ​യി​ച്ചു. മ​ര​ണ​ശേ​ഷ​വും എ​ഴു​തി​ക്കൊ​ണ്ടി​രി​ക്കു​ന്ന എ​ഴു​ത്തു​കാ​ര​നാ​ണ് ബ​ഷീ​ര്‍ എ​ന്ന് മ​തി​ലു​ക​ൾ വാ​യി​ച്ച് മ​മ്മൂ​ട്ടി​യും വൈ​ക്കം മു​ഹ​മ്മ​ദ് ബ​ഷീ​റും ചാ​ര്‍ലി ചാ​പ്ലി​നും ഒ​രു​പോ​ലെ​യാ​ണെ​ന്നും കാ​ലം ക​ഴി​യും​തോ​റും അ​വ​രോ​ടും അ​വ​രു​ടെ ക​ലാ​സൃ​ഷ്​​ടി​ക​ളോ​ടു​മു​ള്ള ഇ​ഷ്​​ടം കൂ​ടി​വ​രു​ക​യാ​ണെ​ന്നും ബാ​ല്യ​കാ​ല​സ​ഖി​യി​ലെ വ​രി​ക​ൾ വാ​യി​ച്ചു​കൊ​ണ്ട് മ​ഞ്ജു വാ​ര്യ​രും അ​ഭി​പ്രാ​യ​പ്പെ​ട്ടു. അ​ക്ഷ​ര​മ​റി​യാ​ത്ത മ​നു​ഷ്യ​രു​മാ​യി ത​ന്മ​യീ​ഭ​വി​ക്കാ​നു​ള്ള ആ​ഗ്ര​ഹം ബ​ഷീ​ർ ആ​ഖ്യാ​ന​രീ​തി​ക​ളി​ല്‍ സ്വീ​ക​രി​ച്ചി​ട്ടു​ണ്ടെ​ന്ന് ക​വി കെ. ​സ​ച്ചി​ദാ​ന​ന്ദ​ന്‍ പ​റ​ഞ്ഞു.

എം.​എ​ന്‍. കാ​ര​ശ്ശേ​രി ബ​ഷീ​റി​െൻറ ജീ​വി​ത​ത്തി​ലെ ന​ര്‍മ​മു​ഹൂ​ര്‍ത്ത​ങ്ങ​ള്‍ പ​ങ്കു​വെ​ച്ചു. ബ​ഷീ​റി​െൻറ മ​ക്ക​ളാ​യ ഷാ​ഹി​ന​യും അ​നീ​സും ഓ​ര്‍മ​ക​ള്‍ പ​ങ്കു​വെ​ച്ചു. ബ​ഷീ​റി​െൻറ വ​സ​തി​യി​ലും മ​ന്ത്രി​യു​ടെ​യും കോ​ഴി​ക്കോ​ട് ജി​ല്ല ക​ല​ക്ട​റു​ടെ​യും ഫേ​സ്ബു​ക്ക് പേ​ജി​ലും ഓ​ണ്‍ലൈ​നാ​യും അ​നു​സ്മ​ര​ണം ന​ട​ന്നു.

ച​ട​ങ്ങി​ല്‍ മേ​യ​ര്‍ ഡോ. ​ബീ​ന ഫി​ലി​പ് അ​ധ്യ​ക്ഷ​ത വ​ഹി​ച്ചു. എം.​പി​മാ​രാ​യ എം.​വി. ശ്രേ​യം​സ്കു​മാ​ര്‍, എം.​കെ. രാ​ഘ​വ​ന്‍, ജി​ല്ല ക​ല​ക്ട​ര്‍ സാം​ബ​ശി​വ റാ​വു, കെ.​ജെ. തോ​മ​സ്, കെ.​ആ​ര്‍. പ്ര​മോ​ദ് എ​ന്നി​വ​ര്‍ പ​ങ്കെ​ടു​ത്തു.