Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightBeyporechevron_rightകാലവർഷം കനത്തു;...

കാലവർഷം കനത്തു; ബേപ്പൂരിൽ ഉരു ചരക്കുനീക്കം പ്രതിസന്ധിയിൽ

text_fields
bookmark_border
കാലവർഷം കനത്തു; ബേപ്പൂരിൽ ഉരു ചരക്കുനീക്കം പ്രതിസന്ധിയിൽ
cancel
Listen to this Article

ബേ​പ്പൂ​ർ: കാ​ലാ​വ​സ്ഥ മോ​ശ​മാ​യ​തി​നെ​ത്തു​ട​ർ​ന്ന് ബേ​പ്പൂ​ർ തു​റ​മു​ഖ​ത്തു​നി​ന്ന് ല​ക്ഷ​ദ്വീ​പി​ലേ​ക്കു​ള്ള ച​ര​ക്കു​ക​ൾ ക​യ​റ്റി​യ ഉ​രു​ക്ക​ളു​ടെ യാ​ത്ര പ്ര​തി​സ​ന്ധി​യി​ൽ. ശ​ക്ത​മാ​യ കാ​റ്റും തി​ര​മാ​ല​യു​മു​ള്ള​തി​നാ​ൽ പു​റം​ക​ട​ൽ പ്ര​ക്ഷു​ബ്ധ​മാ​യ​താ​ണ് ച​ര​ക്കു​ക​ൾ ക​യ​റ്റി​യ പ​ത്ത് ഉ​രു​ക്ക​ളു​ടെ യാ​ത്ര മു​ട​ക്കി​യ​ത്. അ​മേ​നി, ആ​ന്ത്രോ​ത്ത്, ക​വ​ര​ത്തി, ക​ട​മ​ത്ത്, ക​ൽ​പേ​നി തു​ട​ങ്ങി​യ ദ്വീ​പു​ക​ളി​ലേ​ക്കു​ള്ള ഉ​രു​ക്ക​ളു​ടെ യാ​ത്ര മു​ട​ങ്ങി​യി​ട്ട് 20 ദി​വ​സ​ത്തോ​ള​മാ​യി. ഓ​രോ ഉ​രു​വി​ലും 250-300 ട​ൺ ച​ര​ക്കു​ക​ൾ പ്ര​കാ​രം മൂ​വാ​യി​ര​ത്തോ​ളം ട​ൺ ച​ര​ക്കു​ക​ളാ​ണ് കെ​ട്ടി​ക്കി​ട​ക്കു​ന്ന​ത്. .

വി​വി​ധ നി​ത്യോ​പ​യോ​ഗ സാ​ധ​ന​ങ്ങ​ളും സി​മ​ൻ​റ്, ക​മ്പി, ഹോ​ളോ​ബ്രി​ക്സ്, ടൈ​ൽ​സ് തു​ട​ങ്ങി​യ നി​ർ​മാ​ണ സാ​മ​ഗ്രി​ക​ളും ഫ​ർ​ണി​ച്ച​ർ, ഹാ​ർ​ഡ്‌​വെ​യ​ർ ഉ​ൽ​പ​ന്ന​ങ്ങ​ൾ ഇ​ല​ക്ട്രി​ക് ജോ​ലി​ക​ൾ​ക്ക് ആ​വ​ശ്യ​മാ​യ വ​സ്തു​ക്ക​ൾ എ​ന്നി​വ​യാ​ണ് ഉ​രു​വി​ലു​ള്ള​ത്. ഉ​രു​ക്ക​ളി​ൽ ക​യ​റ്റേ​ണ്ട പ​ച്ച​ക്ക​റി​ക​ളും, പ​ഴ​വ​ർ​ഗ​ങ്ങ​ളും കേ​ടു​വ​ന്ന് വ​ൻ​ന​ഷ്ടം വ​രാ​ൻ സാ​ധ്യ​ത​യു​ള്ള​തി​നാ​ൽ തി​രി​ച്ചി​റ​ക്കി ദീ​പ് ഭ​ര​ണ​കൂ​ട​ത്തി​​ന്‍റെ ഉ​ട​മ​സ്ഥ​ത​യി​ലു​ള്ള ബാ​ർ​ജു​ക​ളി​ൽ ക​യ​റ്റി അ​യ​ച്ചു. ഉ​രു​വി​ൽ ക​യ​റ്റേ​ണ്ട ക​ന്നു​കാ​ലി​ക​ളെ വാ​ർ​ഫി​ൽ നി​ന്നും പ​റ​മ്പി​ലേ​ക്ക് മാ​റ്റി സു​ര​ക്ഷി​ത​മാ​യി കെ​ട്ടി​യി​ട്ടു.

ദി​വ​സ​ങ്ങ​ൾ​ക്ക് മു​മ്പ് നി​ർ​മാ​ണ സാ​മ​ഗ്രി​ക​ളു​മാ​യി ആ​ന്ത്രോ​ത്ത് ദ്വീ​പി​ലേ​ക്ക് പു​റ​പ്പെ​ട്ട 'എം.​എ​സ്.​വി മ​ല​ബാ​ർ ലൈ​റ്റ്' ഉ​രു കാ​ലാ​വ​സ്ഥ മോ​ശ​മാ​യ​തി​നെ തു​ട​ർ​ന്ന് ശ​ക്ത​മാ​യ കാ​റ്റി​ലും കോ​ളി​ലും പെ​ട്ട് അ​ടി​പ്പ​ല​ക ഇ​ള​കി വെ​ള്ളം ക​യ​റി ബേ​പ്പൂ​രി​ന് ഏ​ഴ് നോ​ട്ടി​ക്ക​ൽ അ​ക​ലെ പു​റം​ക​ട​ലി​ൽ പൂ​ർ​ണ​മാ​യും മു​ങ്ങി​ത്താ​ഴ്ന്നി​രു​ന്നു.

നി​ത്യോ​പ​യോ​ഗ സാ​ധ​ന​ങ്ങ​ളും മ​റ്റും ല​ക്ഷ​ദ്വീ​പി​ൽ യ​ഥാ​സ​മ​യം എ​ത്തി​യി​ല്ലെ​ങ്കി​ൽ ദ്വീ​പ് നി​വാ​സി​ക​ളു​ടെ ജീ​വി​തം ദു​രി​ത​പൂ​ർ​ണ​മാ​കു​മെ​ന്ന ആ​ശ​ങ്ക​യി​ലാ​ണ് അ​ധി​കൃ​ത​ർ. മ​ർ​ക്ക​ന്റ​യി​ൽ മ​റൈ​ൻ വ​കു​പ്പ് ച​ട്ട​പ്ര​കാ​രം മ​ൺ​സൂ​ണി​ൽ മേ​യ് 15 മു​ത​ൽ സെ​പ്റ്റം​ബ​ർ 15 വ​രെ ചെ​റു​കി​ട തു​റ​മു​ഖ​ങ്ങ​ളി​ൽ, വ​ലി​യ ജ​ല​യാ​ന​ങ്ങ​ൾ​ക്ക് യാ​ത്രാ നി​യ​ന്ത്ര​ണ​മാ​ണ്. ഇ​നി​യു​ള്ള നാ​ലു മാ​സ​ക്കാ​ലം ല​ക്ഷ​ദ്വീ​പി​ലേ​ക്ക് യ​ന്ത്ര​വ​ത്​​കൃ​ത ഉ​രു​ക്ക​ളി​ൽ ച​ര​ക്കു​നീ​ക്ക​മു​ണ്ടാ​കി​ല്ല.

നി​ല​വി​ലെ പ്ര​ത്യേ​ക സാ​ഹ​ച​ര്യ​ത്തി​ൽ കാ​ലാ​വ​സ്ഥ അ​നു​യോ​ജ്യ​മാ​യാ​ൽ തു​റ​മു​ഖ വ​കു​പ്പി​ൽ നി​ന്നു​ള്ള പ്ര​ത്യേ​ക അ​നു​മ​തി​യോ​ടെ​യാ​കും ച​ര​ക്കു​ക​ൾ ക​യ​റ്റി തു​റ​മു​ഖ​ത്ത് കു​ടു​ങ്ങി​ക്കി​ട​ക്കു​ന്ന ഉ​രു​ക്ക​ൾ ദ്വീ​പി​ലേ​ക്ക് പു​റ​പ്പെ​ടു​ക.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:BeyporeFreight crisis
News Summary - Freight crisis in Beypore
Next Story