ബേപ്പൂർ–ചാലിയം ജങ്കാർ സർവിസ് പുനരാരംഭിച്ചു

ബേ​പ്പൂ​ർ: നാ​ല് മാ​സ​ത്തോ​ളം നി​ർ​ത്തി​വെ​ച്ച ബേ​പ്പൂ​ർ-​ചാ​ലി​യം ജ​ങ്കാ​ർ സ​ർ​വി​സ് പു​ന​രാ​രം​ഭി​ച്ചു. കോ​വി​ഡ് വ്യാ​പ​ന ഭീ​തി​യും ശ​ക്ത​മാ​യ തി​ര​യി​ള​ക്ക​വും കാ​ര​ണം ​േമ​യി​ൽ നി​ർ​ത്തി​വെ​ച്ച സ​ർ​വി​സ് വ്യാ​ഴാ​ഴ്ച​യാ​ണ് പു​ന​രാ​രം​ഭി​ച്ച​ത്.

ക​ട​ൽ​ക്ഷോ​ഭ​ത്തി​ൽ ജ​ങ്കാ​ർ ജെ​ട്ടി​യും താ​ൽ​ക്കാ​ലി​ക ടി​ക്ക​റ്റ് കൗ​ണ്ട​റും ഭാ​ഗി​ക​മാ​യി ത​ക​രു​ക​യും കാ​ത്തി​രി​പ്പ് കേ​ന്ദ്ര​ത്തി​ലെ യാ​ത്ര​ക്കാ​ർ വി​ശ്ര​മി​ച്ചി​രു​ന്ന മ​ര​ത്ത​ടി​ക​ളും മ​റ്റും ഒ​ലി​ച്ചു​പോ​വു​ക​യും ചെ​യ്തി​രു​ന്നു. ത​ക​ർ​ന്ന ജെ​ട്ടി​ക്ക​ടി​യി​ൽ ക​രി​ങ്ക​ല്ലു​ക​ൾ നി​റ​ച്ച് വീ​ണ്ടും കോ​ൺ​ക്രീ​റ്റ് പ്ലാ​റ്റ്ഫോം നി​ർ​മി​ച്ച​തി​ന് ശേ​ഷ​മാ​ണ് സ​ർ​വി​സ് പു​ന​രാ​രം​ഭി​ച്ച​ത്.

ചാ​ലി​യം-​ബേ​പ്പൂ​ർ ഭാ​ഗ​ങ്ങ​ളി​ലെ താ​മ​സ​ക്കാ​ർ​ക്കും ബേ​പ്പൂ​ർ മ​ത്സ്യ​ബ​ന്ധ​ന തു​റ​മു​ഖ​ത്തും ചാ​ലി​യം ഫി​ഷ് ലാ​ൻ​ഡി​ങ് സെ​ന്‍റ​റി​ലും മ​ത്സ്യം വാ​ങ്ങാ​ൻ വ​രു​ന്ന ചെ​റു​കി​ട ക​ച്ച​വ​ട​ക്കാ​ർ​ക്കും പൊ​തു​ജ​ന​ങ്ങ​ൾ​ക്കും ജ​ങ്കാ​ർ സ​ർ​വി​സ് വ​ലി​യ ആ​ശ്വാ​സ​മാ​യി. ഇ​തു​വ​ഴി പോ​കു​ന്ന അ​ന്ത​ർ ജി​ല്ല വാ​ഹ​ന​ങ്ങ​ൾ​ക്കും ജ​ങ്കാ​റി‍െൻറ അ​ഭാ​വം കാ​ര​ണം യാ​ത്രാ​ദു​രി​ത​വും സ​മ​യ​ന​ഷ്​​ട​വും ഉ​ണ്ടാ​യി​രു​ന്നു. കോ​ഴി​ക്കോ​ട് ടൗ​ൺ, മാ​ത്തോ​ട്ടം, അ​ര​ക്കി​ണ​ർ, ന​ടു​വ​ട്ടം, മാ​റാ​ട്, ബേ​പ്പൂ​ർ തു​ട​ങ്ങി​യ പ്ര​ദേ​ശ​ങ്ങ​ളി​ലു​ള്ള​വ​ർ​ക്ക് ക​രു​വ​ൻ​തി​രു​ത്തി, ചാ​ലി​യം, ചെ​ട്ടി​പ്പ​ടി,താ​നൂ​ർ, പൊ​ന്നാ​നി ഭാ​ഗ​ങ്ങ​ളി​ലേ​ക്ക് എ​ളു​പ്പ​ത്തി​ൽ എ​ത്തി​പ്പെ​ടാ​നു​ള്ള മാ​ർ​ഗ​മാ​ണ് ജ​ങ്കാ​ർ സ​ർ​വി​സ്. സാ​ധാ​ര​ണ ദി​വ​സ​ങ്ങ​ളി​ൽ ആ​യി​ര​ത്തി​ൽ​പ​രം യാ​ത്ര​ക്കാ​രും നൂ​റു ക​ണ​ക്കി​ന് വാ​ഹ​ന​ങ്ങ​ളും ജ​ങ്കാ​ർ വ​ഴി യാ​ത്ര ചെ​യ്യു​ന്നു​ണ്ട്.

സ​ർ​വി​സ് നി​ർ​ത്തി​യ​പ്പോ​ൾ ഇ​തു​വ​ഴി​യു​ള്ള അ​ന്ത​ർ​സം​സ്ഥാ​ന വാ​ഹ​ന യാ​ത്ര​ക്കാ​ർ​ക്കും നാ​ട്ടു​കാ​ർ​ക്കും മ​റു​ക​ര​യി​ൽ എ​ത്ത​ണ​മെ​ങ്കി​ൽ ഫ​റോ​ക്ക് വ​ഴി ഒ​ന്ന​ര​മ​ണി​ക്കൂ​റോ​ളം അ​ധി​ക​ദൂ​രം യാ​ത്ര ചെ​യ്യേ​ണ്ടി​വ​ന്നി​രു​ന്നു.

ബേപ്പൂർ-ചാലിയം ജങ്കാർ സർവിസ് പുനരാരംഭിച്ചപ്പോൾ