ബീ​ച്ച് ആ​ശു​പ​ത്രി: പു​തി​യ ഒ.​പി ടോ​ക്ക​ൺ കൗ​ണ്ട​ർ തു​റ​ന്നു; ഇ.​എ​ൻ.​ടി​യി​ൽ ടോ​ക്ക​ൺ ല​ഭി​ക്കാ​തെ വാ​ക്കേ​റ്റം

കോ​ഴി​ക്കോ​ട്: ജി​ല്ല ജ​ന​റ​ൽ (ബീ​ച്ച്) ആ​ശു​പ​ത്രി​യി​ൽ പു​തി​യ ഒ.​പി.​ഡി ട്രാ​ൻ​സ്ഫോ​ർ​മേ​ഷ​ൻ ബ്ലോ​ക്കി​ൽ ഒ.​പി ടി​ക്ക​റ്റ് കൗ​ണ്ട​ർ പ്ര​വ​ർ​ത്ത​നം ആ​രം​ഭി​ച്ചു. ക​ണ്ണ്, ഇ.​എ​ൻ.​ടി, കു​ട്ടി​ക​ളു​ടെ വി​ഭാ​ഗ​ത്തി​ലേ​ക്കു​ള്ള ഒ.​പി ടി​ക്ക​റ്റു​ക​ളാ​ണ് ഇ​വി​ടെ വി​ത​ര​ണം ചെ​യ്യു​ന്ന​ത്.

എ​ന്നാ​ൽ, തി​ങ്ക​ളാ​ഴ്ച ഇ.​എ​ൻ.​ടി വി​ഭാ​ഗ​ത്തി​ൽ ഒ.​പി ടോ​ക്ക​ൺ പ​രി​മി​ത​പ്പെ​ടു​ത്തി​യ​ത് ഒ.​പി ടി​ക്ക​റ്റ് കൗ​ണ്ട​റി​ൽ രോ​ഗി​ക​ളും ജീ​വ​ന​ക്കാ​രും ത​മ്മി​ൽ വാ​ക്കേ​റ്റ​ത്തി​ന് ഇ​ട​യാ​ക്കി. ആ​വ​ശ്യ​ത്തി​ന് ഡോ​ക്ട​ർ​മാ​രി​ല്ലാ​ത്ത​തി​നാ​ലാ​ണ് ടോ​ക്ക​ൺ പ​രി​മി​ത​പ്പെ​ടു​ത്തി​യ​തെ​ന്നാ​ണ് ആ​ശു​പ​ത്രി അ​ധി​കൃ​ത​രു​ടെ വി​ശ​ദീ​ക​ര​ണം.

ഇ.​എ​ൻ.​ടി വി​ഭാ​ഗ​ത്തി​ൽ നാ​ലു ഡോ​ക്ട​ർ​മാ​രാ​ണ് ബീ​ച്ച് ആ​ശു​പ​ത്രി​യി​ൽ ഉ​ണ്ടാ​യി​രു​ന്ന​ത്. ഇ​തി​ൽ ഒ​രാ​ൾ ക​ഴി​ഞ്ഞ ജൂ​ണി​ൽ സ്ഥ​ലം മാ​റി​പ്പോ​യി.

പ​ക​രം ഇ​തു​വ​രെ ഡോ​ക്ട​റെ നി​യ​മി​ച്ചി​ട്ടി​ല്ല. അ​തി​നാ​ൽ മൂ​ന്നു​പേ​ർ മാ​ത്ര​മാ​ണു​ള്ള​ത്. ഒ​രാ​ൾ തി​ങ്ക​ളാ​ഴ്ച ലീ​വാ​യി​രു​ന്നു. ഒ​രാ​ൾ​ക്ക് ഓ​പ​റേ​ഷ​ൻ തി​യ​റ്റ​റി​ലാ​യി​രു​ന്നു ചു​മ​ത​ല. ഒ​രു ഡോ​ക്ട​ർ മാ​ത്ര​മാ​ണ് ഒ.​പി​യി​ൽ രോ​ഗി​ക​ളെ പ​രി​ശോ​ധി​ക്കാ​ൻ ഉ​ണ്ടാ​യി​രു​ന്ന​ത്. അ​തി​നാ​ൽ 120 ഒ.​പി ടി​ക്ക​റ്റ് മാ​ത്ര​മേ അ​നു​വ​ദി​ക്കൂ​വെ​ന്ന് നേ​ര​ത്തെ ത​ന്നെ ടോ​ക്ക​ൺ കൗ​ണ്ട​റി​ൽ ബോ​ർ​ഡ് വെ​ച്ചി​രു​ന്നു. 11 മ​ണി​യോ​ടെ 120 ടോ​ക്ക​ണും തീ​ർ​ന്നു.

ഇ​തോ​ടെ ബോ​ർ​ഡി​ന് താ​ഴെ ടോ​ക്ക​ൺ തീ​ർ​ന്നു​വെ​ന്ന് കൂ​ടി എ​ഴു​തി​വെ​ച്ചു. തു​ട​ർ​ചി​കി​ത്സ​ക്ക് എ​ത്തി​യ​വ​ർ ഇ​ത്ത​ര​ത്തി​ൽ ടോ​ക്ക​ൺ ല​ഭി​ക്കാ​തെ മ​ട​ങ്ങു​ന്ന അ​വ​സ്ഥ​യു​ണ്ടാ​യി. മ​ണി​ക്കൂ​റു​ക​ൾ വ​രി​നി​ന്ന് ടോ​ക്ക​ൺ കൗ​ണ്ട​റി​ന് സ​മീ​പം എ​ത്തി​യ​പ്പോ​ൾ ടോ​ക്ക​ൺ ഇ​ല്ലെ​ന്ന് അ​റി​യി​ച്ച​തോ​ടെ രോ​ഗി​ക​ളി​ൽ പ​ല​രും ക്ഷു​ഭി​ത​രാ​യി.

ടോ​ക്ക​ൺ കൗ​ണ്ട​റി​ൽ ഇ​രി​ക്കു​ന്ന​വ​രോ​ടും സു​ര​ക്ഷ ജീ​വ​ന​ക്കാ​രോ​ടും രോ​ഗി​ക​ൾ വാ​ക്ത​ർ​ക്ക​ത്തി​ലേ​ർ​പ്പെ​ട്ടു. ഒ.​പി​യി​ലെ പ​രി​ശോ​ധ​ന ഉ​ച്ച​ക്ക് ഒ​രു​മ​ണി​യോ​ടെ​യാ​ണ് പൂ​ർ​ത്തി​യാ​യ​ത്. ഇ​തി​ന് ശേ​ഷ​മാ​ണ് വാ​ർ​ഡു​ക​ളി​ൽ ചി​കി​ത്സ​യി​ൽ ക​ഴി​യു​ന്ന​വ​രു​ടെ പ​രി​ശോ​ധ​ന ന​ട​ത്തി​യ​തെ​ന്നും അ​ധി​കൃ​ത​ർ പ​റ​ഞ്ഞു.

മൂ​ന്നു ഇ.​എ​ൻ.​ടി ഡോ​ക്ട​ർ​മാ​രി​ൽ ഒ​രാ​ൾ അ​വ​ധി​യാ​വു​ന്ന ദി​വ​സ​ങ്ങ​ളി​ലെ​ല്ലാം സ​മാ​ന അ​വ​സ്ഥ​യാ​ണെ​ന്ന് രോ​ഗി​ക​ൾ പ​റ​യു​ന്നു. ഡോ​ക്ട​ർ​മാ​രു​ടെ ഒ​ഴി​വ് നി​ക​ത്തി സാ​ധാ​ര​ണ​ക്കാ​രാ​യ ജ​ന​ങ്ങ​ൾ​ക്ക് ചി​കി​ത്സ ഉ​റ​പ്പാ​ക്ക​ണ​മെ​ന്ന് നാ​ട്ടു​കാ​രു​ടെ ആ​വ​ശ്യം. ഒ.​പി.​ഡി ട്രാ​ൻ​സ്ഫോ​ർ​മേ​ഷ​ൻ ബ്ലോ​ക്ക് ഉ​ദ്ഘാ​ട​നം ക​ഴി​ഞ്ഞ് ഒ​രു​വ​ർ​ഷം ക​ഴി​ഞ്ഞി​ട്ടും ഒ.​പി കൗ​ണ്ട​ർ പ്ര​വ​ർ​ത്ത​നം ആ​രം​ഭി​ക്കാ​ത്ത​ത് വി​മ​ർ​ശ​ന​ത്തി​ന് ഇ​ട​യാ​ക്കി​യി​രു​ന്നു.

രോ​ഗി​ക​ളു​ടെ വ​രി ആ​ശു​പ​ത്രി കോ​മ്പൗ​ണ്ടും ക​ട​ന്ന് റോ​ഡി​ലേ​ക്ക് നീ​ളു​ന്ന​ത് പ​തി​വാ​യി​ട്ടും പ​രി​ഹാ​രം ക​ണ്ടെ​ത്താ​ത്ത​തി​നെ​ത്തു​ട​ർ​ന്ന് ജി​ല്ല ലീ​ഗ​ൽ സ​ർ​വി​സ് അ​തോ​റി​റ്റി ഇ​ട​പെ​ട്ടി​രു​ന്നു. ഒ.​പി.​ഡി ട്രാ​ൻ​സ്ഫോ​ർ​മേ​ഷ​ൻ ബ്ലോ​ക്കി​ൽ ഒ​രാ​ഴ്‌​ച​ക്ക​കം ഇ-​ഹെ​ൽ​ത്ത് കൗ​ണ്ട​ർ കൂ​ടി സ​ജ്ജീ​ക​രി​ക്കു​മെ​ന്ന് അ​ധി​കൃ​ത​ർ അ​റി​യി​ച്ചു.