ബീച്ച് ആശുപത്രി; കപ്പിനും ചുണ്ടിനുമിടെ ഫണ്ട് തെറിച്ചു, ചളിക്കുണ്ടിൽനിന്ന് മോചനമില്ല

കോ​ഴി​ക്കോ​ട്: ക​പ്പി​നും ചു​ണ്ടി​നു​മി​ട​യി​ൽ ഫ​ണ്ട് തെ​റി​ച്ച​തോ​​ടെ കോ​ഴി​ക്കോ​ട് ജ​ന​റ​ൽ (ബീ​ച്ച്) ആ​ശു​പ​ത്രി വ​ള​പ്പി​ലെ റോ​ഡ് ന​വീ​ക​ര​ണം വീ​ണ്ടും അ​നി​ശ്ചി​ത​ത്വ​ത്തി​ൽ. ഏ​ഴു വ​ർ​ഷ​ത്തി​ല​ധി​ക​മാ​യി ആ​ശു​പ​ത്രി അ​ധി​കൃ​ത​രു​ടെ​യും ജ​ന​ങ്ങ​ളു​ടെ​യും പ​രാ​തി​ക്കൊ​ടു​വി​ൽ എം.​എ​ൽ.​എ ഫ​ണ്ടി​ൽ നി​ന്ന് ഒ​രു കോ​ടി രൂ​പ ചെ​ല​വ​ഴി​ച്ച് റോ​ഡ് പു​ന​ർ​നി​ർ​മി​ക്കാ​നാ​യി​രു​ന്നു തീ​രു​മാ​നം.

എ​ന്നാ​ൽ പ​ദ്ധ​തി അം​ഗീ​കാ​ര​ത്തി​നാ​യി സ​മ​ർ​പ്പി​ച്ച​പ്പോ​ൾ ക​ഥ മാ​റി ഫ​ണ്ട് ആ​വി​യാ​യി. മു​ഖ്യ​മ​ന്ത്രി​യു​ടെ ന​വ കേ​ര​ള സ​ദ​സ്സി​ൽ എം.​എ​ൽ.​എ തോ​ട്ട​ത്തി​ൽ ര​വീ​ന്ദ്ര​ന് അ​നു​വ​ദി​ച്ച ഏ​ഴു കോ​ടി രൂ​പ​യി​ൽ​നി​ന്നാ​യി​രു​ന്നു റോ​ഡി​ന് ഫ​ണ്ട് വ​ക​യി​രു​ത്തി​യ​ത്. അ​വ​സാ​ന നി​മി​ഷം ഈ ​ഫ​ണ്ട് റോ​ഡി​ന് വി​നി​യോ​ഗി​ക്കാ​ൻ ക​ഴി​യി​ല്ലെ​ന്ന് എം.​എ​ൽ.​എ അ​റി​യി​ച്ച​തോ​ടെ റോ​ഡ് ന​വീ​ക​ര​ണം അ​നി​ശ്ചി​ത​ത്വ​ത്തി​ലാ​യി. ആ​ശു​പ​ത്രി​യു​ടെ ഒ.​പി കൗ​ണ്ട​റി​ൽ എ​ത്ത​ണ​മെ​ങ്കി​ൽ ഈ ​റോ​ഡി​ലെ ച​ളി​യും വെ​ള്ള​വും നീ​ന്ത​ണം.

റോ​ഡ് ഏ​താ​ണെ​ന്ന് തി​രി​ച്ച​റി​യാ​ത്ത വി​ധം ത​ക​ർ​ന്നി​രി​ക്കു​ക​യാ​ണ്. രോ​ഗി​ക​ൾ​ക്ക് കാ​ൽ​ന​ട​യാ​യോ വാ​ഹ​ന​ത്തി​ലൂ​ടെ​യോ സ​ഞ്ച​രി​ക്കാ​ൻ ക​ഴി​യാ​ത്ത വി​ധം ത​ക​ർ​ന്നി​രി​ക്കു​ക​യാ​ണ് റോ​ഡ്. നേ​ര​ത്തെ നി​ര​വ​ധി ത​വ​ണ ഓ​ട നി​റ​ഞ്ഞു​ക​വി​ഞ്ഞ് ഇ​വി​ടെ വെ​ള്ളം പൊ​ങ്ങി​യി​രു​ന്നു. ഇ.​എ​ൻ.​ടി, നേ​ത്ര​രോ​ഗ വി​ഭാ​ഗം ഒ.​പി, മോ​ർ​ച്ച​റി എ​ന്നി​വി​ട​ങ്ങ​ളി​ലേ​ക്കു​ള്ള വ​ഴി​യും ഈ ​റോ​ഡാ​ണ്. ന​വ കേ​ര​ള ഫ​ണ്ട് ര​ണ്ട് പ​ദ്ധ​തി​ക​ൾ​ക്കാ​യി വി​നി​യോ​ഗി​ക്ക​ണ​മെ​ന്ന് നി​ർ​ദേ​ശം വ​ന്ന​തോ​ടെ​യു​ള്ള സാ​ങ്കേ​തി​ക പ്ര​ശ്ന​മാ​ണ് റോ​ഡ് ന​വീ​ക​ര​ണം മു​ട​ങ്ങാ​നി​ട​യാ​ക്കി​യ​തെ​ന്ന് എം.​എ​ൽ.​എ അ​റി​യി​ച്ചു.

ഏ​ഴു കോ​ടി​യി​ൽ നാ​ല​ര​ക്കോ​ടി രൂ​പ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​നും ര​ണ്ട​ര കോ​ടി രൂ​പ ക​ട​ൽ ക്ഷോ​ഭം രൂ​ക്ഷ​മാ​യ ഇ​ട​ങ്ങ​ളി​ൽ ക​ട​ൽ ഭി​ത്തി നി​ർ​മി​ക്കാ​നും അ​നു​വ​ദി​ച്ച​താ​യും അ​ദ്ദേ​ഹം പ​റ​ഞ്ഞു. ബീ​ച്ച് ആ​ശു​പ​ത്രി റോ​ഡി​ന് മ​റ്റേ​തെ​ങ്കി​ലും പ​ദ്ധ​തി​യി​ൽ ഉ​ൾ​പ്പെ​ടു​ത്തി ഫ​ണ്ട് ല​ഭ്യ​മാ​ക്കു​മെ​ന്നും അ​ദ്ദേ​ഹം പ​റ​ഞ്ഞു. ബീ​ച്ച് ആ​ശു​പ​ത്രി വ​ള​പ്പി​ൽ സാ​മൂ​ഹി​ക വി​രു​ദ്ധ​രു​ടെ ശ​ല്ല്യ​ത്തി​നി​ട​യാ​ക്കു​ന്ന ഒ.​എ​സ്.​ടി ക്ലി​നി​ക്ക് മാ​റ്റി സ്ഥാ​പി​ക്കാ​നും ഇ​തു​വ​രെ തീ​രു​മാ​ന​മാ​യി​ട്ടി​ല്ല.