നടപ്പാതയിലെ ബാരിക്കേഡ്; ഭിന്നശേഷി കമീഷനും മനുഷ്യാവകാശ കമീഷനും കേസെടുത്തു

കോ​ഴി​ക്കോ​ട്: മാ​വൂ​ർ റോ​ഡി​ലെ ന​ട​പ്പാ​ത​യി​ലു​ള്ള സി​മ​ന്‍റ് ബാ​രി​ക്കേ​ഡു​ക​ൾ വീ​ൽ​ചെ​യ​റി​ൽ സ​ഞ്ച​രി​ക്കു​ന്ന ഭി​ന്ന​ശേ​ഷി​ക്കാ​രു​ടെ സ​ഞ്ചാ​ര സ്വാ​ത​ന്ത്ര്യം ത​ട​യു​ന്നു​വെ​ന്ന പ​രാ​തി​യി​ൽ ഭി​ന്ന​ശേ​ഷി ക​മീ​ഷ​ണ​ർ സ്വ​മേ​ധ​യാ കേ​സെ​ടു​ത്തു. പ​രാ​തി ല​ഭി​ച്ച​തി​നെ​ത്തു​ട​ർ​ന്ന് കേ​സെ​ടു​ത്ത​താ​യി ഭി​ന്ന​ശേ​ഷി ക​മീ​ഷ​നും അ​റി​യി​ച്ചു.

ബാ​രി​ക്കേ​ഡു​ക​ൾ ഉ​ട​ൻ നീ​ക്കം ചെ​യ്യ​ണ​മെ​ന്നാ​വ​ശ്യ​പ്പെ​ട്ട് കോ​ഴി​ക്കോ​ട് കോ​ർ​പ​റേ​ഷ​ന് ഉ​ട​ൻ നോ​ട്ടീ​സ് അ​യ​ക്കു​മെ​ന്നും ക​മീ​ഷ​ണ​ർ എ​സ്.​എ​ച്ച്. പ​ഞ്ച​ബ​കേ​ശ​ൻ അ​റി​യി​ച്ചു. ഇ​ത്ത​രം മാ​ർ​ഗ​ത​ട​സ്സ​ങ്ങ​ളു​ണ്ടെ​ങ്കി​ൽ അ​ത് നീ​ക്കം ചെ​യ്യ​ണ​മെ​ന്നാ​വ​ശ്യ​പ്പെ​ട്ട് സം​സ്ഥാ​ന​ത്തെ മ​റ്റു കോ​ർ​പ​റേ​ഷ​ൻ സെ​ക്ര​ട്ട​റി​മാ​ർ​ക്കും നോ​ട്ടീ​സ് അ​യ​ക്കു​മെ​ന്നും അ​ദ്ദേ​ഹം പ​റ​ഞ്ഞു. വി​ഷ​യ​ത്തി​ൽ മ​നു​ഷ്യാ​വ​കാ​ശ ക​മീ​ഷ​ൻ ജി​ല്ല ക​ല​ക്ട​റി​ൽ​നി​ന്ന് റി​പ്പോ​ർ​ട്ട് ആ​വ​ശ്യ​പ്പെ​ട്ടി​ട്ടു​ണ്ട്.

15 ദി​വ​സ​ത്തി​ന​കം റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ക​മീ​ഷ​ൻ ജു​ഡീ​ഷ്യ​ൽ അം​ഗം കെ. ​ബൈ​ജു​നാ​ഥ് ആ​വ​ശ്യ​പ്പെ​ട്ടു. ജൂ​ലൈ 14ന് ​ക​ല​ക്ട​റേ​റ്റ് കോ​ൺ​ഫ​റ​ൻ​സ് ഹാ​ളി​ൽ ന​ട​ക്കു​ന്ന സി​റ്റി​ങ്ങി​ൽ കേ​സ് പ​രി​ഗ​ണി​ക്കു​മെ​ന്നും മ​നു​ഷ്യാ​വ​കാ​ശ ക​മീ​ഷ​ൻ അ​റി​യി​ച്ചു. ‘മാ​ധ്യ​മം’ വാ​ർ​ത്ത​യു​ടെ അ​ടി​സ്ഥാ​ന​ത്തി​ൽ സ്വ​മേ​ധ​യാ ര​ജി​സ്റ്റ​ർ ചെ​യ്ത കേ​സി​ലാ​ണ് ക​മീ​ഷ​ന​ക​ൾ ന​ട​പ​ടി​ക​ളെ​ടു​ത്തി​രി​ക്കു​ന്ന​ത്.

ച​ക്ര​ക്ക​സേ​ര​യി​ൽ സ​ഞ്ച​രി​ക്കു​ന്ന​വ​ർ ബാ​രി​ക്കേ​ഡി​ന് മു​ന്നി​ലെ​ത്തു​മ്പോ​ൾ നാ​ട്ടു​കാ​ർ ചു​മ​ന്ന് ബാ​രി​ക്കേ​ഡി​ന് അ​പ്പു​റ​ത്തെ​ത്തി​ക്കു​ക​യാ​ണ് ചെ​യ്യു​ന്ന​തെ​ന്ന് മ​നു​ഷ്യാ​വ​കാ​ശ ക​മീ​ഷ​ൻ ചൂ​ണ്ടി​ക്കാ​ട്ടി. കെ.​എ​സ്.​ആ​ർ.​ടി.​സി, മൊ​ഫ്യൂ​സി​ൽ ബ​സ് സ്റ്റാ​ൻ​ഡു​ക​ൾ സ്ഥി​തി​ചെ​യ്യു​ന്ന, ന​ഗ​ര​ത്തി​ലെ ഏ​റ്റ​വും തി​ര​ക്കേ​റി​യ പാ​ത​യി​ലെ ന​ട​പ്പാ​ത​യി​ലെ ബാ​രി​ക്കേ​ഡു​ക​ൾ ഭി​ന്ന​ശേ​ഷി​ക്കാ​രു​ടെ യാ​ത്ര ദു​രി​ത​ത്തി​ലാ​ക്കു​ന്ന​ത് ചൂ​ണ്ടി​ക്കാ​ട്ടി നൗ​ഷാ​ദ് തെ​ക്ക​യി​ൽ ജി​ല്ല ലീ​ഗ​ൽ സ​ർ​വി​സ് അ​തോ​റി​റ്റി​ക്ക് ക​ത്ത​യ​ച്ചി​രു​ന്നു.