മരച്ചക്ക് മാത്രമല്ല കാളയും തിരിച്ചുവരവിനൊരുങ്ങി

ബാ​ലു​ശ്ശേ​രി: ‘ച​ക്കി​ന് കെ​ട്ടി​യ മൂ​രി’​പോ​ലെ​യെ​ന്ന പ​ഴ​മൊ​ഴി​യി​ലെ പൊ​രു​ൾ പു​തു​ത​ല​മു​റ​ക്ക് പെ​ട്ടെ​ന്ന് മ​ന​സ്സി​ലാ​കാ​താ​യ കാ​ല​ത്ത് ച​ക്കും കാ​ള​യും ജി​ല്ല​യി​ൽ ചി​ല ഭാ​ഗ​ത്തെ​ങ്കി​ലും തി​രി​ച്ചു​വ​ര​വി​ലാ​ണ്. മ​ര​ച്ച​ക്കി​ലാ​ട്ടി​യ എ​ണ്ണ​ക്കും വെ​ളി​ച്ചെ​ണ്ണ​ക്കും ആ​വ​ശ്യ​ക്കാ​ർ ഏ​റെ​യാ​ണി​പ്പോ​ൾ. മോ​ട്ടോ​റി​നു​പ​ക​രം കാ​ള​യെ ഉ​പ​യോ​ഗി​ച്ചു തു​ട​ങ്ങി​യി​രി​ക്ക​യാ​ണ് ഈ ​മേ​ഖ​ല​യി​ലു​ള്ള​വ​ർ. വൈ​ദ്യു​തി​ലാ​ഭ​ത്തി​നൊ​പ്പം ചാ​ണ​ക​വും മൂ​ത്ര​വു​മെ​ല്ലാം ഉ​പ​യോ​ഗി​ക്കാ​നാ​കു​മെ​ന്ന​താ​ണ് മേ​ൻ​മ.

അ​ത്തോ​ളി ന​മ്പു​കു​ടി​യി​ൽ അ​ക്ഷ​യ് ആ​ണ് ശു​ദ്ധ​മാ​യ എ​ണ്ണ​ക​ൾ​ക്കാ​യി ഇ​ക്കാ​ല​ത്തും ച​ക്കി​ലാ​ട്ടി എ​ണ്ണ ഉ​ൽ​പാ​ദി​പ്പി​ക്കാ​നു​ള്ള സം​രം​ഭ​വു​മാ​യി ഇ​റ​ങ്ങി​പ്പു​റ​പ്പെ​ട്ട​ത്. ബാ​ലു​ശ്ശേ​രി പ​നാ​യി​യി​ൽ ഒ​റ്റ​ക്കാ​ള വ​ലി​ക്കു​ന്ന മ​ര​ച്ച​ക്കി​ലാ​ട്ടി​യ ശു​ദ്ധ​മാ​യ എ​ണ്ണ​യും വെ​ളി​ച്ചെ​ണ്ണ​യു​മൊ​ക്കെ ഇ​നി അ​ക്ഷ​യി​ന്റെ​ത​ന്നെ സ്വ​ന്തം ഔ​ട്ട്ല​റ്റി​ലൂ​ടെ ഉ​പ​ഭോ​ക്താ​ക്ക​ൾ​ക്കാ​യി റെ​ഡി. പ​ര​മ്പ​രാ​ഗ​ത കൈ​ത്തൊ​ഴി​ൽ മേ​ഖ​ല​യി​ലേ​ക്ക് പു​തു​ത​ല​മു​റ​യി​ൽ ചി​ല​രെ​ങ്കി​ലും ചേ​ക്കേ​റു​ന്ന​തി​ന്റെ സൂ​ച​ന​യാ​ണ് അ​ക്ഷ​യി​ന്റെ തീ​രു​മാ​നം. അ​ക്ഷ​യ് ച​ക്കി​ലാ​ട്ടു​ന്ന​തി​നാ​യി കാ​ൺ​ഗ്ര​ജ് ഇ​ന​ത്തി​ൽ​പ്പെ​ട്ട മൂ​ന്നു കാ​ള​ക​ളെ​യാ​ണ് ഒ​രു​ക്കി​യ​ത്. ര​ണ്ട​ര മ​ണി​ക്കൂ​റാ​ണ് ഒ​രു​നേ​രം ഒ​രു കാ​ള ച​ക്കി​ൽ തി​രി​യു​ക. ദി​വ​സം ര​ണ്ടു കാ​ള​ക​ളെ​യാ​ണ് മാ​റി മാ​റി ഉ​പ​യോ​ഗി​ക്കു​ന്ന​ത്. പ​നാ​യി​യി​ലെ സം​സ്ഥാ​ന പാ​ത​യോ​ര​ത്ത് വാ​ട​ക​ക്കെ​ടു​ത്ത പ​റ​മ്പി​ൽ വൃ​ത്താ​കൃ​തി​യി​ൽ പ്ര​ത്യേ​കം മ​ണ്ണി​ട്ടു​യ​ർ​ത്തി​യ സ്ഥ​ല​ത്താ​ണ് മ​ര​ച്ച​ക്ക് സ്ഥാ​പി​ച്ച​ത്. എ​ണ്ണ​യാ​ട്ടാ​നാ​വ​ശ്യ​മാ​യ കൊ​പ്ര​യും എ​ള്ളു​മൊ​ക്കെ വി​ല കൊ​ടു​ത്തു വാ​ങ്ങു​ക​യാ​ണ്. ദി​വ​സം മു​ഴു​വ​ൻ ആ​ട്ടി​യാ​ൽ 30 ലി​റ്റ​റോ​ളം എ​ണ്ണ ല​ഭി​ക്കും. അ​തു​കൊ​ണ്ടു​ത​ന്നെ ഈ ​എ​ണ്ണ​ക്ക് വി​ല അ​ൽ​പം കൂ​ടു​ത​ലു​മാ​ണ്. വെ​ള്ളി​ച്ചെ​ണ്ണ​ക്ക് ലി​റ്റ​റി​ന് 400 രൂ​പ​യോ​ള​മു​ണ്ട്. എ​ണ്ണ​ക്ക് 800 രൂ​പ​യും. ക​ടു​ക്, ക​ട​ല, ബ​ദാം എ​ന്നി​വ​യും ച​ക്കി​ലാ​ട്ടി എ​ണ്ണ​യാ​ക്കി​ക്കൊ​ടു​ക്കു​ന്നു​ണ്ട്. മ​ര​ച്ച​ക്കി​ലാ​ട്ടി​യെ​ടു​ക്കു​മ്പോ​ൾ എ​ണ്ണ ചൂ​ടാ​കാ​ത്ത​തി​നാ​ൽ ഇ​വ​യു​ടെ സ്വാ​ഭാ​വി​ക ഗ​ന്ധം ന​ഷ്ട​മാ​കു​ന്നി​ല്ലെ​ന്ന് അ​ക്ഷ​യ് പ​റ​ഞ്ഞു.

80 നാ​ട​ൻ പ​ശു​ക്ക​ളെ​യും അ​ക്ഷ​യ് വ​ള​ർ​ത്തു​ന്നു​ണ്ട്. ച​ക്കി​ൽ​നി​ന്നും ആ​ട്ടി​ക്ക​ഴി​ഞ്ഞ​തി​നു​ശേ​ഷം കി​ട്ടു​ന്ന കൊ​പ്ര​പ്പി​ണ്ണാ​ക്കും എ​ള്ളി​ൻ​പി​ണ്ണാ​ക്കും ക​ട​ല​പ്പി​ണ്ണാ​ക്കു​മാ​ണ് കാ​ലി​ത്തീ​റ്റ​ക്ക് പ​ക​ര​മാ​യി പ​ശു​ക്ക​ൾ​ക്ക് കൊ​ടു​ക്കു​ന്ന​ത്. ഫാ​മി​ലെ കാ​ലി​ക​ളു​ടെ എ​ണ്ണം​കൂ​ടി​യ​പ്പോ​ൾ അ​വ​യി​ലെ കാ​ള​ക​ളെ​യാ​ണ് മ​ര​ച്ച​ക്ക് ആ​ട്ടാ​നാ​യി ഉ​പ​യോ​ഗി​ച്ച​ത്. ഇ​വ​യെ​യും പ്ര​ത്യേ​കം ബ്രീ​ഡ്ചെ​യ്ത് സൃ​ഷ്ടി​ച്ച​താ​ണ്. അ​ക്ഷ​യി​ന്റെ പി​താ​വ് ബാ​ല​കൃ​ഷ്ണ​നും പ​ര​മ്പ​രാ​ഗ​ത​മാ​യി കൃ​ഷി​ക്കാ​ര​നാ​ണ്. പ​ശു​ഫാ​മി​നു പു​റ​മെ വി​വി​ധ പ​ച്ച​ക്ക​റി​കൃ​ഷി​ക​ളും നെ​ൽ​കൃ​ഷി​യും ന​ട​ത്തു​ന്നു​ണ്ട്.

പ​നാ​യി​യി​ലെ മ​ര​ച്ച​ക്കി​ലാ​ട്ടി​യ എ​ണ്ണ​ക​ളും കീ​ട​നാ​ശി​നി ഉ​പ​യോ​ഗി​ക്കാ​ത്ത പ​ച്ച​ക്ക​റി​ക​ളും നെ​ല്ലും അ​രി​യും പാ​ലും പാ​ലു​ൽ​പ​ന്ന​ങ്ങ​ളു​ടെ​യു​മൊ​ക്കെ വി​ൽ​പ​ന​ക്കാ​യി പ​നാ​യി​യി​ൽ​ത​ന്നെ ക​ണ്ടെ​യ്ന​ർ ഔ​ട്ട് ല​റ്റും തു​റ​ന്നി​ട്ടു​ണ്ട്. അ​ത്തോ​ളി അ​ങ്ങാ​ടി​ക്ക​ടു​ത്ത് വീ​ട്ടു​പ​റ​മ്പി​ലും അ​ക്ഷ​യി​ന് മ​ര​ച്ച​ക്കും കാ​ള​ക​ളു​മു​ണ്ട്. ബി.​എ​ഡ് ബി​രു​ദ​ധാ​രി​കൂ​ടി​യാ​യ അ​ക്ഷ​യ് ഇം​ഗ്ലീ​ഷ് അ​ധ്യാ​പ​ക​നാ​യും ജോ​ലി ചെ​യ്തി​ട്ടു​ണ്ട്.