കക്കയം ഡാംസൈറ്റ് ഹൈഡൽ ടൂറിസം സെന്ററിൽ കാട്ടാനയിറങ്ങി

ബാ​ലു​ശ്ശേ​രി: ക​ക്ക​യം ഡാം​സൈ​റ്റി​ലെ ഹൈ​ഡ​ൽ ടൂ​റി​സം സെ​ന്റ​റി​ൽ കാ​ട്ടാ​ന​യി​റ​ങ്ങി. ശ​നി​യാ​ഴ്ച രാ​ത്രി എ​ട്ട​ര​യോ​ടെ​യാ​ണ് ഒ​റ്റ​യാ​നാ​യ ചു​ള്ളി​ക്കൊ​മ്പ​ൻ ഹൈ​ഡ​ൽ ടൂ​റി​സം സെ​ന്റ​റി​ലെ ചി​ൽ​ഡ്ര​ൻ​സ് പാ​ർ​ക്കി​ന​ടു​ത്തു വ​ന്ന​ത്. നാ​ശ​ന​ഷ്ട​ങ്ങ​ളൊ​ന്നു​മു​ണ്ടാ​ക്കി​യി​ല്ല. ഹൈ​ഡ​ൽ ടൂ​റി​സ​ത്തി​ലെ​യും വ​നം​വ​കു​പ്പി​ലെ​യും ജീ​വ​ന​ക്കാ​ർ ബ​ഹ​ളം​വെ​ച്ച​തോ​ടെ സ​മീ​പ​ത്തെ കാ​ട്ടി​ലേ​ക്കു ക​യ​റി​പ്പോ​യി. ക​ഴി​ഞ്ഞ ജ​നു​വ​രി 19ന് ​രാ​ത്രി കാ​ട്ടു​പോ​ത്ത് ടൂ​റി​സം സെ​ന്റ​റ​റി​ന് സ​മീ​പ​ത്ത് ഇ​റ​ങ്ങി​യി​രു​ന്നു. തൊ​ട്ട​ടു​ത്ത ദി​വ​സം 20ന് ​പ​ക​ൽ സ​മ​യ​ത്ത് ഹൈ​ഡ​ൽ ടൂ​റി​സം ചി​ൽ​ഡ്ര​ൻ​സ് പാ​ർ​ക്കി​ൽ വെ​ച്ച് വി​നോ​ദ​സ​ഞ്ചാ​രി​ക​ളാ​യ അ​മ്മ​യെ​യും മ​ക​ളെ​യും ഇ​തേ കാ​ട്ടു​പോ​ത്ത് ആ​ക്ര​മി​ച്ച് പ​രി​ക്കേ​ൽ​പി​ച്ചി​രു​ന്നു. ഡാം ​സൈ​റ്റി​ൽ​നി​ന്ന് ഏ​താ​നും കി​ലോ​മീ​റ്റ​ർ താ​ഴ്‌​വാ​ര​ത്ത് മാ​ർ​ച്ച് അ​ഞ്ചി​ന് ക​ർ​ഷ​ക​നാ​യ പാ​ലാ​ട്ടി​ൽ അ​ബ്ര​ഹാം കൃ​ഷി​യി​ട​ത്തി​ൽ കാ​ട്ടു​പോ​ത്തി​ന്റെ കു​ത്തേ​റ്റ് മ​രി​ച്ചി​രു​ന്നു. ഡാം ​സൈ​റ്റി​നു താ​ഴെ ക​ക്ക​യം അ​ങ്ങാ​ടി​ക്ക​ടു​ത്ത് കാ​ട്ടാ​ന​യു​ടെ വി​ള​യാ​ട്ട​ത്തി​ൽ ഒ​ട്ടേ​റെ കാ​ർ​ഷി​ക വി​ള​ക​ൾ ന​ശി​ച്ചി​ട്ടു​ണ്ട്.