ബസ് സ്റ്റാൻഡിലെ ശുചിമുറി മാലിന്യ പ്രശ്നം; ബയോ ഡൈജസ്റ്റർ ടാങ്ക് സ്ഥാപിക്കും

ബാ​ലു​ശ്ശേ​രി: ബ​യോ ഡൈ​ജ​സ്റ്റ​ർ ടാ​ങ്ക് സ്ഥാ​പി​ച്ച് ബാ​ലു​ശ്ശേ​രി പ​ഞ്ചാ​യ​ത്ത് ബ​സ് സ്റ്റാ​ൻ​ഡി​ലെ ശു​ചി​മു​റി മാ​ലി​ന്യ പ്ര​ശ്നം പ​രി​ഹ​രി​ക്കാ​ൻ ന​ട​പ​ടി തു​ട​ങ്ങി​യെ​ന്ന് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് രൂ​പ​ലേ​ഖ കൊ​മ്പി​ലാ​ട് അ​റി​യി​ച്ചു. പ​ഞ്ചാ​യ​ത്ത് പ്ര​സി​ഡ​ന്റ് വി​ളി​ച്ചു​ചേ​ർ​ത്ത യോ​ഗ​ത്തി​ലാ​ണ് പു​തി​യ സാ​ങ്കേ​തി​ക​വി​ദ്യ ഉ​പ​യോ​ഗി​ച്ചു​ള്ള പ്ര​ശ്ന​പ​രി​ഹാ​രം സാ​ധ്യ​മാ​ക്കാ​ൻ ന​ട​പ​ടി തു​ട​ങ്ങി​യ​ത്.

ബ​സ് സ്റ്റാ​ൻ​ഡി​ൽ നി​ല​വി​ലെ സെ​പ്റ്റി​ക് ടാ​ങ്കി​ൽ​നി​ന്ന് മ​ലി​ന​ജ​ലം തൊ​ട്ട​ടു​ത്തു​ള്ള സ്വാ​ക്പി​റ്റ് വ​ഴി പു​റ​ത്തേ​ക്ക് വ​രു​ന്ന സാ​ഹ​ച​ര്യ​മു​ണ്ടാ​യി. വി​ദ​ഗ്ധ പ​രി​ശോ​ധ​ന​യി​ൽ മാ​ലി​ന്യം ല​യി​ക്കു​ന്ന ഘ​ട​ന​യ​ല്ല നി​ല​വി​ലെ സ്വാ​ക്പി​റ്റ് സ്ഥി​തി​ചെ​യ്യു​ന്ന സ്ഥ​ല​ത്തെ മ​ണ്ണി​നു​ള്ള​തെ​ന്ന് മ​ന​സ്സി​ലാ​യി​ട്ടു​ണ്ട്.

മ​ലി​ന​ജ​ല​ത്തി​ന്റെ നി​ല​വാ​രം പ്ര​കൃ​തി​ക്ക് ഹാ​നി​ക​ര​മാ​ണെ​ന്ന​തി​നാ​ൽ ഇ​തി​നു പ​രി​ഹാ​ര​മെ​ന്നോ​ണം മാ​ലി​ന്യ​ത്തി​ന്റെ തോ​ത് കു​റ​ച്ചു​കൊ​ണ്ട് പ്ര​കൃ​തി​ക്കും മ​നു​ഷ്യ​നും ദോ​ഷ​മി​ല്ലാ​ത്ത വി​ധ​ത്തി​ൽ മാ​ലി​ന്യം ബ​യോ ഡൈ​ജ​സ്റ്റ​ർ ടാ​ങ്കി​ലൂ​ടെ സം​സ്ക​രി​ച്ച് പ​രി​ഹാ​രം ക​ണ്ടെ​ത്താ​നാ​ണ് തീ​രു​മാ​നം.

ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് വി​ളി​ച്ചു​ചേ​ർ​ത്ത യോ​ഗ​ത്തി​ൽ ഊ​രാ​ളു​ങ്ക​ൽ സൊ​സൈ​റ്റി അ​ധി​കൃ​ത​രും പ​ഞ്ചാ​യ​ത്ത് അ​സി. എ​ൻ​ജി​നീ​യ​റും എം.​എ​ൽ.​എ​യു​ടെ പ്ര​തി​നി​ധി​യും പ​ങ്കെ​ടു​ത്തു. മാ​ലി​ന്യ പ്ര​ശ്നം കാ​ര​ണം ബ​സ് സ്റ്റാ​ൻ​ഡി​ലെ ശൗ​ചാ​ല​യം അ​ട​ച്ചി​ട്ട​തി​നെ തു​ട​ർ​ന്ന് യാ​ത്ര​ക്കാ​ർ പ്രാ​ഥ​മി​ക കൃ​ത്യ​ങ്ങ​ൾ​ക്കാ​യി ദു​രി​ത​മ​നു​ഭ​വി​ക്കു​ന്ന അ​വ​സ്ഥ​യി​ലാ​യി​രു​ന്നു.

ഇ​തി​നെ​തി​രെ ഒ​ട്ടേ​റെ പ്ര​തി​ഷേ​ധ സ​മ​ര​ങ്ങ​ളും ന​ട​ക്കു​ക​യു​ണ്ടാ​യി. ബ​സ് സ്റ്റാ​ൻ​ഡ് ശൗ​ചാ​ല​യ​ത്തി​ന്റെ ശോ​ച്യാ​വ​സ്ഥ പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് സ​ർ​വോ​ദ​യം ട്ര​സ്റ്റി​ന്റെ നേ​തൃ​ത്വ​ത്തി​ൽ സാ​മൂ​ഹി​ക പ്ര​വ​ർ​ത്ത​ക​നാ​യ കു​ന്നോ​ത്ത് മ​നോ​ജ് തി​ങ്ക​ളാ​ഴ്ച ആ​രം​ഭി​ച്ച 50 മ​ണി​ക്കൂ​ർ പ്ര​തി​ഷേ​ധ സ​ത്യ​ഗ്ര​ഹം ഇ​ന്ന​ലെ ഉ​ച്ച​യോ​ടെ സ​മാ​പി​ച്ചു.