12 കാരനെ തട്ടിക്കൊണ്ടുപോയ യുവാവ് അറസ്റ്റിൽ

ബാലുശ്ശേരി: 12കാരനെ പ്രലോഭിപ്പിച്ച് തട്ടിക്കൊണ്ടുപോയ യുവാവ് പൊലീസ് പിടിയിൽ. രണ്ടാഴ്ച മുമ്പ് ബാലുശ്ശേരിയിൽനിന്ന് 12കാരനെ പ്രലോഭിപ്പിച്ച് കടത്തിക്കൊണ്ടുപോയ കേസിൽ കാസർകോട് കീക്കൻ മാളിയേക്കൽ റഫീഖ് ഹുസൈനെയാണ് (32) ബാലുശ്ശേരി പൊലീസ് അറസ്റ്റ് ചെയ്തത്.

ഇയാൾക്കെതിരെ പോക്സോ നിയമപ്രകാരം കേസെടുത്തു. പോക്സോ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.