ജനവാസമേഖലയിലെ ക്വാറി വീണ്ടും തുറന്നു; സി.പി.എം നേതാവ് പരാതി പിൻവലിച്ചതിനെ തുടർന്നെന്ന് വിവരാവകാശരേഖ

ബാ​ലു​ശ്ശേ​രി: ജ​ന​വാ​സ​മേ​ഖ​ല​യി​ൽ പൂ​ട്ടി​യ ക​രി​ങ്ക​ൽ ക്വാ​റി വീ​ണ്ടും തു​റ​ന്നു​പ്ര​വ​ർ​ത്തി​ച്ച​ത് പ​രാ​തി പി​ൻ​വ​ലി​ച്ച​തി​നെ തു​ട​ർ​ന്നാ​ണെ​ന്ന ര​ഹ​സ്യം പു​റ​ത്ത്. നാ​ട്ടു​കാ​രു​ടെ പ്ര​തി​ഷേ​ധ​ത്തെ തു​ട​ർ​ന്ന് 2011ൽ ​പൂ​ട്ടി​യ കി​നാ​ലൂ​ർ മ​ല​യി​ല​ക​ത്തൂ​ട്ട് ക​രി​ങ്ക​ൽ ക്വാ​റി ക​ഴി​ഞ്ഞ​വ​ർ​ഷം വീ​ണ്ടും പ്ര​വ​ർ​ത്ത​നം തു​ട​ങ്ങി​യ​ത് സി.​പി.​എം നേ​താ​വാ​യ ക്വാ​റി വി​രു​ദ്ധ​സ​മി​തി ക​ൺ​വീ​ന​ർ കെ.​പി. കോ​രു​ക്കു​ട്ടി പ​രാ​തി പി​ൻ​വ​ലി​ച്ച​തി​നെ തു​ട​ർ​ന്നാ​ണെ​ന്ന വി​വ​ര​മാ​ണ് പു​റ​ത്താ​യ​ത്.

വി​വ​രാ​വ​കാ​ശ നി​യ​മ​പ്ര​കാ​രം ല​ഭി​ച്ച മ​റു​പ​ടി​യി​ലാ​ണ് ക്വാ​റി​ക്കെ​തി​രാ​യ പ​രാ​തി പി​ൻ​വ​ലി​ച്ച് ക​ൺ​വീ​ന​ർ ഒ​പ്പി​ട്ട് ന​ൽ​കി​യ രേ​ഖ​യു​ടെ വി​വ​രം ല​ഭി​ച്ച​ത്. സ​മ​ര​സ​മി​തി പോ​ലും അ​റി​യാ​തെ​യാ​ണ് ക​ൺ​വീ​ന​ർ പ​രാ​തി പി​ൻ​വ​ലി​ച്ച​തെ​ന്ന് മ​റ്റു​ള്ള സ​മ​ര​സ​മി​തി പ്ര​വ​ർ​ത്ത​ക​ർ പ​റ​യു​ന്നു. പ​രാ​തി പി​ൻ​വ​ലി​ച്ച​തോ​ടെ​യാ​ണ് മ​ല​യി​ല​ക​ത്തൂ​ട്ട് ക​രി​ങ്ക​ൽ ക്വാ​റി​ക്ക് മൈ​നി​ങ് ആ​ൻ​ഡ് ജി​യോ​ള​ജി വ​കു​പ്പ് വീ​ണ്ടും പ്ര​വ​ർ​ത്തി​ക്കാ​നു​ള്ള അ​നു​വാ​ദം ന​ൽ​കി​യ​ത്.

2020 മു​ത​ൽ പ​ത്ത് വ​ർ​ഷ​ത്തേ​ക്കാ​ണ് അ​നു​മ​തി ല​ഭി​ച്ച​ത്. സി.​പി.​എം നേ​തൃ​ത്വ​ത്തി​ലു​ള്ള പ​ന​ങ്ങാ​ട് പ​ഞ്ചാ​യ​ത്ത് ഭ​ര​ണ​സ​മി​തി ക്വാ​റി​ക്കെ​തി​രെ എ​തി​ർ​പ്പ് പ്ര​ക​ടി​പ്പി​ച്ചി​രു​ന്നെ​ങ്കി​ലും പ്ര​വ​ർ​ത്ത​നം ത​ട​യാ​ൻ ക​ഴി​ഞ്ഞി​രു​ന്നി​ല്ല. ക​ക്കോ​ടി മോ​രി​ക്ക​ര സ്വ​ദേ​ശി​യു​ടെ പേ​രി​ലാ​ണ് നേ​ര​ത്തേ ക്വാ​റി ലൈ​സ​ൻ​സ് എ​ടു​ത്തി​രു​ന്ന​ത്.

2019 ഡി​സം​ബ​ർ ഏ​ഴു​മു​ത​ൽ 2023 മാ​ർ​ച്ച് 31വ​രെ​യു​ള്ള പ്ര​വ​ർ​ത്ത​ന​ത്തി​നാ​യി ഗ്രാ​മ​പ​ഞ്ചാ​യ​ത്തും ലൈ​സ​ൻ​സ് ന​ൽ​കി​യി​ട്ടു​ണ്ട്. പ്ര​ദേ​ശ​വാ​സി​ക​ളു​ടെ പ്ര​തി​ഷേ​ധം വ​ക​വെ​ക്കാ​തെ​യാ​ണ് ഇ​പ്പോ​ൾ വീ​ണ്ടും ക്വാ​റി പ്ര​വ​ർ​ത്ത​നം സ​ജീ​വ​മാ​യി​ട്ടു​ള്ള​ത്.

ക്വാ​റി​ക്കെ​തി​രെ ഒ​രു​വി​ഭാ​ഗം പ്ര​തി​ഷേ​ധ​വു​മാ​യി ഇ​പ്പോ​ഴും രം​ഗ​ത്തു​ണ്ട്. ക​ഴി​ഞ്ഞ വ​ർ​ഷം ക്വാ​റി പ്ര​വ​ർ​ത്ത​നം സം​ബ​ന്ധി​ച്ച വാ​ർ​ത്ത ശേ​ഖ​രി​ക്കാ​നെ​ത്തി​യ ചാ​ന​ൽ പ്ര​വ​ർ​ത്ത​ക​ർ​ക്കു​നേ​രെ ക്വാ​റി മാ​ഫി​യ​സം​ഘം ആ​ക്ര​മ​ണം അ​ഴി​ച്ചു വി​ട്ടി​രു​ന്നു. ചാ​ന​ൽ പ്ര​വ​ർ​ത്ത​ക​ന്റെ കാ​മ​റ ത​ക​ർ​ക്കു​ക​യും മ​ർ​ദി​ക്കു​ക​യും ചെ​യ്ത സം​ഭ​വ​ത്തി​ൽ പൊ​ലീ​സ് കേ​സെ​ടു​ക്കു​ക​യും ചെ​യ്തി​ട്ടു​ണ്ട്.

പ​ന​ങ്ങാ​ട് പ​ഞ്ചാ​യ​ത്തി​ലെ ത​ന്നെ വി​നോ​ദ​സ​ഞ്ചാ​ര കേ​ന്ദ്ര​മാ​യ വ​യ​ല​ട ക്വാ​റി​ക്കെ​തി​രെ​യും സി.​പി.​എം നേ​തൃ​ത്വ​ത്തി​ൽ പ്ര​ദേ​ശ​വാ​സി​ക​ൾ പ്ര​തി​ഷേ​ധ​വു​മാ​യി രം​ഗ​ത്തു​ണ്ടെ​ങ്കി​ലും ക്വാ​റി പ്ര​വ​ർ​ത്ത​നം നി​ർ​ബാ​ധം തു​ട​രു​ക​യാ​ണ്. ക്വാ​റി പ്ര​വ​ർ​ത്ത​നം​മൂ​ലം ഇ​വി​ട​ത്തെ ജ​ല​സ്രോ​ത​സ്സു​ക​ള​ട​ക്കം മ​ലി​ന​മാ​യി​ട്ടും പ​ഞ്ചാ​യ​ത്ത​ധി​കൃ​ത​ർ നി​സ്സം​ഗ​ത പാ​ലി​ക്കു​ന്ന അ​വ​സ്ഥ​യാ​ണ്.