എയിംസ് വരുമെന്ന പ്രതീക്ഷ; സംസ്ഥാന സർക്കാറിനൊപ്പം കിനാലൂരും

ബാ​ലു​ശ്ശേ​രി: എ​യിം​സ് വ​രു​മെ​ന്ന പ്ര​തീ​ക്ഷ​യി​ൽ കി​നാ​ലൂ​ർ. ആ​രോ​ഗ്യ രം​ഗ​ത്തും വി​ക​സ​ന​ത്തി​ലും മ​ല​ബാ​റി​ൽ​ത​ന്നെ ഏ​റെ പ്ര​തീ​ക്ഷ​യേ​കു​ന്ന എ​യിം​സി​നാ​യി ഇ​ത്ത​വ​ണ​ത്തെ കേ​ന്ദ്ര ബ​ജ​റ്റി​ൽ തു​ക വ​ക​യി​രു​ത്തു​മെ​ന്ന പ്ര​തീ​ക്ഷ​യി​ലാ​ണ് സം​സ്ഥാ​ന സ​ർ​ക്കാ​ർ.

ആ​രോ​ഗ്യ സം​ര​ക്ഷ​ണ രം​ഗ​ത്ത് മു​മ്പ​ന്തി​യി​ൽ നി​ൽ​ക്കു​ന്ന കേ​ര​ള​ത്തി​ൽ എ​യിം​സ് സ്ഥാ​പി​ക്കാ​നു​ള്ള മു​റ​വി​ളി തു​ട​ങ്ങി​യി​ട്ട് വ​ർ​ഷ​ങ്ങ​ൾ ഏ​റെ​യാ​യെ​ങ്കി​ലും എ​യിം​സ് എ​ന്ന സ്വ​പ്നം ഇ​പ്പോ​ഴും അ​ക​ലെ​ത്ത​ന്നെ​യാ​ണ്. എ​യിം​സി​നാ​യു​ള്ള സ്ഥ​ലം നേ​ര​ത്തേ​ത​ന്നെ സം​സ്ഥാ​ന സ​ർ​ക്കാ​ർ ക​ണ്ടെ​ത്തി റി​പ്പോ​ർ​ട്ട് ചെ​യ്തി​ട്ടു​ണ്ട്.

എ​യിം​സ് സ്ഥാ​പി​ക്കു​ക​യാ​ണെ​ങ്കി​ൽ അ​ത് കോ​ഴി​ക്കോ​ട് ജി​ല്ല​യി​ലെ കി​നാ​ലൂ​രി​ലാ​യി​രി​ക്കു​മെ​ന്ന് മു​ഖ്യ​മ​ന്ത്രി നി​യ​മ​സ​ഭ​യി​ല​ട​ക്കം പ്ര​സ്താ​വി​ച്ച​ത് കി​നാ​ലൂ​രി​ൽ അ​നു​യോ​ജ്യ​മാ​യ സ്ഥ​ലം ക​ണ്ടെ​ത്തി​യ​തി​നെ​ത്തു​ട​ർ​ന്നാ​യി​രു​ന്നു. വ്യ​വ​സാ​യ വി​ക​സ​ന​വ​കു​പ്പി​ന് കീ​ഴി​ലെ 200 ഏ​ക്ക​ർ സ്ഥ​ലം റ​വ​ന്യൂ വ​കു​പ്പി​ന്റെ നേ​തൃ​ത്വ​ത്തി​ൽ നേ​ര​ത്തേ​ത​ന്നെ അ​ള​ന്ന് തി​ട്ട​പ്പെ​ടു​ത്തി സ​ർ​ക്കാ​റി​ന് കൈ​മാ​റി​യി​ട്ടു​ണ്ട്.

കി​നാ​ലൂ​രി​ലെ നി​ർ​ദി​ഷ്ട സ്ഥ​ലം സം​സ്ഥാ​ന ആ​രോ​ഗ്യ​മ​ന്ത്രി​യും കേ​ന്ദ്ര-​സം​സ്ഥാ​ന ആ​രോ​ഗ്യ വ​കു​പ്പ് ഉ​ന്ന​ത ഉ​ദ്യോ​ഗ​സ്ഥ​രും സ​ന്ദ​ർ​ശി​ച്ച് സം​തൃ​പ്തി രേ​ഖ​പ്പെ​ടു​ത്തി​യി​ട്ടു​ണ്ട്. എ​യിം​സ് കി​നാ​ലൂ​രി​ൽ സ്ഥാ​പി​ക്കു​ന്ന​തി​ന് ത​ദ്ദേ​ശീ​യ​രാ​യ നാ​ട്ടു​കാ​രും അ​നു​കൂ​ല​മാ​യ നി​ല​പാ​ടാ​ണ് സ്വീ​ക​രി​ച്ചി​ട്ടു​ള്ള​ത്.

ഭാ​വി​യി​ലെ വി​ക​സ​നം​കൂ​ടി ല​ക്ഷ്യ​മി​ട്ട് കാ​ന്ത​ലാ​ട്, കി​നാ​ലൂ​ർ വി​ല്ലേ​ജു​ക​ളി​ലാ​യി 100 ഏ​ക്ക​ർ ഭൂ​മി സ്വ​കാ​ര്യ വ്യ​ക്തി​ക​ളി​ൽ​നി​ന്ന് ഏ​റ്റെ​ടു​ക്കാ​നാ​യു​ള്ള ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​യി​ട്ടു​ണ്ട്. ഇ​വി​ടെ വി​ദ​ഗ്ധ​സം​ഘം സ​ന്ദ​ർ​ശി​ക്കു​ക​യും ചെ​യ്തി​ട്ടു​ണ്ട്.

175 കു​ടും​ബ​ങ്ങ​ളു​ടെ കൈ​വ​ശ​മു​ള്ള ഭൂ​മി​യു​ടെ സാ​മൂ​ഹി​കാ​ഘാ​ത പ​ഠ​ന റി​പ്പോ​ർ​ട്ടും ത​യാ​റാ​ക്കു​ക​യു​ണ്ടാ​യി. റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ പൊ​തു​ച​ർ​ച്ച​യും ന​ട​ന്നു. അ​ടി​സ്ഥാ​ന സൗ​ക​ര്യ​ങ്ങ​ളു​ടെ കാ​ര്യ​ത്തി​ലും കി​നാ​ലൂ​ർ പ്ര​ദേ​ശം അ​നു​യോ​ജ്യ​മാ​ണെ​ന്നാ​ണ് വി​ദ​ഗ്ധാ​ഭി​പ്രാ​യം.

750 കി​ട​ക്ക​ക​ളു​ള്ള ആ​ശു​പ​ത്രി​യി​ൽ നൂ​റി​ലേ​റെ എം.​ബി.​ബി.​എ​സ് സീ​റ്റു​ക​ളു​ണ്ടാ​കും. വി​വി​ധ സൂ​പ്പ​ർ സ്പെ​ഷാ​ലി​റ്റി വി​ഭാ​ഗ​ങ്ങ​ളും ന​ഴ്സി​ങ് കോ​ള​ജും വ​രു​ന്ന​തോ​ടെ വി​ദ​ഗ്ധ ചി​കി​ത്സ തേ​ടു​ന്ന​വ​ർ​ക്കും മ​ല​യാ​ളി വി​ദ്യാ​ർ​ഥി​ക​ൾ​ക്കും സ്ഥാ​പ​നം ഏ​റെ ഗു​ണ​പ്ര​ദ​മാ​കും.

പ്ര​ത്യ​ക്ഷ​മാ​യും പ​രോ​ക്ഷ​മാ​യും നി​ര​വ​ധി പേ​ർ​ക്ക് ജോ​ലി​ക്കു​ള്ള അ​വ​സ​ര​വും കൈ​വ​രും. സം​സ്ഥാ​ന സ​ർ​ക്കാ​ർ സ്ഥ​ലം ഏ​റ്റെ​ടു​ത്തു​ന​ൽ​കി 1500ഓ​ളം കോ​ടി രൂ​പ കേ​ന്ദ്രം ചെ​ല​വാ​ക്കി​യാ​ൽ എ​യിം​സ് യാ​ഥാ​ർ​ഥ്യ​മാ​കും. ഇ​ന്ന് പ്ര​ഖ്യാ​പി​ക്കു​ന്ന കേ​ന്ദ്ര ബ​ജ​റ്റി​ൽ ഇ​തി​നാ​യു​ള്ള തു​ക നീ​ക്കി​വെ​ക്കാ​ൻ കേ​ന്ദ്ര സ​ർ​ക്കാ​ർ ത​യാ​റാ​കു​മെ​ന്ന പ്ര​ത്യാ​ശ​യി​ലാ​ണ് സം​സ്ഥാ​ന സ​ർ​ക്കാ​റും.