ബ​സ് സ്റ്റാ​ൻ​ഡ് ശു​ചി​മു​റി മാ​ലി​ന്യ​ടാ​ങ്ക് നി​ർ​മാ​ണം ഇ​ഴ​ഞ്ഞു നീ​ങ്ങു​ന്നു

ബാ​ലു​ശ്ശേ​രി: ബാ​ലു​ശ്ശേ​രി ബ​സ് സ്റ്റാ​ൻ​ഡ് ശു​ചി​മു​റി ന​വീ​ക​ര​ണ പ്ര​വൃ​ത്തി ഇ​ഴ​ഞ്ഞു​നീ​ങ്ങു​ന്നു. മൂ​ന്നു കോ​ടി​യോ​ളം രൂ​പ ചെ​ല​വി​ൽ ന​വീ​ക​രി​ച്ച പ​ഞ്ചാ​യ​ത്ത് ബ​സ് സ്റ്റാ​ൻ​ഡി​ലെ ശു​ചി​മു​റി ഉ​പ​യോ​ഗ​ശൂ​ന്യ​മാ​യ​തി​നെ തു​ട​ർ​ന്നാ​ണ് ന​വീ​ക​ര​ണ​പ്ര​വൃ​ത്തി ക​ഴി​ഞ്ഞ മാ​സം തു​ട​ങ്ങി​യ​ത്. ശു​ചി​മു​റി​യു​ടെ മാ​ലി​ന്യ​ടാ​ങ്ക് നേ​ര​ത്തെ നി​ർ​മി​ച്ച​ത് ച​തു​പ്പ് നി​ല​ത്താ​യി​രു​ന്നു.

ഇ​തു​കാ​ര​ണം തു​ട​ർ​ച്ച​യാ​യി ശു​ചി​മു​റി ഉ​പ​യോ​ഗി​ക്കു​മ്പോ​ൾ വെ​ള്ളം ഉ​യ​ർ​ന്നു മാ​ലി​ന്യ​ടാ​ങ്കി​ന് പു​റ​ത്തു കൂ​ടി മ​ലി​ന​ജ​ലം ഒ​ഴു​കി​യി​രു​ന്നു. ഇ​തേ തു​ട​ർ​ന്ന് സ്റ്റാ​ൻ​ഡി​ലെ ശു​ചി​മു​റി അ​ട​ച്ചി​ടു​ക​യാ​യി​രു​ന്നു. ശു​ചി​മു​റി തു​റ​ന്നു പ്ര​വ​ർ​ത്തി​പ്പി​ക്ക​ണ​മെ​ന്നാ​വ​ശ്യ​പ്പെ​ട്ട് നി​ർ​മാ​ണ​ത്തി​ൽ പ​റ്റി​യ അ​പാ​ക​ത​ക്കെ​തി​രെ​യും വി​വി​ധ രാ​ഷ്ട്രീ​യ, സ​ന്ന​ദ്ധ സം​ഘ​ട​ന​ക​ൾ പ്ര​തി​ഷേ​ധ സ​മ​ര​വും ന​ട​ത്തി. തു​ട​ർ​ന്നാ​ണ് മാ​ലി​ന്യ​ടാ​ങ്ക് പു​തു​ക്കി നി​ർ​മി​ക്കാ​ൻ തീ​രു​മാ​നി​ച്ച​ത്.