സ്വ​ന്ത​മാ​യി വ​ഴി​യി​ല്ല; കാടുകയറി ബാലുശ്ശേരി പഞ്ചായത്ത് വായനശാല

ബാ​ലു​ശ്ശേ​രി: പ​ഞ്ചാ​യ​ത്ത് വാ​യ​ന​ശാ​ല കെ​ട്ടി​ട​ത്തി​നു​ചു​റ്റും കാ​ടു​ക​യ​റി​ന​ശി​ക്കു​ന്നു. ജി​ല്ല​യി​ലെ ബി ​ക്ലാ​സ് ലൈ​ബ്ര​റി​യാ​യി​രു​ന്ന ബാ​ലു​ശ്ശേ​രി പ​ഞ്ചാ​യ​ത്ത് വാ​യ​ന​ശാ​ല​ക്കു​വേ​ണ്ടി പ​ണി​ത മൂ​ന്നു നി​ല കെ​ട്ടി​ടം ചു​റ്റും കാ​ടു​മൂ​ടി​യ നി​ല​യി​ലാ​ണ്.

മൂ​ന്നാം നി​ല​യി​ൽ പ്ര​വ​ർ​ത്തി​ക്കു​ന്ന ലൈ​ബ്ര​റി ആ​ൻ​ഡ്​ വാ​യ​ന​ശാ​ല ദി​ന​വും തു​റ​ക്കു​മെ​ങ്കി​ലും ഇ​വി​ടേ​ക്ക്​ എ​ത്തി​പ്പെ​ടാ​ൻ വാ​യ​ന​ക്കാ​ർ മ​ടി​ക്കു​ന്ന അ​വ​സ്ഥ​യാ​ണ്. ര​ണ്ടാം നി​ല​യി​ൽ പ്ര​സ് ഫോ​റം ഓ​ഫി​സും തു​ല്യ​താ പ​ഠ​ന ഓ​ഫി​സും പ്ര​വ​ർ​ത്തി​ക്കു​ന്നു​ണ്ടെ​ങ്കി​ലും ഇ​വി​ടെ​യും ആ​ള​ന​ക്കം അ​പൂ​ർ​വ​മാ​ണ്.

താ​ഴ​ത്തെ​നി​ല​യി​ൽ അ​ഞ്ച് മു​റി​ക​ൾ പ​ണി​ക​ഴി​പ്പി​ച്ചി​ട്ടു​ണ്ട്. മു​റി​ക​ൾ അ​ട​ച്ചി​ട്ട​നി​ല​യി​ലാ​യി​ട്ട് 12 വ​ർ​ഷ​ത്തോ​ള​മാ​യി. ഷ​ട്ട​റു​ക​ളും കെ.​എ​സ്.​ഇ.​ബി മീ​റ്റ​ർ ബോ​ർ​ഡു​ക​ളും തു​രു​മ്പു​പി​ടി​ച്ച് ന​ശി​ച്ചു. കാ​ടു​മൂ​ടി​യ​തി​നാ​ൽ മ​ദ്യ​പാ​നി​ക​ളു​ടെ​യും മൂ​ത്ര​ശ​ങ്ക​ക്കാ​രു​ടെ​യും ഇ​ട​മാ​യി മാ​റി​യി​രി​ക്കു​ക​യാ​ണ് ഇ​വി​ടം.

2009ൽ ​അ​ന്ന​ത്തെ വി​ദ്യാ​ഭ്യാ​സ​മ​ന്ത്രി എം.​എ. ബേ​ബി​യാ​ണ് ഇ.​എം.​എ​സി​‍െൻറ പേ​രി​ലു​ള്ള ലൈ​ബ്ര​റി കെ​ട്ടി​ടം ഉ​ദ്​​ഘാ​ട​നം ചെ​യ്ത​ത്. 2002ൽ ​അ​ഞ്ചു​ല​ക്ഷ​ത്തോ​ളം രൂ​പ ചെ​ല​വി​ട്ടാ​ണ് കെ​ട്ടി​ടം നി​ർ​മി​ച്ച​ത്. യ​ദു​നാ​ഥ് സം​ഭാ​വ​ന ന​ൽ​കി​യ മൂ​ന്നു സെൻറ്​ സ്ഥ​ല​ത്ത് പ​ണി​ത കെ​ട്ടി​ട​ത്തി​ലേ​ക്ക് ഇ​പ്പോ​ഴും സ്വ​ന്ത​മാ​യി വ​ഴി​കി​ട്ടി​യി​ട്ടി​ല്ല.