ബാ​ലു​ശ്ശേ​രി ആ​ശു​പ​ത്രി കെ​ട്ടി​ടം ഫെ​ബ്രു​വ​രി​യി​ൽ പൂ​ർ​ത്തി​യാ​കും

ബാ​ലു​ശ്ശേ​രി: ബാ​ലു​ശ്ശേ​രി നി​യോ​ജ​ക മ​ണ്ഡ​ല​ത്തി​ലെ ആ​രോ​ഗ്യ സ്ഥാ​പ​ന​ങ്ങ​ളി​ലെ നി​ർ​മാ​ണ പ്ര​വൃ​ത്തി​ക​ളു​മാ​യി ബ​ന്ധ​പ്പെ​ട്ട് അ​വ​ലോ​ക​ന യോ​ഗം ന​ട​ത്തി. അ​ഡ്വ. കെ.​എം. സ​ച്ചി​ൻ​ദേ​വ് എം.​എ​ൽ.​എ​യു​ടെ നേ​തൃ​ത്വ​ത്തി​ൽ താ​ലൂ​ക്ക് ആ​ശു​പ​ത്രി​യി​ൽ​വെ​ച്ചു ന​ട​ന്ന യോ​ഗ​ത്തി​ൽ താ​ലൂ​ക്ക് ആ​ശു​പ​ത്രി​യി​ലെ മാ​സ്റ്റ​ർ പ്ലാ​ൻ കെ​ട്ടി​ട​വു​മാ​യി ബ​ന്ധ​പ്പെ​ട്ട് നി​ല​വി​ൽ ന​ട​ന്നു​കൊ​ണ്ടി​രി​ക്കു​ന്ന വെ​ർ​ട്ടി​ക്ക​ൽ എ​ക്‌​സ്‌​പാ​ൻ​ഷ​ൻ പ്ര​വൃ​ത്തി​ക​ൾ അ​ടി​യ​ന്ത​ര​മാ​യി പൂ​ർ​ത്തീ​ക​രി​ക്കാ​ൻ തീ​രു​മാ​നി​ച്ചു. 2025 ഫെ​ബ്രു​വ​രി​യി​ൽ ഉ​ദ്ഘാ​ട​നം നി​ർ​വ​ഹി​ക്കാ​ൻ സാ​ധി​ക്കു​മെ​ന്ന് എം.​എ​ൽ.​എ അ​റി​യി​ച്ചു.

23 കോ​ടി രൂ​പ ചെ​ല​വി​ട്ടാ​ണ് താ​ലൂ​ക്ക് ആ​ശു​പ​ത്രി​ക്ക് പു​തി​യ കെ​ട്ടി​ടം പ​ണി​യു​ന്ന​ത്. ട്രോ​മ​കെ​യ​ർ, എ​മ​ർ​ജ​ൻ​സി മെ​ഡി​സി​ൻ, ജ​ന​റ​ൽ ഒ.​പി, സ​ർ​ജ​റി ഒ.​പി, ഓ​ർ​ത്തോ ഒ.​പി എ​ന്നീ സൗ​ക​ര്യ​ങ്ങ​ളോ​ടെ​യാ​ണ് മൂ​ന്നു​നി​ല കെ​ട്ടി​ട നി​ർ​മാ​ണം. ക​മ്യൂ​ണി​റ്റി ഹെ​ൽ​ത്ത്‌ സെ​ന്റ​ർ ഉ​ള്ള്യേ​രി, കൂ​രാ​ച്ചു​ണ്ട് പ്രാ​ഥ​മി​കാ​രോ​ഗ്യ കേ​ന്ദ്രം ക​ക്ക​യം, കു​ടും​ബാ​രോ​ഗ്യ കേ​ന്ദ്രം മ​ങ്ങാ​ട്, എ​ന്നീ ആ​രോ​ഗ്യ സ്ഥാ​പ​ന​ങ്ങ​ളു​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ളു​മാ​യി ബ​ന്ധ​പ്പെ​ട്ട വി​ശ​ക​ല​ന​വും ന​ട​ത്തി.

യോ​ഗ​ത്തി​ൽ ബാ​ലു​ശ്ശേ​രി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് വി.​കെ അ​നി​ത, വൈ​സ് പ്ര​സി​ഡ​ന്റ് ടി.​എം. ശ​ശി, ആ​രോ​ഗ്യ സ്റ്റാ​ൻ​ഡി​ങ് ചെ​യ​ർ​മാ​ൻ സു​രേ​ഷ് ആ​ലം​കോ​ട്, എ​ൻ.​എ​ച്ച്.​എം ജി​ല്ല പ്രോ​ഗ്രാം മാ​നേ​ജ​ർ ഡോ. ​സി.​കെ. ഷാ​ജി, ജി​ല്ല സി​വി​ൽ വ​ർ​ക്ക് നോ​ഡ​ൽ ഓ​ഫി​സ​ർ ഡോ. ​പി.​പി പ്ര​മോ​ദ്, എ​ൻ.​എ​സ്.​ജി ഉ​ദ്യോ​ഗ​സ്ഥ​ർ, നി​ർ​മാ​ണ ഏ​ജ​ൻ​സി​ക​ൾ എ​ന്നി​വ​ർ പ​ങ്കെ​ടു​ത്തു.