വരുന്നൂ... കോ​ഴി​ക്കോ​ട് നഗരത്തിൽ ബേബി പൂൾ

കോ​ഴി​ക്കോ​ട്: മു​പ്പ​തി​ല​ധി​കം കു​ട്ടി​ക​ൾ​ക്ക് ഒ​രേ​സ​മ​യം നീ​ന്ത​ൽ പ​രി​ശീ​ല​നം ന​ട​ത്താ​നാ​യി ന​ട​ക്കാ​വി​ൽ പു​തി​യ ബേ​ബി പൂ​ൾ വ​രു​ന്നു. നി​ല​വി​ലു​ള്ള വീ​തി കു​റ​ഞ്ഞ സ്വി​മ്മി​ങ് പൂ​ളി​ൽ കൂ​ടു​ത​ൽ കു​ട്ടി​ക​ൾ​ക്ക് നീ​ന്ത​ൽ പ​ഠി​ക്കാ​നു​ള്ള സൗ​ക​ര്യ​മി​ല്ലാ​ത്ത​തി​നാ​ലാ​ണ് പു​തി​യ ബേ​ബി പൂ​ൾ നി​ർ​മി​ക്കു​ന്ന​ത്. മൂ​ന്ന​ര വ​യ​സ്സ് മു​ത​ലു​ള്ള കു​ട്ടി​ക​ളാ​ണ് ബേ​ബി പൂ​ളി​ൽ നീ​ന്ത​ൽ പ​രി​ശീ​ല​നം ന​ൽ​കു​ക. ബേ​ബി പൂ​ളി​ൽ പ​രി​ശീ​ല​നം ല​ഭി​ച്ച​വ​ർ​ക്ക് അ​ടു​ത്ത​ഘ​ട്ട​ത്തി​ന്റെ ഭാ​ഗ​മാ​യി വ​ലി​യ സ്വി​മ്മി​ങ് പൂ​ളി​ൽ നീ​ന്ത​ൽ പ​രി​ശീ​ല​നം ന​ൽ​കും.

ജി​ല്ല സ്പോ​ർ​ട്സ് കൗ​ൺ​സി​ലി​ന്റെ ന​ട​ക്കാ​വി​ലെ സ്വി​മ്മി​ങ് പൂ​ളി​ലാ​ണ് പു​തി​യ ബേ​ബി പൂ​ളും നി​ർ​മി​ക്കു​ന്ന​ത്. ഇ​തി​നാ​യി തോ​ട്ട​ത്തി​ൽ ര​വീ​ന്ദ്ര​ൻ എം.​എ​ൽ.​എ​യു​ടെ ആ​സ്തി വി​ക​സ​ന ഫ​ണ്ടി​ൽ​നി​ന്ന് 21 ല​ക്ഷം രൂ​പ​യാ​ണ് വ​ക​യി​രു​ത്തി​യ​ത്.

ടെ​ൻ​ഡ​ർ ന​ട​പ​ടി​ക​ൾ പൂ​ർ​ത്തി​യാ​യ പ​ദ്ധ​തി മൂ​ന്നു​മാ​സം കൊ​ണ്ട് പൂ​ർ​ത്തീ​ക​രി​ക്കാ​നാ​ണ് ല​ക്ഷ്യ​മി​ടു​ന്ന​ത്. ബേ​ബി പൂ​ളി​ന്റെ പ്ര​വൃ​ത്തി ഉ​ദ്ഘാ​ട​നം ബു​ധ​നാ​ഴ്ച രാ​വി​ലെ പ​ത്തി​ന് ന​ട​ക്കാ​വി​ലെ നീ​ന്ത​ൽ പ​രി​ശീ​ല​ന കേ​ന്ദ്ര​ത്തി​ൽ തോ​ട്ട​ത്തി​ൽ ര​വീ​ന്ദ്ര​ൻ എം.​എ​ൽ.​എ നി​ർ​വ​ഹി​ക്കും. ജി​ല്ല സ്പോ​ർ​ട്സ് കൗ​ൺ​സി​ൽ പ്ര​സി​ഡ​ന്റ് ഒ. ​രാ​ജ​ഗോ​പാ​ൽ അ​ധ്യ​ക്ഷ​ത​വ​ഹി​ക്കും