നഗരത്തിൽ ​ 5000 നായ്​ക്കളെ വന്ധ്യംകരിച്ചെന്ന്​ അധികൃതർ

കോഴിക്കോട്​: നഗരത്തിൽ ഒന്നരവർഷംകൊണ്ട്​ വന്ധ്യംകരിച്ചത്​ 5000 തെരുവുനായ്​ക്കളെ. തിങ്കളാഴ്​ചവരെയുള്ള കണക്കുപ്രകാരം 5004 തെരുവുനായ്​ക്കളെയാണ്​ വന്ധ്യംകരണ ശസ്​ത്രക്രിയ ചെയ്യുകയും ആൻറി റാബിസ്​ വാക്​സിൻ എടുക്കുകയും ചെയ്​തിട്ടുള്ളത്​. 5000 നായ്​ക്കളെ വന്ധ്യംകരിച്ചതി​െൻറ പ്രഖ്യാപനം തിങ്കളാഴ്​ച മേയറുടെ ചേംബറിൽ നടന്നു.വന്ധ്യംകരിച്ച നായ്​ക്കളെ തിരിച്ചറിയാനായി ചെവിയിൽ അടയാളവും വെക്കുന്നുണ്ട്​.

നായ്​പിടിത്തക്കാർക്ക്​ ആറു​ ദിവസം, ഡോക്​ടർമാർക്ക്​ ആറു​ ദിവസം, തദ്ദേശ സ്വയംഭരണ സ്​ഥാപനങ്ങളിലെ ഉദ്യോഗസ്​ഥർക്ക്​ പദ്ധതി എങ്ങനെ നടപ്പാക്കണമെന്നതു സംബന്ധിച്ച്​ രണ്ടു ദിവസം എന്നിങ്ങ​െനയാണ്​ പരിശീലനം നൽകാൻ തീരുമാനിച്ചിട്ടുള്ളത്​. കോവിഡ്​ നിയ​ന്ത്രണങ്ങൾ അവസാനിച്ചാൽ ഉടൻ പരിശീലനം ആരംഭിക്കും.

നിലവിൽ ഉൗട്ടിയിലെ സ്​ഥാപനത്തെയാണ്​ പരിശീലനത്തിന്​ ആശ്രയിക്കുന്നത്​. പൂളക്കടവിൽ പരിശീലനം തുടങ്ങിയാൽ മറ്റു​ ​കോർപറേഷനുകളിലും മുനിസിപ്പാലിറ്റികളിലുമടക്കം പരിശീലനം നൽകാൻ സാധിക്കും.

2019 മാർച്ചിാണ്​ ആനിമൽ ബർത്ത്​ കൺട്രോൾ സെൻറർ പൂളക്കടവിൽ തുടങ്ങിയത്​. തെരുവുനായ്​ക്കളുടെ ശല്യം വർധിച്ചതോടെയാണ്​ നഗരസഭ വന്ധ്യംകരണ പദ്ധതി തുടങ്ങിയത്​. 2018 ലെ കണക്കുപ്രകാരം നഗരത്തിൽ 13,152 തെരുവുനായ്​ക്കളാണുള്ളത്​​. ഇവയെ വന്ധ്യംകരിക്കുന്നതിനായി മൂന്ന്​ ശസ്​ത്രക്രിയ വിദഗ്​ധർ, ഒരു അനസ്​തറ്റിസ്​റ്റ്​, അഞ്ച്​ നായ്​പിടിത്തക്കാർ, ഒരു ഡ്രൈവർ, രണ്ട്​ അറ്റൻഡർമാർ, ഒരു ശുചീകരണത്തൊഴിലാളി എന്നിവർ സേവന സന്നദ്ധരായുണ്ട്​.

ഓരോ പ്രദേശത്തുനിന്നും നായ്​ക്കളെ പിടിച്ച്​ ആശുപത്രിയിൽ എത്തിച്ച്​ ശസ്​ത്രക്രിയയും കുത്തി​െവപ്പും നടത്തുകയാണ്​ ചെയ്യുന്നത്​. ശസ്​ത്രക്രിയക്കുശേഷം മൂന്നു മുതൽ അഞ്ചു ദിവസംവരെ ആശുപത്രിയിൽത​െന്ന കിടത്തി ചികിത്സിക്കുകയും ചെയ്യും. മൂന്നു ദിവസത്തിനുള്ളിൽ മുറിവ്​ ഉണങ്ങുന്നുണ്ടെങ്കിൽ നായ്​ക്കളെ പിടിച്ച ഇടത്തുതന്നെ വിട്ടയക്കും.