സാമൂഹിക വിരുദ്ധരുടെ ആക്രമണം; മെഡി. കോളജിൽ സുരക്ഷ ജീവനക്കാർക്കുപോലും സുരക്ഷയില്ലെന്ന് പൊലീസ് മേധാവിക്ക് കത്ത്

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് ആ​ശു​പ​ത്രി വ​ള​പ്പി​ൽ രാ​​ത്രി​യാ​യാ​ൽ സാ​മൂ​ഹി​ക​വി​രു​ദ്ധ​രും ല​ഹ​രി​മാ​ഫി​യ​യും വി​ള​യാ​ടു​ക​യാ​ണെ​ന്നു കാ​ണി​ച്ച് സൂ​പ്ര​ണ്ട് സി​റ്റി പൊ​ലീ​സ് മേ​ധാ​വി​ക്ക് ക​ത്ത് ന​ൽ​കി. സു​ര​ക്ഷ ജീ​വ​ന​ക്കാ​ർ​ക്കു പോ​ലും ഇ​വ​രു​ടെ ഭീ​ഷ​ണി​യി​ൽ​നി​ന്ന് ര​ക്ഷ​യി​ല്ലെ​ന്നും സം​ഘ​ടി​ച്ച് മാ​ര​കാ​യു​ധ​ങ്ങ​ളു​മാ​യി സു​ര​ക്ഷ ജീ​വ​ന​ക്കാ​ർ​ക്കു​നേ​രെ പ​ല​ത​വ​ണ ഇ​വ​ർ ആ​ക്ര​മ​ണം ന​ട​ത്തി​യ​താ​യും പ​രാ​തി​യി​ൽ പ​റ​യു​ന്നു.

രാ​ത്രി​കാ​ല​ങ്ങ​ളി​ൽ പൊ​ലീ​സ് പ​ട്രോ​ളി​ങ് ശ​ക്ത​മാ​ക്ക​ണം. സ്ത്രീ​ക​ളെ​യും കു​ട്ടി​ക​ളെ​യും ഇ​വി​ടെ കൊ​ണ്ടു​വ​ന്ന് അ​നാ​ശാ​സ്യ​പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​താ​യും ക​ത്തി​ൽ പ​റ​യു​ന്നു. സാ​മൂ​ഹി​ക​വി​രു​ദ്ധ​ർ താ​വ​ള​മാ​ക്കു​ന്ന സ്ഥ​ല​ങ്ങ​ൾ എ​വി​ടെ​യെ​ല്ലാ​മാ​ണെ​ന്നും സൂ​​​പ്ര​ണ്ട് പൊ​ലീ​സി​ന് ന​ൽ​കി​യ ക​ത്തി​ൽ വ്യ​ക്ത​മാ​ക്കി​യി​ട്ടു​ണ്ട്.

കാ​മ്പ​സി​ന്റെ സു​ര​ക്ഷ ചു​മ​ത​ല​യു​ള്ള സെ​ക്യൂ​രി​റ്റി ജീ​വ​ന​ക്കാ​ർ ആ​ശു​പ​ത്രി വ​ള​പ്പി​ൽ പ​തി​വാ​യി രാ​ത്രി​കാ​ല പ​രി​ശോ​ധ​ന ന​ട​ത്തി​വ​രാ​റു​ണ്ട്. ക​ഞ്ചാ​വ്, മ​യ​ക്കു​മ​രു​ന്ന് മാ​ഫി​യ​യു​ടെ സം​ഘ ശ​ക്തി സെ​ക്യൂ​രി​റ്റി ജീ​വ​ന​ക്കാ​ർ​ക്കു​നേ​രെ പ​ല ത​വ​ണ ഉ​ണ്ടാ​യി​ട്ടു​ണ്ട്. ഇ​തു​സം​ബ​ന്ധി​ച്ച് പ്ര​ധാ​ന സു​ര​ക്ഷ ഉ​ദ്യോ​ഗ​സ്ഥ​ർ ന​ൽ​കി​യ റി​പ്പോ​ർ​ട്ടി​ന്റെ​യും തു​ട​ർ പ​രി​ശോ​ധ​ന​ക​ളു​ടെ​യും അ​ടി​സ്ഥാ​ന​ത്തി​ലാ​ണ് പൊ​ലീ​സി​ന്റെ സ​ഹാ​യ​വും കൂ​ടി വേ​ണ​മെ​ന്ന് ആ​വ​ശ്യ​പ്പെ​ടു​ന്ന​ത്.

ആ​ശു​പ​ത്രി​യു​ടെ അ​ടു​ക്ക​ള സ​മു​ച്ച​യം, ആ​ശു​പ​ത്രി പ്ര​ധാ​ന ക​വാ​ട​ത്തി​ന് സ​മീ​പ​ത്ത് രോ​ഗി​ക​ളു​ടെ ആ​ശ്രി​ത​ർ​ക്ക് വി​ശ്ര​മി​ക്കാ​നാ​യി നി​ർ​മി​ച്ച ഷെ​ഡു​ക​ൾ, പൊ​ലീ​സ് സ്റ്റേ​ഷ​ന് എ​തി​ർ​വ​ശ​ത്താ​യി മെ​യി​ൻ ഗേ​റ്റി​ന്റെ പ​രി​സ​രം, മോ​ർ​ച്ച​റി പ​രി​സ​രം, സൂ​പ്പ​ർ സ്പെ​ഷാ​ലി​റ്റി ബ്ലോ​ക്കി​ന്റെ പി​ൻ​വ​ശം, സ്പോ​ർ​ട്സ് മെ​ഡി​സി​ൻ സ​മു​ച്ച​യ പ​രി​സ​രം, വി​വി​ധ ക്വാ​ർ​ട്ടേ​ഴ്സു​ക​ളു​ടെ സ​മീ​പ പ്ര​ദേ​ശ​ങ്ങ​ൾ എ​ന്നി​വി​ട​ങ്ങ​ളി​ലാ​ണ് പ്ര​ധാ​ന​മാ​യും ക​ഞ്ചാ​വ്, മ​യ​ക്കു​മ​രു​ന്ന് സം​ഘ​വും സാ​മൂ​ഹി​ക വി​രു​ദ്ധ ശ​ക്തി​ക​ളും താ​വ​ള​മാ​ക്കു​ന്ന​ത്.